林作表示已得知Derek血統 有爆料人稱在陳凱琳合作DNA公司工作

「抽水王」林作早前因為看到港姐陳凱琳細佬Derek與父親的合照，認為他們兩人外觀不相似，公開以100萬元請Derek父子驗DNA，後來金額更加碼至1千萬元，事件成為全城熱話。

「抽水王」林作

請問林作抽水抽到幾時？

Derek父親節同爸爸合照，再令佢惹來身世疑雲！

林作出100萬挑戰DEREK同爸爸做親子鑑定。

陳凱琳家姐Joyce嫌林作出得100萬太少，有人理嘅林作即刻大為高興。

林作稱得到阿媽支持，加碼至1000萬。

事件在Derek宣佈離港避世後持續發酵，林作於昨日（27日）在社交平台發文指，有網民向他爆料，聲稱他不用花一千萬元，便可以得知陳凱琳細佬Derek的血統來自什麼地方。林作同時表示：「除非到今（昨）晚9點，這個post有兩千個like，及IG及FB Page followers到45K，本人才會考慮公開一旦獲得的任何結果。」

有網民向林作爆料，聲稱他不用花一千萬元，便可以得知陳凱琳細佬Derek的血統來自什麼地方。

林作在晚上接近11點時，才在社交平台發布關於Derek的消息。原本有網民向林作表示，自己曾經在DNA公司工作，亦曾經與Derek姐姐陳凱琳合作。爆料人更指Derek有做過DNA測試：「而Derek的基因，足夠可以測試是多少％屬於哪裡的血統。」

林作晏咗個幾鍾出PO，話爆料人來自同DNA研究公司，對方仲知道Derek嘅血統資料。

陳凱琳拍過DNA報告嘅廣告。

不過，林作似乎對Like數及followers人數不太滿意，又留意到很多網民他多管閒事及對事件開始失去興趣，便留言發晦氣：「我最多自己知道結果，自己爽就好。確實，關你地鬼事，我都廢事話你地知。本來打算與民同樂，揭開真相，令一眾同我一樣頂癮多年嘅人可以放下心頭大石。依家，唯有我自己happy。」

影后衛詩雅（Michelle）及KOL吸金女王陳凱琳（Grace）盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓，Michelle表示非常慶幸有個醫美醫生老公周祉安（Kenley），可以隨時請教護膚貼士，但同時亦大感壓力：「人哋談情時會好情深望住對方眼睛，但我老公嘅視線就游走喺自己塊面，一時話多條紋、一時話有斑，搞到我有無形壓力，好多時唯有問佢點樣做！」Michelle笑言，最不滿意自己的高度，如果需要微調的話，她一定選擇增高。

陳凱琳及衛詩雅盛裝出席《Merz Aesthetics® Gold Record Award 10周年暨頒獎典禮及記者會》擔任頒獎嘉賓。

Merz Aesthetics®️ 香港區總經理Candice Wong與兩位品牌大使擔任頒獎嘉賓

前日（24號）是Michelle的生日，收到姪仔「You Still Young」訊息而心花怒放，去年Kenley送上帽子作生日禮物，並不合Michelle心意，今年壽星女學精了，自己買下綠松石首飾，然後把賬單交給首次以老公身份相伴過生日的Kenley，Michelle難忘踏入重要一刻的搞笑情景：「佢（凌晨）十二點就熄燈，叫我扮唔知、扮驚喜，但個蛋糕根本就係我同佢一齊買！」

擔任Belotero® 品牌大使多年的衛詩雅對產品非常有信心。

對於生日願望，正為新戲開工的Michelle希望拍攝順利、身體健康及世界和平，可有計劃生BB？Michelle回應：「我覺得做父母需要考牌，都有問自己，咁大責任，可唔可以教育一個人仔？我就未有資格，做媽媽太難，同埋而家我哋兩個生活好正，如果有小朋友，想去旅行都要諗過。」Michelle指老公對生育持開放態度，只在乎她的感受，兼且雙方家長都沒有給予壓力，即使領養也可以。

衛詩雅

同樣性感登場的陳凱琳，透露早前趁有三天假期，帶六歲大仔飛往三亞旅行，老公鄭嘉穎則留在香港照顧兩個細仔，Grace說：「開學前爸爸帶咗大仔去新加坡玩，今次就輪到我，大仔鍾意食，好easy going，好聽話唔難湊。」在三亞的最後一晚，兩母子躺在酒店牀上傾心事，剛升讀小一的大仔，自揭仍想繼續留在傳統學校讀書，並表示很喜歡中文科的鄭老師，Grace笑道：「阿仔有爸爸同老師兩個鄭Sir，老師知道佢從小講英文多，所以鼓勵佢可以試吓用中文發問。」大仔嘗試後即獲讚賞，他亦看到自己中文有進步，加上認識到不少新朋友仔，覺得在這間學校讀書很開心。

Xeomin® 品牌大使陳凱琳十分信賴德國製造的Xeomin®️零雜質_純淨+配方。

問到兩位弟弟有否投訴媽咪「大細超」？Grace自言相當公平，已跟兩個細仔約定明年由爸爸鄭嘉穎帶他們一起旅行，Grace大讚老公：「佢係好親力親為嘅爸爸，我好感恩身邊有個咁錫小朋友嘅爸爸，呢段時間小朋友好需要家長陪伴，我就轉咗型，喺屋企都可以拍到視頻，多咗好多時間陪佢哋。」Grace 變身KOL相當成功，有沒有考慮與嘉穎以夫妻檔上陣？她說：「佢唔得，做戲對佢嚟講最有滿足感，所以我唔會逼佢做唔鍾意嘅嘢，佢亦好支持我嘅工作。」

陳凱琳