蔡卓妍提議上求愛騷又縮沙

蔡卓妍（阿Sa）和鍾欣潼（阿嬌）定於下月21日在廣州舉行《#TWINS#LOL#世界巡迴演唱會#》，今日在廣州舉行記者會。阿Sa笑指要跟好拍擋兼同告單身的阿嬌齊齊上求愛節目，但又即時縮沙：「講吓笑唔得咩！」

問到會否邀請緋聞男友蔣翹帆欣賞演唱會？阿Sa表示歡迎任何朋友到場，但知道廣州的門票已售罄。有指還有北京、上海等地巡迴8站，加上對方是印尼餐廳老闆可包埋伙食，阿Sa沒好氣的說：「救命呀！我唔打算日日講，『晨吉』咁早咪話咗無（男朋友），關心我的話就介紹個來。」阿嬌即說認識另一個餐廳老闆可介紹，不過當阿Sa得悉是女老闆，立即失望的表示女仔就不用介紹。

問到同樣單身的阿嬌可想拍拖？阿嬌立即說：「我要㗎！」阿Sa聞言就提議：「咁我地一齊上真人show《非誠勿擾》！」不過再問是否真的夠膽上求愛節目？阿Sa即縮沙說：「講吓笑唔得咩！（擇偶條件？）看感覺、隨緣。」

談到巡迴演出，二人指會特別加唱數首國語歌，並且有別於香港，由四面台轉為三面台，因此製作和服飾會有所改動需重新排練。搞笑是提到歌衫會否改為前面更有睇頭，阿Sa鬼馬地說：「唔通後面唔使着？咁好古惑喎，要露個優質股出來，哈哈！」

至於表演嘉賓，Twins表示礙於rundown已經好長要縮短時間，如果有嘉賓會有少少麻煩，不過有亦有其好處，笑言就看誰欠她們人情，還債就是時候。

44歲嘅阿嬌（鍾欣潼）日前於小紅書上載一段卸妝影片，即刻成為全網熱話！呢位素顏天花板一卸妝，竟然同上妝「差唔多冇分別」。網民震驚：「佢係卸咗啲咩？好似擦走啲灰塵咁！」討論度一度衝上熱話。

阿嬌平常不介意素顏出鏡

一樣是美美的

影片中見到，阿嬌示範卸妝程序：先用卸妝油乾手按摩，再加水乳化沖掉，再做二次清潔。卸妝後，皮膚依然緊緻透亮，毛孔細到近乎隱形；五官輪廓分明，高鼻樑、下顎線全部keep住，連黑眼圈都唔明顯。有網民打趣：「化妝化幾個鐘，最後卸完同未化一樣！」

阿嬌日前表演推卸妝

卸完更美

阿嬌於影片中亦分享保養心得：「以前覺得護膚品越貴越好，依家越用越簡單，用啱自己嘅，同埋要補水。塗太多反而塞毛孔。」唔少網友讚她講得實在，認同「卸乾淨＋減法保養」先係真正王道。