蔡卓妍43歲生日自爆體重達高峰與C君開P慶祝大合照洩蜜？！

娛圈事

蔡卓妍43歲生日自爆體重達高峰與C君開P慶祝大合照洩蜜？！

2025年11月22日 18:00 最後更新：11月23日 12:03

蔡卓妍（阿Sa）於今日（11月22日）踏入43歲生日，除了與經理人霍汶希（Mani）及老友容祖兒、關智斌等慶祝，又與同月同日生的C君一同舉行生日派對，二人齊齊在IG晒出派對的照片，可見在大合照中見到阿Sa的緋聞男友、33歲健身教練Elvis（林俊賢）就站在壽星女旁邊，疑似以女方另一伴的身份出席派對！

View this post on Instagram

A post shared by Charlene Choi (@choisaaaa)

不過，阿Sa對緋聞依然保持低調，她又在IG晒出一輯靚相為自己慶祝，相中她頭戴皇冠，手上棒着蛋糕、舉杯，坐在氣球堆中留影！她分享生日感受，「又到一年一度嘅生日啦！對於我呢個鍾意搞活動又有啲啲儀式感嘅人嚟講，每年生日要點樣過都係一個值得思考嘅題目，形式可以有好多種，但其實都不外乎同自己愛又愛自己嘅人一齊，食好多好多餐好味生日飯，吹好多蠟燭食好多個生日蛋糕，被滿滿嘅愛意包圍！」

點擊看圖輯

Mani、容祖兒及關智斌齊為阿Sa慶祝。

蔡卓妍IG圖片

鍾欣潼（阿嬌）雖說未能出席，但都有在合照中「現身」。

阿Sa與C君是同月同日生。

大合照

緋聞男友Elvis就站在壽星女旁邊。

蔡卓妍IG圖片

View this post on Instagram

A post shared by Charlene Choi (@choisaaaa)

阿Sa自爆體重在今年生日達到人生高峰，「但係！又如何呢？每次別人談論年紀嘅時候，我都會唔小心講錯自己嘅年齡（唔係特登㗎），好似人到咗某一個階段開始，有一啲嘢會變得更加冇所謂，比如年齡比如體重，你嘅內心會話俾自己聽，你想要乜嘢？乜嘢先至係人生裡面重要嘅組成部分？然後將佢哋重新排列組合，尤其係今年經歷咗一啲至親朋友嘅疾病或者告別，我變得更珍惜當下珍惜身邊人珍惜健康！」

阿Sa又指有些粉絲朋友會覺得我她年沒有以往那些「努力」，「但其實我只係將一部分努力放咗喺其他部分，或許人喺唔同階段，需要努力嘅部分真係唔一樣，今次係我主動提出想要影一組生日相，因為我想記錄吓今年嘅我係點樣，或許下年我會再多一條皺紋，又或許我下年嘅體重會再創高峰，但係都唔重要lu！我知道我走嘅每一步都係我努力經營同選擇嘅，我知道我係開心嘅，我知道我身邊一直有愛我嘅人，而我愛嘅人亦都從未離開，生日快樂唔止今日，希望你哋都係！」

往下看更多文章

蔡卓妍新婚即復工為英皇演唱會綵排好姊妹鍾欣潼驚喜送「天價嫁妝」

43歲蔡卓妍（阿Sa）日前無預警在社交平台宣布婚訊，公開與年輕10歲的健身教練男友林俊賢（Elvis）的婚紗照，兼晒出手上的巨型鑽戒，好姊妹鍾欣潼（阿嬌）除了轉發阿Sa的帖文送上長文祝福外，還送上「天價嫁妝」！

英皇高層霍汶希（Mani）日前在IG分享探班VLOG，可見Twins正在為「25+英皇群星演唱會」練歌，可見阿Sa先和Mani分享自己換了新顏的的咪高峰，並獲Mani讚是「聰明的新娘子」，之後阿嬌突然為阿Sa送上閃爆的鑽石頸鍊作結婚禮物，令阿Sa非常驚喜！Mani亦隨即化身大妗姐，為阿Sa戴上頸鍊，笑言：「打風都打唔甩呀，禮成！好嘢！恭喜晒兩位！」逗得Twins哈哈大笑。阿Sa又與阿嬌攬攬及握手，並表示：「合作愉快，合作愉快！」