鐘欣潼任陳慧嫻廣州騷表演嘉賓 曬腿演繹《跳舞街》狀態大勇

鍾欣潼（阿嬌）日前驚喜現身陳慧嫻廣州演唱會，以招牌甜美笑容與逆天長腿征服舞台，狀態之佳令網民驚嘆：「完全睇唔出44歲！」

鍾欣潼（阿嬌）做陳慧嫻廣州騷嘉賓。

露腿大跳《跳舞街》！

阿嬌在陳慧嫻演唱會上，先以黑色露肩短裙大跳《跳舞街》，雖被捕捉到瞬間緊張表情，但整體表現獲讚「可愛又索爆」；其後獨唱Twins金曲《下一站天后》時更展現穩健唱功，網民紛紛留言：「回憶返晒嚟！」、「阿嬌真係愈戰愈勇！」

阿嬌亦有唱Twins經典作《下一站天后》。

絕對領域。

44歲嘅阿嬌（鍾欣潼）日前於小紅書上載一段卸妝影片，即刻成為全網熱話！呢位素顏天花板一卸妝，竟然同上妝「差唔多冇分別」。網民震驚：「佢係卸咗啲咩？好似擦走啲灰塵咁！」討論度一度衝上熱話。

阿嬌平常不介意素顏出鏡

一樣是美美的

影片中見到，阿嬌示範卸妝程序：先用卸妝油乾手按摩，再加水乳化沖掉，再做二次清潔。卸妝後，皮膚依然緊緻透亮，毛孔細到近乎隱形；五官輪廓分明，高鼻樑、下顎線全部keep住，連黑眼圈都唔明顯。有網民打趣：「化妝化幾個鐘，最後卸完同未化一樣！」

阿嬌日前表演推卸妝

卸完更美

阿嬌於影片中亦分享保養心得：「以前覺得護膚品越貴越好，依家越用越簡單，用啱自己嘅，同埋要補水。塗太多反而塞毛孔。」唔少網友讚她講得實在，認同「卸乾淨＋減法保養」先係真正王道。