TVB頒獎禮2025｜曾志偉自爆辭五次職先成功做慣「自由人」計劃回歸電影界

娛圈事

TVB頒獎禮2025｜曾志偉自爆辭五次職先成功做慣「自由人」計劃回歸電影界

2026年01月05日 12:00 最後更新：12:38

年度盛事《澳娛綜合呈獻：萬千星輝頒獎典禮2025》圓滿結束，曾志偉獲特別頒發「萬千星輝榮譽傳奇」大獎，他在台上宣布將卸任總經理一職，結束5年任期，隨後TVB發聲，公布曾志偉將出任新成立的諮詢委員會召集人。

曾志偉接受訪問時，表示已一早向公司申請離任，但公司一直游說他留下，更自爆已經辭了五次職，而今次頒獎禮是最合適宣布的時機，「5年都唔長唔短，自己可以做嘅七七八八，我亦都培養咗一班我覺得係可以接到班嘅同事。」

點擊看圖輯

TVB截圖

本網記者攝

曾志偉透露他於5年前的1月21日正式成為總經理，所以今個月的21日將會是他卸任日子，雖然在個多月前已開始放假，但每個星期仍會回公司開會，之後亦答應公司以顧問的身份每月回來跟同事開會、見面，並表示仍有些新的東西想跟TVB做，「我想同TVB做啲未來嘅嘢，好似TVB依家做AI，都係我舊年叫啲同事做......我覺得TVB未來係可以雙線去行。」

問到請辭的原因？曾志偉否認是因為健康問題，只是「不習慣」的問題，他自言拍慣電影，是一個自由人，因為拍電影可以自己選擇拍與不拍，或自己拍完之後選擇休息再做，但電視不能休息，例如做完香港小姐便要籌備台慶，台慶完後又要籌備頒獎禮、賀年節目及慈善節目等等。他又表示雖然節目是重覆，但內容需要有新意，還要比去年好，以及想傳達甚麼訊息予觀眾，非常勞心勞力。

另一樣「不習慣」的就是做總經理經常要開會，而且要在早上9點、10點開會，曾志偉笑言自己並不是一個習慣準時開會的人，通常都是下午2點才出現，但在TVB有很多會議需要他主持，行政工作、定時定候的會議並不是他喜歡的事，自己最愛是度橋。而卸任後，他亦相信會有更多時間跟觀眾見面、跟觀眾分享，更坦言過去愛口沫橫飛，但成為總經理後每一句說話都代表着TVB，所以不能亂說話、不能開玩笑，令他非常辛苦，「不如做返個自由人，對我嚟講冇咗束縛，反而可以帶到更多嘅歡樂比觀眾。」

問到之後會否先休息一下？曾志偉表示自己有計劃重返電影界拍電影，有感過去五年沒有關注電影，感覺自己脫了節，而且現時電影市道低迷，希望可以為業界出一分力，「電影係我入演藝界學嘅嘢最多、自己最有興趣嘅嘢，所以我都想返出嚟拍下，亦都有好多新嘅導演我都冇合作過，我都想同大家了解下，希望拍返多啲香港電影同我哋香港嘅觀眾再接軌。」他又表示自己最享受拍戲，而做導演、監製甚至投資電影是需要使命感，自己亦愛栽培新導演，愛拍新題材。

提到獎項由好友譚詠麟頒發，曾志偉覺得意義非常特別，而且有這麼同事支持，自己很感恩、感動，證明在過去5年的付出獲到大家認同，亦是他入TVB最想得到的東西，所以今次獲得獎項可以說是功成身退。他又指今次向公司呈辭時除了因為子女想他休息一下，亦向公司派定心丸，承諾不會跟TVB斷絕關係，希望想為TVB想多些新發展。問到接班人問題？他就表示不清楚，要交予主席許濤去決定，自己也沒有特別指明誰接任。

問到過去5年有沒有做到他想做的東西，曾志偉表示「算OK」，自覺只有50多分，因為自己並不擅長做管理，而且仍有些東西很想做未能做到，例如全面電腦化，並形容TVB像郵輪，不能一下子電動化，只好像汽車半行電半行油。他坦言周遭製作劇集的市場都在委縮，但TVB仍有不同製作，有不少電影界人士來TVB拍劇，坦言TVB是一個很多的踏腳石，讓年青人去了解行業。

提到任內令TVB業績轉虧為營，曾志偉認為最大成功感是從觀眾口中聽到TVB的節目好看，並自言：「我係一個敗家仔，我唔係賺錢，我賺個節目俾佢賣廣告，但係廣告唔係落我袋，所以我係洗錢。我屋企係洗錢，但係我洗屋企錢，我係冇幫屋企賺到錢。最緊要係咩？最緊要大家覺得，而家TVB廣告返哂嚟。點解廣告返哂嚟，因為佢哋覺得喺TVB賣廣告真係生意好咗好多，咁呢個就係最緊要嘅。即係而家講，大家禮拜日都返屋企睇《中年好聲音》，呢個係一個成功嘅例子。好多綜藝節目大家都睇到我哋想講乜嘢，同埋好多藝人，大家都返嚟幫手拍嘢，都係對TVB嘅肯定。」

往下看更多文章

一周星星｜曾志偉總結過去五年在TVB表現只得50分？坦言任內最遺憾是未能做一個香港人都認可的音樂頒獎禮

娛樂訪談節目《一周星星》第五集嘉賓，是在早前舉行的《萬千星輝頒獎典禮2025》中榮獲「萬千光輝榮譽傳奇」獎項、並將於本月21日起，由TVB總經理（節目內容營運）轉任新成立、專責就新節目內容及策略方向向董事局提供建議的諮詢委員會召集人的曾志偉。

談到擔任了五年總經理，志偉竟以「得不償失」形容，不過志偉口中所謂的失，是指失去了很多他理想中的六十歲理想退休生活：「得係得到好多嘢嘅，都學到嘢嘅，原來做管理層係咁嘅；得到大家嘅肯定啦，最開心係街見到好多陌生人，三唔識七要行番轉頭搵我話：『多謝你呀曾生。』『多謝我咩呀？』『好好睇呀依家啲節目』，即刻成個人冧晒。」、「失係咩呢，我最記得我60歲生日嗰時，我猛咁同人講黃金十年呀，我呢十年要好好享受人生，趁行得走得wet得樣樣都得嘅時間…無端端臨尾仲要走番嚟TVB捱騾仔喎，又未做過喎最慘。」志偉續指，做電視圈、尤其TVB，是「冇得停架喎」：「好似做完港姐咁，聽日台慶又嚟喇，做完頒獎典禮又嚟喇，無止境地…不停度嘢諗嘢。」

嘆開會責任壓力重大致睡眠質素變差

談到芷珊指他白頭髮變多，志偉搞鬼笑指只是因為「沒時間」：「初初入TVB嘅時間哩，都染吓（頭髮）啦，後尾都費事染，多得滯，我睇番返嚟嗰張相（啲頭髮）全黑架。」雖然白頭髮變多與健康無關，但志偉坦言擔任總經理期間身體確有變差，而其中一個源頭竟是因太過擔心開會遲到：「我最唔想開會，我最驚，責任好大，一定要較鬧鐘。因為你唔喺度啲會開唔成，我會好內疚，（變相成日）七點幾要起身，嘩！好大壓力。」、「唔夠熟睡個人精神會好差，以前我哋自然醒架嘛，邊使較鬧鐘！」

而談到過去五年在職期間對於推動節目內容創作的表現，志偉只給予自己50分！「盡力就100分，好唔好可能得五十分啦。我未做到要放棄一啲嘢，因為我哋人手有限，我都冇諗過有啲同事嚟辭職話，『你返嚟真係做死人，我過隔籬啲電視台好得閒，一年可能做一個節目架咋，你哋係不停手』，我先知道自己太癲，原來我哋度咗過千個節目，邊用得晒！」

志偉又坦言五年任內確有「還剩一件未做的事」：「呢樣我覺得最遺憾，其實我自己最想做番一個，我哋香港大家都認可嘅音樂頒獎典禮，但始終我返嚟呢幾年都仲未做到。因為頒獎典禮必須有一個大家都好認可嘅音樂榜，我哋未夠時間去做好咁多音樂上嘅嘢，呢個係我唯一嘅遺憾，其實我唔止想做香港，我想做成個大灣區嘅音樂頒獎典禮，其實有籌備過，我都同好多大灣區唔同電視台開過會，但未喺我任期發生到。」

對於不少同事認為他是節目內容創作的「定海神針」，志偉謙稱自己最重要的責任其實是有承擔：「我哋做呢個位最緊要我哋有承擔，做得唔好要出嚟承擔，因為你知架喎，你畀佢哋做架喎。」、「就算有啲你真係唔知，你都要話OK，你要幫下面啲人孭先得嘅，同埋好多大膽嘅嘢我哋要去做，未必一定得，但都要試。」志偉續指20？年讓周奕瑋一人主持整個《萬千星輝頒獎典禮》，便是其中一個十分大膽的嘗試。

望真正退休後學中醫增值

至於辭任總經理後的打算，志偉笑言最開心是可以零企業包袱地回歸幕前：「我最想返嚟做咩？做港姐！問港姐問題。」志偉又指當初殺入無綫做管理層時，普遍不被看好：「全世界睇死我一定唔夠一年，『佢個人係咁，三分鐘熱度』，『好難得啦佢做五年』。」活到這個年紀仍熱血滿腔、充滿拼勁的志偉，透露真正退休後能抽空讀書增值自己：「因為我鍾意不斷有新嘢，其實我有好多嘢好想學，我報咗兩次名去學中醫，結果都係冇返到學。」

談檢討會真正重要性：就算成功都要搵到好嘅原因，先至可以做得更好。

回顧過去多年的主持工作及參與綜藝節目，志偉坦言對自己影響最大的，確是《獎門人》：「邊有人做一個節目做三十年？同埋對我嚟講係自己最滿意嘅一件事，獎門人先至係我一個親力親為嘅節目，每條題目都係我自己起，每個環節都係我自己諗咁滯。」、「我（嗰時）每晚做完都請食宵夜檢討，啲人問『咁成功都檢討？』『成功先要檢討…點解好睇？點解上個禮拜唔夠好睇？因為多咗啲乜嘢？點解請呢啲人好玩？邊個好玩？佢有幾識玩？好玩在邊度？』其實檢討唔係話做差咗要檢討，做好都要檢討，點解好咗？！你搵到好嘅原因，你先至可以做得更好。」

親揭最愛與已故藝人肥姐合作原因：卒之有個人可以喝住我

志偉又謂最後悔的一件事，是曾於節目中因貪好玩向汪明荃阿姐「飛拖」，結果遭肥姐沈殿霞鬧爆「想死呀你」，志偉：「所以我點解話我最鍾意拍肥姐，係卒之有個人可以喝住我…最開心可以做小子，做小子可以講嘢當開玩笑呀嘛。」志偉又指即使做了多年主持兼大騷經驗豐富，但出台前還是免不了緊張：「係TVB先有咁多Live Show，全世界都冇，所以啲主持真係驚心動魄，明明去完洗手間，臨出都要再去一次，我個人冇手汗，但做主持臨出場會有手汗，你驚出錯吖嘛，係冇得返轉頭。