很多人認識阿Sa（蔡卓妍）是因為女子組合Twins，但其實早在2000年7月播出的青春劇《青春@Y2K》，阿Sa已有亮相。日前經理人霍汶希(Mani)PO出與阿Sa的陳年出海合照祝賀，感慨留言：「初次見面就好像昨天的事。」
Mani （左）跟Twins、謝霆鋒早年的合照。
Mani跟阿Sa感情特別好。
Mani曬出與阿Sa的陳年出海合照，祝賀阿Sa出道22年。
Mani在2000年先看中阿Sa的潛力，跟她簽約。阿Sa與阿嬌簽約英皇後，經常「孖公仔」上堂、訓練。據悉當時是阿Sa主動和阿嬌搭訕後，兩人自此成了好朋友。有見及此，經理人Mani決定將她們成為組合發展演藝事業。一開始她們還未有隊名，就已經一同去過澳門登台。因為兩人長得相似經常被誤認，公司經過商討後才決定以「Twins」為組合命名。Twins在2001年5月18日正式成立。
點擊看圖輯
Mani曬出與阿Sa的陳年出海合照，祝賀阿Sa出道22年。
Twins出道初期的稚氣樣。
轉眼間Mani跟阿Sa已經合作22年了。見Mani曬出若干年前的出海合照，相中阿Sa非常青澀，還蓄著短髮，對著鏡頭比出「Yeah」手勢和展露燦爛笑容，看上去有點似小男生。Mani寫道：「不知不覺，我們Sa@蔡卓妍出道22年了，初次見面就好像昨天的事。從歌手到演員，你總是用努力證明自己，很開心能夠一路見證你的成長。在我心目中永遠是長不大的小女孩，很幸運22年前你父母信任我把你交托給我，今天來長沙和你一起共度這個特別的日子，我們的小太陽，乘風破浪一起加油～#蔡卓妍出道22周年快樂」
Twins近期北上搵銀，参加陸綜《乘風破浪》。
曾打造謝霆鋒、容祖兒等無數經典，兼一手捧紅Twins成當紅女團的音樂人伍樂城，今年再戰本地樂壇，從其音樂學校選出六位年齡介乎13至16歲的女生，組成全新女團Honey Punch，先後派上兩首作品《蝶式》及《滑到入心》瞄準今年樂壇新人獎。入行30年的伍樂城接受雷霆881商業一台《星光背後》專訪，憶述由學習古典音樂走進流行樂壇變身金牌監製的辛酸外，亦披露當年與初入行的阿Sa、阿嬌合作點滴，伍樂城指：「Twins嘅schedule係痴線！」
伍樂城
於牛頭角下邨一家五口成長的伍樂城，九歲開始學鋼琴，他1990年遠赴美國著名學府伯克利（Berklee College of Music）修讀音樂製作及電影配樂，他坦承五年才完成大學，跟經濟負擔有莫大關連，「因為每一個課程都係錢，譬如一個學期可以讀六科，但我唔夠錢只可以讀兩、三科，就好慢。」為了交學費，伍樂城求學期間兼職過不少工作，「五年我都無返過香港，Waiter、唐人街卡拉OK打碟都做過，最影響我係做Berklee音樂廳嘅帶位，因為所有有名嘅Musician嚟Boston開騷，都會嚟我哋學校，呢份工無得坐係好攰嘅，但乜嘢騷都會睇，譬如音樂劇、Heavy Metal、Jazz，甚至最勁嘅Celine Dion，係令我領略何謂先入為主，好多嘢我以為無乜特別，但表演期間原來玩得好正！」
謝霆鋒唱《無聲彷有聲》表達對愛不後悔。
伍樂城95年回港加入許願星工廠先做《山水有相逢》電影配樂，因而遇上人生兩大伯樂黃偉年及趙增熹，亦因趙增熹96年監製梁漢文的專輯，讓伍樂城寫了首支大熱作《衣櫃裡的男人》，繼而再獲英皇賞識，先後為謝霆鋒監製《無聲彷有聲》、《愛後餘生》、《非走不可》等經典。談及霆鋒給人少說話及火爆的印像，伍樂城說：「我同佢合作無嘢喎，同佢溝通係最簡單直接！最記得《非走不可》，因為佢一邊錄我一邊諗到歌名，最初公司覺得唔吉利唔想用，係霆鋒撐呢個歌名。」亦因霆鋒的成功，英皇亦將未出道的Twins交到伍樂城手上，一批伍氏校園情懷作，順利幫Twins走上當紅偶像階梯，伍樂城說：「好多謝佢哋公司畀我哋好大自由度，無乜理我同填詞人點設計。」由Twins未出道到成名後多張專輯，伍樂城見證二人的辛苦，「佢哋好早已經忙到死，一年等於人哋五、六年，未出道仲好啲，佢哋嘅Schedule係痴線嘅，突然間就話要出，唔係一首歌喎，係一隻碟，好彩係兩個，嚟到一個瞓一陣先，一個叫嘢食錄歌先，所以連我根本都無得瞓，但亦訓練到我無乜問題解決唔到。」
見證Twins痴線時間表。
伍樂城跟四大天王也先後合作過，他承認其中一次夢幻經驗，是監製及灌錄劉德華及梁朝偉合唱的《無間道》，令他登上金像獎頒獎台，摘下2003年金像獎最佳電影原創歌曲。談及獲得為這經典電影創作主題曲的機會，伍樂城自揭要擊敗眾多競爭對手，「我哋寫歌都係靠投稿，我要再次好多謝陳德建先生，當時佢處理晒劉德華先生嘅電影，好記得當時我食緊飯，求其問佢要唔要歌，佢話有套電影，故事係：『兵就係賊，賊就係兵！』就係咁多，我就即刻諗到Intro，仲即時喺餐廳攞張紙巾寫喺上面，其實我寫好多歌都係同人食緊飯，《風箏與風》都係咁寫出嚟。最後好好笑，陳德建話恭喜我，佢哋最後揀咗兩首，其中一首係我，咁仲慘，我嗰陣幾日都瞓唔著，End Up中咗，係好開心。」
今日(12月6日)，下午二時至三時於雷霆881商業一台播放的《星光背後》，主持人梁泰來邀得伍樂城任嘉賓。
