人妻李璧琦唱古典聲樂兼做流行曲歌手 曬火辣性感照益粉絲

43歲索人妻李璧琦最近在社交網發佈一系列全新造型照，除了一輯以色彩繽紛全身裙加上齊陰的活潑造型外，另一輯以緊身黑色束衣的性感造型，勁騷34C噴血身材，大派福利益粉絲。璧琦寫着：「為期十天的👩🏻‍🎤 #B琦Portrait #TestShoot 作品全系列Posting完成了💪🏻! 感謝大家支持🙇🏻‍♀️！每一個comment/share我都有睇有like㗎！你們的踴躍好似陽光咁溫暖啊☀️thx thx！」

齊陰Look 感覺煥然一新。

李璧琦一口氣試咗好多唔同造型。

以色彩繽紛造型做主題，表現活潑好動一面。

緊身黑色束衣的性感造型，勁騷34C噴血身材。

自約滿離開TVB後，璧琦立心轉營當獨立歌手，先後推出《只想緊緊抱住你》、《記憶的碎片》等歌曲。疫情期間，她主演的電影《等一個擁抱》去年在香港上映，而其他公開活動工作量相對減少。但她也積極為自己音樂事業舖路，更已與音樂監製舒文合作完成了一首新作，並正籌備發佈：「今次好開心可以找來舒文合作，比我對香港流行音樂再增長更多知識。新歌主題比較講及有關我自己嘅心路歷程，所以我都要多謝填詞人 T-Rexx 寫咗一份好內心嘅詞，同埋楊鎮邦一份咁優美嘅曲。我一路都想突破自己一向比觀眾嘅印象，除咗古典聲樂之外，其實我都係一個流行曲歌手。好似今次拍造型照一樣，除咗可愛活潑嘅一面之外，我其實仲有其他方面可以發掘吓！」

自約滿離開TVB後，璧琦立心轉營當獨立歌手。

音樂監製舒文合作完成了一首新作。

璧琦話除咗古典聲樂之外，其實佢仲係一個流行曲歌手。

索人妻李璧琦拋胸影造型照，唱古典聲樂兼做流行曲歌手。

藝人李璧琦（Becky）日前到新城廣播接受李有毅（Ben）及兒子李國煒（Benson）主持的《Ben同Benson「Chur」到行》訪問，宣傳新歌《彩虹下的約定》；Becky除了分享豐富的演藝經歷，更驚爆擔任Benson英文補習老師的陳年趣事。

李璧琦接受新城廣播《Ben同Benson「Chur」到行》訪問。

節目甫開始，Ben大爆Becky曾是Benson的英文補習老師，Benson即幽默表示：「所以我嘅英文咁好，就係咁解喇！」然而，Becky回憶當年的情景亦猶有餘悸，她沒好氣表示：「你仲好講！真係激到我呢…同你補完習之後，以後都唔敢再做補習老師，好大陰影呀！」

Becky忍不住連珠炮發，「激死我呀，呢個同學仔（Benson）唔知點解咁活躍，佢成日上堂時跳嚟跳去，然後又好似『壁虎功』咁爬咗上牆，明明上緊堂…佢又唔知點解鍾意玩BB彈，唔係攞嚟射我，係塞咗落自己個鼻哥窿到，當時我仲係一個十幾歲嘅女仔，見到佢塊臉開始變色，然後又開始抖唔到氣，你幻想吓我點算？」

李璧琦宣傳新歌《彩虹下的約定》。

但Benson竟然搞笑謂：「我真係冇印象喎！『壁虎功』我就記得，BB彈真係冇印象。」就連Ben都表示：「我都唔知喎，連媽咪（太太）都唔知。」Becky續說：「我喺嗰時第一次學識危機處理同急救，我好緊張，係咁叫佢噴，點知佢話『我都要吸咗先噴』。自從同佢補完習之後，我就唔再補喇！」

除了補習老師的身份，Becky亦是模特兒、歌手、演員、節目主持及歌唱老師等多重身份，談及拍攝廣告的經歷，Becky特別分享人生首個廣告雜誌，就是與鄭裕玲（DoDo姐）合作拍攝樓盤廣告，而拍攝過程亦十分難忘，她說：「我一試鏡就中咗，之後去咗內地拍攝，但我係好易畀蚊針嘅體質，結果喺酒店瞓覺時，係咁畀蚊針，一掰大眼成隻眼腫晒，即刻係咁喊。」

獲Do姐暖心安慰感難忘。

李璧琦爆李國煒上堂爬牆塞BB彈入鼻。

她立即致電化妝師求救，最後帶著紅腫的眼睛見DoDo，令她感動的是，一向予人威嚴感覺的DoDo不但沒有責怪，反而貼心地說：「你咁樣不如戴住眼鏡拍啦！」還親切地安慰她：「傻女嚟嘅，唔緊要。」這個溫暖舉動讓Becky至今難忘，也讓她見識到DoDo親和的一面。

詳細節目內容，請留意11月8日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/MetroInfo/