黎諾懿體驗高溫燒豬成「入坑第一人」《滿足的味道》自爆對泥鯭有陰影

2022年08月15日 16:06 最後更新：16:42

一連6集的無綫全新飲食節目《滿足的味道》將於8月15日起、逢周一至三晚10:30在翡翠台播映。節目主持黎諾懿將帶領觀眾走訪各區為人熟悉的老字號，一嚐6種香港地道傳統美食。首星期主題美食有燒肉、蒸魚及雲吞麵；諾懿又會與一眾默默耕耘多年的飲食界前輩暢談對炮製美食的堅持、以及公開製作過程及心得。

諾懿一邊跟食店老闆娘傾偈、一邊包雲吞。

點擊看圖輯

製作組以微距及慢鏡等捕捉烹調過程及食物特寫，圖為大大粒馳名雲吞！

燒豬出到來皮薄脆得來，肉又肥美香嫩，隔住MON都令人口水直流！

鼎爺透露首個切燒豬儀式發生在1978年製作的經典劇《倚天屠龍記》。

諾懿於節目正式開拍前已專誠走訪榕樹澳養殖魚場，將泥鯭放入黃立鯧魚池，讓牠們接受「運動訓練」。

製作組以最細緻的畫面呈現出「色、香、味」，讓觀眾「隔住個Mon」都感受到每道菜式的滋味及心血。

更多相片

飲食界前輩向諾懿大方分享多年來的心路歷程。

第三集，諾懿仲有機會近距離觀摩製作竹昇麵的過程。

諾懿在節目中大飽口福，嚐盡各大老字號傳統美食]。

諾懿帶大家走訪其中一間自己經常幫襯的麵店。

製作組以微距及慢鏡等捕捉烹調過程及食物特寫，圖為大大粒馳名雲吞！

畀個Close Up大家睇下有幾飽滿！

雖然已熄爐兩日，但諾懿表示爐內溫度仍然很高。

「巨叉」加燒豬好重手，諾懿拎住喺炭爐前不停轉，熱到滴晒汗。

燒豬出到來皮薄脆得來，肉又肥美香嫩，隔住MON都令人口水直流！

鼎爺透露首個切燒豬儀式發生在1978年製作的經典劇《倚天屠龍記》。

曾志偉大方分享獨創的「燒豬三文治」食法。

就係喺兩塊脆卜卜嘅皮中間夾住塊燒肉。

諾懿跟漁民出海撒網捕捉「本灣魚」。

諾懿於節目正式開拍前已專誠走訪榕樹澳養殖魚場，將泥鯭放入黃立鯧魚池，讓牠們接受「運動訓練」。

諾懿首次於魚棚吃飯，體驗雙重新鮮感。

諾懿於節目中大展廚藝，並分享烹調「陳皮豉蒜蒸泥鯭」貼士。

製作組以最細緻的畫面呈現出「色、香、味」，讓觀眾「隔住個Mon」都感受到每道菜式的滋味及心血。

《滿》拍攝方面落足功夫，諾懿透露製作組今次以微距及慢鏡捕捉食材、煙霧及水花等，再配合燈光效果，務求以最細緻的畫面呈現出「色、香、味」。每道菜拍攝時間至少10小時。雖然節目只有6集，但卻花了8個月拍攝，凌晨及半夜開工更是常態。另外節目片頭曲更邀得曾榮獲第36屆香港電影金像獎「最佳原創電影音樂」的日籍音樂人波多野裕介（Yusuke Hatano）作曲，務求帶給觀眾聲畫雙重享受！

入地窖火爐成身灰

節目首站來到屯門燒豬工場，諾懿深入地窖介紹長達半世紀歷史的大火爐，更成為本港電視史上「入坑第一人」。他說：「個爐停咗工兩日都仲係好熱，可想而知啲磚幾咁高溫！佢哋好錫我，一早灑水等啲灰盡量唔好飛起，但爬到落去都係成身黑晒。」諾懿又指師傅為「爆」出脆卜卜的「芝麻皮」燒豬，每每要在320度火爐旁企足30分鐘，為美食付出心血及汗水。諾懿更獲安排在另一食店親自落場燒豬，站在炭火旁僅10分鐘已滴晒汗的他，坦言塊面「辣到裂」，並對雙手起繭的師傅大表佩服謂：「佢哋唔用機器都係想留住傳統，畀食客食番以前嘅味道。呢份堅持好值得尊敬。」李家鼎與無綫總經理（節目內容營運）曾志偉亦有現身節目，前者大講「切燒豬」開鏡文化的起源，後者則公開獨創的「燒豬三文治」食法。

節目首站來到屯門燒豬工場，諾懿深入地窖介紹長達半世紀歷史的大火爐，更成為本港電視史上「入坑第一人」。

自爆食泥鯭有陰影

諾懿在節目中還獻出了魚棚吃飯初體驗。值得一提的是，為了節目效果，製作組於正式開拍前前往榕樹澳的養殖魚場，將泥鯭放入黃立鯧魚池，讓觀眾能親眼體驗牠們經過「運動訓練」的成果。身為「住家廚神」的黎諾懿，更在節目中即席示範「陳皮豉蒜蒸泥鯭」，大方分享獨門烹調貼士之餘，還自爆曾對泥鯭有陰影：「因為細個見到阿媽劏泥鯭好多蟲。」諾懿又透露不時跟5歲大仔「小春雞」黎峰睿玩下廚親子樂，問是否想囝囝接棒做廚神，他說：「每個小朋友都有自己興趣，大個學唔學廚冇所謂，但我要佢試過、知道煮嘢食辛苦就會惜食。」

往下看更多文章

一周星星｜曾志偉總結過去五年在TVB表現只得50分？坦言任內最遺憾是未能做一個香港人都認可的音樂頒獎禮

娛樂訪談節目《一周星星》第五集嘉賓，是在早前舉行的《萬千星輝頒獎典禮2025》中榮獲「萬千光輝榮譽傳奇」獎項、並將於本月21日起，由TVB總經理（節目內容營運）轉任新成立、專責就新節目內容及策略方向向董事局提供建議的諮詢委員會召集人的曾志偉。

談到擔任了五年總經理，志偉竟以「得不償失」形容，不過志偉口中所謂的失，是指失去了很多他理想中的六十歲理想退休生活：「得係得到好多嘢嘅，都學到嘢嘅，原來做管理層係咁嘅；得到大家嘅肯定啦，最開心係街見到好多陌生人，三唔識七要行番轉頭搵我話：『多謝你呀曾生。』『多謝我咩呀？』『好好睇呀依家啲節目』，即刻成個人冧晒。」、「失係咩呢，我最記得我60歲生日嗰時，我猛咁同人講黃金十年呀，我呢十年要好好享受人生，趁行得走得wet得樣樣都得嘅時間…無端端臨尾仲要走番嚟TVB捱騾仔喎，又未做過喎最慘。」志偉續指，做電視圈、尤其TVB，是「冇得停架喎」：「好似做完港姐咁，聽日台慶又嚟喇，做完頒獎典禮又嚟喇，無止境地…不停度嘢諗嘢。」

嘆開會責任壓力重大致睡眠質素變差

談到芷珊指他白頭髮變多，志偉搞鬼笑指只是因為「沒時間」：「初初入TVB嘅時間哩，都染吓（頭髮）啦，後尾都費事染，多得滯，我睇番返嚟嗰張相（啲頭髮）全黑架。」雖然白頭髮變多與健康無關，但志偉坦言擔任總經理期間身體確有變差，而其中一個源頭竟是因太過擔心開會遲到：「我最唔想開會，我最驚，責任好大，一定要較鬧鐘。因為你唔喺度啲會開唔成，我會好內疚，（變相成日）七點幾要起身，嘩！好大壓力。」、「唔夠熟睡個人精神會好差，以前我哋自然醒架嘛，邊使較鬧鐘！」

而談到過去五年在職期間對於推動節目內容創作的表現，志偉只給予自己50分！「盡力就100分，好唔好可能得五十分啦。我未做到要放棄一啲嘢，因為我哋人手有限，我都冇諗過有啲同事嚟辭職話，『你返嚟真係做死人，我過隔籬啲電視台好得閒，一年可能做一個節目架咋，你哋係不停手』，我先知道自己太癲，原來我哋度咗過千個節目，邊用得晒！」

志偉又坦言五年任內確有「還剩一件未做的事」：「呢樣我覺得最遺憾，其實我自己最想做番一個，我哋香港大家都認可嘅音樂頒獎典禮，但始終我返嚟呢幾年都仲未做到。因為頒獎典禮必須有一個大家都好認可嘅音樂榜，我哋未夠時間去做好咁多音樂上嘅嘢，呢個係我唯一嘅遺憾，其實我唔止想做香港，我想做成個大灣區嘅音樂頒獎典禮，其實有籌備過，我都同好多大灣區唔同電視台開過會，但未喺我任期發生到。」

對於不少同事認為他是節目內容創作的「定海神針」，志偉謙稱自己最重要的責任其實是有承擔：「我哋做呢個位最緊要我哋有承擔，做得唔好要出嚟承擔，因為你知架喎，你畀佢哋做架喎。」、「就算有啲你真係唔知，你都要話OK，你要幫下面啲人孭先得嘅，同埋好多大膽嘅嘢我哋要去做，未必一定得，但都要試。」志偉續指20？年讓周奕瑋一人主持整個《萬千星輝頒獎典禮》，便是其中一個十分大膽的嘗試。

望真正退休後學中醫增值

至於辭任總經理後的打算，志偉笑言最開心是可以零企業包袱地回歸幕前：「我最想返嚟做咩？做港姐！問港姐問題。」志偉又指當初殺入無綫做管理層時，普遍不被看好：「全世界睇死我一定唔夠一年，『佢個人係咁，三分鐘熱度』，『好難得啦佢做五年』。」活到這個年紀仍熱血滿腔、充滿拼勁的志偉，透露真正退休後能抽空讀書增值自己：「因為我鍾意不斷有新嘢，其實我有好多嘢好想學，我報咗兩次名去學中醫，結果都係冇返到學。」

談檢討會真正重要性：就算成功都要搵到好嘅原因，先至可以做得更好。

回顧過去多年的主持工作及參與綜藝節目，志偉坦言對自己影響最大的，確是《獎門人》：「邊有人做一個節目做三十年？同埋對我嚟講係自己最滿意嘅一件事，獎門人先至係我一個親力親為嘅節目，每條題目都係我自己起，每個環節都係我自己諗咁滯。」、「我（嗰時）每晚做完都請食宵夜檢討，啲人問『咁成功都檢討？』『成功先要檢討…點解好睇？點解上個禮拜唔夠好睇？因為多咗啲乜嘢？點解請呢啲人好玩？邊個好玩？佢有幾識玩？好玩在邊度？』其實檢討唔係話做差咗要檢討，做好都要檢討，點解好咗？！你搵到好嘅原因，你先至可以做得更好。」

親揭最愛與已故藝人肥姐合作原因：卒之有個人可以喝住我

志偉又謂最後悔的一件事，是曾於節目中因貪好玩向汪明荃阿姐「飛拖」，結果遭肥姐沈殿霞鬧爆「想死呀你」，志偉：「所以我點解話我最鍾意拍肥姐，係卒之有個人可以喝住我…最開心可以做小子，做小子可以講嘢當開玩笑呀嘛。」志偉又指即使做了多年主持兼大騷經驗豐富，但出台前還是免不了緊張：「係TVB先有咁多Live Show，全世界都冇，所以啲主持真係驚心動魄，明明去完洗手間，臨出都要再去一次，我個人冇手汗，但做主持臨出場會有手汗，你驚出錯吖嘛，係冇得返轉頭。