女星泳裝大比拼 李嘉欣比堅尼VS吳若希一件頭

2022年究竟潮興邊款泳裝呢？

未到盛夏，近日平均氣溫已經有三十多度。又到了跟陽光玩遊戲，女士們Show火辣Body的好時候。究竟2022年潮興邊款泳裝？一件頭款仍然是今年必入Item，當然少不了巴打至愛的三點式。而今年不少泳衣均配上金屬飾物，增添不少貴氣。想添置新泳衣但冇乜頭緒?以下為大家揀選不同年齡層的女星泳裝，可給女士們作參考。

女星大熱泳裝｜李嘉欣比堅尼大戰吳若希一件頭

比堅尼泳衣

李嘉欣（Michele Reis）52歲

李嘉欣舉行船河Party慶祝52歲生日，壽星女穿上淺藍色暗花比堅尼泳衣，盡顯勻稱身材。另外，靚媽可能怕露肉太多而外加白色長外套，好彩冇遮住腹肌及馬甲線。

​李嘉欣晒出腹肌和馬甲線。（圖片來源：Michele Reis IG） ​

陳婉衡（Alycia）32歲

擁有澎湃身材的陳婉衡絕對是性感尤物，穿上深黑色比堅尼的她更顯皮膚白晳。而Alycia所穿的款式分別於胸前及褲邊加上金屬圓扣，變得極為時尚。

一件頭泳衣

吳若希（Jinny）30歲

已為人母的吳若希，挑選了較保守一件頭泳衣，不過最特別是腰間及手袖位配上有色薄紗，加上粉紫色泳衣及藍天白雲，少女感大增。

泳衣配上薄紗，增添少女氣息。（圖片來源：Jinny Ng IG） ​

吳若希同小朋友玩得好開心。（圖片來源：Jinny Ng IG） ​

曹敏莉（Mandy Cho）39歲

前港姐冠軍曹敏莉，婚後育有一女兩子，她不時在社交平台分享生活點滴。近日她上載池邊晒太陽照片，見她穿上黑色一件頭泳衣，看似平平無奇，望真啲輕度開胸，一件普通連身泳衣立即變得時尚。

Mandy的泳衣時尚感十足。（圖片來源：Mandy Cho IG） ​

荷葉花邊三點式

郭思琳（Margiela.K）35歲

郭思琳為記錄自己的巨肚，穿上泳衣拍照留念。準媽媽好有童心，選着黑色荷葉Bra Top立即增添可愛感覺。

郭思琳為了記錄自己巨肚，所以特別穿上泳衣來拍照留念。（圖片來源：Margiela.K IG）

陳敏之（Sharon Chan）43歲

陳敏之多年來Keep住Fit爆身形，就算做了媽媽仍一樣。今年初夏，敏之已急不及待與兒子作下水禮，話晒Model出身，揀選泳衣都好Fashion，這件紅黑間大荷葉裝，配上一對長腿，如名模一樣。

年過40仲要生過BB，敏之身形認真得天獨厚。（圖片來源：Sharon Chan IG） ​

羅洛家（Carmina）28歲

曾參加《全民造星IV》、名指揮家葉詠詩女兒羅洛家，穿上配合年齡的兩件頭泳裝，白色Bra Top配以粉紫色褲仔，加埋軍綠色漁夫帽，完美的Mix and Match，有型有款。

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

吳若希與老公何兆鴻相當恩愛

吳若希與老公何兆鴻

經常分享一家四口的生活

相當幸福

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」

正面樣曝光

限時動態分開Giselle的生日相

女兒與媽媽如餅印

一家四口

兩姊弟好可愛

Giselle６歲生日

5歲生日

4歲生日

3歲生日

2歲生日

1歲生日