周嘉洛追求視帝級演技，以及更加廣闊的戲路。
TVB熱播劇《痞子殿下》進入結局週，首次擔正男主角的周嘉洛表現出色，在劇中大晒喜劇細胞，不過亦有部份網民指其演繹複製周星馳Style極浮誇！
點擊看圖輯
周嘉洛追求視帝級演技，以及更加廣闊的戲路。
《痞子殿下》周嘉洛首次擔正做男主角，此劇絕對是他考牌之作。
周嘉洛接受本網專訪時，自評演技不合格仍需努力，他直言：「覺得自己做得幾好嘅地方真係冇乜，基本上有我嘅場口都需要改進，我覺得自己做得太用力，不過我唔係想集中擺喺自己做得唔好嗰度，反而有樣嘢我最近學識咗，就係點樣去面對、接受自己嘅失敗心態。」
周嘉洛表示與陳瀅、朱敏瀚及JW建立珍貴友誼。
對於被指在劇中模仿周星馳，周嘉洛強調自己冇刻意扮星爺：「我由細就睇星爺嘅作品，入晒血，我諗我用佢個腔調講嘢已經好一段時間，其實戲裡戲外我都係用呢一種態度。不過我發現而家開始有啲唔同，特別係近年成長緊嘅時候，無論談吐定同人互動，畀人嘅感覺都有成長咗，可能嗰樣嘢會慢慢少啲，所以我冇擔心啲觀眾覺得我抄星爺，事實我唔係抄，係我好自然就用咗佢啲嘢！」
講到近年劇接劇，周嘉洛坦言頗擔心觀眾看不到自己演技的轉變：「好彩《痞子》同《回歸》兩者演譯上嘅差距，我係睇到少少嘅，但進度未算理想，我覺得可以再做好啲。但有提醒自己遇到呢啲情況唔好急，唔好因為覺得自己做得差，催到自己有壓力，我覺得最緊要係慢慢睇到個問題，再逐啲逐啲去改。」
周嘉洛於2019年在《萬千星輝頒獎典禮2019》中首度提名即奪得「最佳男配角」獎項，成為此獎項歷年最年輕之得獎。
周嘉洛自認是個幸運兒，亦珍惜比別人擁有更多的工作機會：「19年攞獎嗰排收到好多祝福，好開心見到人支持自己，覺得好感動，金城安呢個角色帶咗好多嘢畀我，可能佢嘅蠢同率直，好多抵錫嘅原因，佢就好似屋企一隻好蠢嘅寵物。我衷心多謝大家咁睇好我，亦都係呢一份咁真誠嘅祝福，變咗我覺得要對得住呢一個獎。」他續說：「老實講，當時我覺得自己未有資格攞男配角，未夠實力孭起呢個奬，但我唔想否定大家嘅祝福，否定大家對我呢一份肯定，咁所以我當時嘅心態係做好自己，要繼續努力增值自己，做得更加好，去令到我真係孭得起呢一個獎。」
問到會否以奪視帝為目標？周嘉洛直言恨攞：「我係想嘅，但我覺得獎項某程度上係一個名，我最想要嘅係對自己嗰份認同，例如最佳男配角咁計，我到而家都未認可自己，但係有朝一日我覺得自己足夠嘅時候，我係會知嘅！我向緊呢一日進發，我追求係視帝級嘅實力，更加廣闊嘅戲路。」
周嘉洛（本網記者攝）
《痞子殿下》周嘉洛首次擔正做男主角，此劇絕對是他考牌之作。
周嘉洛接受本網專訪時，自評演技不合格仍需努力，他直言：「覺得自己做得幾好嘅地方真係冇乜，基本上有我嘅場口都需要改進，我覺得自己做得太用力，不過我唔係想集中擺喺自己做得唔好嗰度，反而有樣嘢我最近學識咗，就係點樣去面對、接受自己嘅失敗心態。」
他指在《痞子》監製陳耀全身上獲益不少：「而家我開緊《寵愛Pet Pet》，監製都係陳耀全先生，我同佢第二次合作，有時放飯我會同佢一齊睇《痞子》，每睇一集我就會失落一次，佢就會安慰我。佢話你睇返一年前嘅作品，覺得自己做得好好，咁樣反而係唔好，見到有不足嘅地方，咪吸收咗佢囉，佢令到我學識接受嗰個階段嘅自己。」
周嘉洛與陳瀅的緋聞傳個沒完沒了，嘉洛早前更被拍到訪女方香閨！
周嘉洛表示與陳瀅、朱敏瀚及JW建立珍貴友誼。
對於被指在劇中模仿周星馳，周嘉洛強調自己冇刻意扮星爺：「我由細就睇星爺嘅作品，入晒血，我諗我用佢個腔調講嘢已經好一段時間，其實戲裡戲外我都係用呢一種態度。不過我發現而家開始有啲唔同，特別係近年成長緊嘅時候，無論談吐定同人互動，畀人嘅感覺都有成長咗，可能嗰樣嘢會慢慢少啲，所以我冇擔心啲觀眾覺得我抄星爺，事實我唔係抄，係我好自然就用咗佢啲嘢！」
他對網上評價亦相當看得開：「我睇留言一向都好客觀，我覺得講得有道理就會聽，吸收到嘅都會認真吸收，但係我唔會太過放大。因為某程度上嚟講，大家睇緊嘅係我一年前嘅嘢，好或者唔好，我而家都唔同咗，我知道自己個位置，應該要再努力嘅時候就要再努力，唔會因為一年前嘅表現，而影響咗我而家嘅心情。」
無綫近年力捧新人，周嘉洛更是重點栽培對象。（本網記者攝）
講到近年劇接劇，周嘉洛坦言頗擔心觀眾看不到自己演技的轉變：「好彩《痞子》同《回歸》兩者演譯上嘅差距，我係睇到少少嘅，但進度未算理想，我覺得可以再做好啲。但有提醒自己遇到呢啲情況唔好急，唔好因為覺得自己做得差，催到自己有壓力，我覺得最緊要係慢慢睇到個問題，再逐啲逐啲去改。」
周家洛在《愛•回家之開心速遞》中飾演廢青安一角成功入屋。
周嘉洛於2019年在《萬千星輝頒獎典禮2019》中首度提名即奪得「最佳男配角」獎項，成為此獎項歷年最年輕之得獎。
周嘉洛自認是個幸運兒，亦珍惜比別人擁有更多的工作機會：「19年攞獎嗰排收到好多祝福，好開心見到人支持自己，覺得好感動，金城安呢個角色帶咗好多嘢畀我，可能佢嘅蠢同率直，好多抵錫嘅原因，佢就好似屋企一隻好蠢嘅寵物。我衷心多謝大家咁睇好我，亦都係呢一份咁真誠嘅祝福，變咗我覺得要對得住呢一個獎。」他續說：「老實講，當時我覺得自己未有資格攞男配角，未夠實力孭起呢個奬，但我唔想否定大家嘅祝福，否定大家對我呢一份肯定，咁所以我當時嘅心態係做好自己，要繼續努力增值自己，做得更加好，去令到我真係孭得起呢一個獎。」
近日周嘉洛再被欽點，與視后林夏薇合作新劇《寵愛Pet Pet》。
問到會否以奪視帝為目標？周嘉洛直言恨攞：「我係想嘅，但我覺得獎項某程度上係一個名，我最想要嘅係對自己嗰份認同，例如最佳男配角咁計，我到而家都未認可自己，但係有朝一日我覺得自己足夠嘅時候，我係會知嘅！我向緊呢一日進發，我追求係視帝級嘅實力，更加廣闊嘅戲路。」
周嘉洛希望累積經驗，創出自我風格。（本網記者攝）
周嘉洛服裝提供：Harvey Nichols Hong Kong
