麥美恩（Mayanne）、吳若希、丁子朗齊齊為森美慶祝52歲生日，場面搞笑又溫馨！
麥美恩、吳若希、丁子朗齊齊為森美慶祝52歲生日
森美52歲生日
場面搞笑又溫馨
場面搞笑又溫馨
氣氛歡樂
麥美恩於IG貼出慶生照片，並說：「52歲胸肌 @sammy903係有料嘅 為咗避免再次幫叔叔切蛋糕。今次我哋自己親自送上廠 @jinnyng @karl_ting @allexxhoo 好多人讚叔叔呢期回到春天。等我親手認證吓 其實叔叔只要見到我哋，你睇佢幾咁靚仔 幾咁青春活力 We are family #blessed #52 #suksuk #blessings #sharethelove #gratitude」森美於帖文下留言：「搞咩啊？搞到我個樣! 」Mayanne回覆他：「回春」
樂壇人氣實力派歌手胡鴻鈞（Hubert）與吳若希（Jinny）將於7月17日強勢登陸廣州，合體舉行《Double Shot雙響2026巡迴演唱會》的演唱會！日前兩人特別抽空親赴廣州，展開為期全日的「馬拉松式」瘋狂宣傳行程。兩人不僅深入鬧市與廣州街坊零距離互動，更突襲街頭 Busking，吸引大批市民及粉絲包圍十分墟冚！
胡鴻鈞（Hubert）與吳若希（Jinny）日前為7月17日廣州演唱會跑全日宣傳。
當日Hubert與Jinny現身廣州街頭派發宣傳單張及與市民玩遊戲。兩人一亮相即掀起轟動，瞬間被熱情的街坊及粉絲層層包圍，大家紛紛拿出手機瘋狂拍照，更有不少市民即場與他們大合唱，氣氛熱烈。
落區派傳單引來大批粉絲包圍，場面墟冚。
事後Hubert笑言這次體驗簡直是「受寵若驚」：「同Jinny去廣州跑全日宣傳，其實就唔辛苦嘅，雖然佢好嘈，哈…..，但係我覺得好充實！真係好耐冇試過跑足一日宣傳，好開心見返好多老朋友。去到街頭嘅時候，其實真係冇諗過有咁多市民圍觀，嗰下一刻真係有啲驚喜同受寵若驚！起碼見到大家都好熱烈歡迎我同Jinny，大家又識唱我哋啲歌，令到我哋對嚟緊嘅Show多咗好大信心同期待！」
VIP門票秒殺後即場加推少量，兩人興奮感謝歌迷支持。
除了鬧市互動，兩人更突襲街頭 Busking。對於甚少參與街頭表演的Jinny來說，這次絕對是新鮮感十足的初體驗。Jinny坦言：「好耐未試過全日跑宣傳，感覺好似去敘舊多啲。至於喺街頭Busking，我不嬲都冇玩開，初頭真心覺得好驚！但原來同觀眾咁近距離，嗰種感覺好Close，真係好似同屋企人去咗唱K咁！雖然只係唱咗一小段，但見到大家反應超好，希望未來可以多啲同大家咁樣見面。」
Jinny首次街頭演出勁驚，但大讚近距離互動有趣。
而Hubert也表示感觸良多：「對上一次Busking已經係疫情宣傳嗰陣，今次再同Jinny一齊唱，有種好陌生又好熟悉嘅感覺。見到畫面咁多人圍住、可以即時唱歌畀大家聽，真係好開心。」
由於這是兩人近年首度在廣州合體開騷，演唱會的VIP門票在開售初期已全數秒殺，不少未能買到心水門票的歌迷紛紛「全網求飛」。主辦單位有見及此，經過多方協調後，終於在宣傳當日宣布加推最後少量VIP門票！
Hubert對觀眾反應驚喜。
得知加推消息後，兩位主角都興奮不已。Jinny透露：「好多人都同我講話買唔到飛，所以我哋好努力同主辦爭取，最後爭取到加推多百零張VIP飛！雖然Show後要同大家影相（福利）可能會辛苦少少，但只要見到大家，我哋就非常高興！」Hubert亦表示：「非常之多謝所有歌迷支持！主辦因應群眾反應加推，希望當晚可以同更多人一齊玩、一齊盡興，過一個好開心嘅晚上！」
