帶阿姐看世界｜周嘉洛說服「畏高」汪明荃 挑戰極限50米高空放飛雙手懸空打卡

圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，本周二起晚上十點半翡翠台繼續播映。

阿姐為是次災民打氣及慰問的片段。

「我同大家一樣，心情非常沉重」
上周三大埔宏福苑五級火災情嚴重，《帶阿姐看世界》亦因而停播四集，並於今晚（12月2日）十點半翡翠台重啟播映。節目重啟前，加插了阿姐為是次災民打氣及慰問的片段，並祝福所有港人平安、重新出發：「大家好，我係汪明荃。上星期三大埔宏福苑嘅火災，我同大家一樣，心情非常沉重。喺度我代表我哋節目團隊，向所有受今次火災影響嘅朋友，送上最深切慰問；同時亦向各位消防員、醫護人員同埋參與救災嘅每一位致敬。作為藝人，我都希望盡一分力，呼籲大家關心今次嘅事件；而另一方面，我亦都希望以演員嘅專業，藉住做好嘅節目，陪伴大家，將溫暖送畀你哋。祝願大家都平安，我哋一齊再出發。」

周嘉洛先帶阿姐到Central Market，二人挑戰用有限金額買意粉及蜆。

原來「驚喜名廚」就是嘉洛本人，阿姐：「你得唔得呀？入廚幾多年？」

嘉洛一本正經答：「我入廚兩堂。」

嘉洛落手煮的時候，阿姐更在旁提點：「落意粉唔好咁大力。」

嘉洛笑稱：「我煮嘢係憑感覺。」

第一關開火已經一度卡關，但嘉洛仍死撐：「我係唔識開火姐，其他咩都識。」

阿姐忍不住出手撩兩下。

白汁變豉椒炒意粉。

沿路遇到不少當地華人，大家都認得阿姐！

今（2日）、明（3日）兩晚的《帶阿姐看世界》，繼續是首站澳洲及「澳洲站旅伴」周嘉洛。今晚（2日）播出的第三集，阿姐與周嘉洛繼續行程豐富，除了走入Central Market玩限額買食材、到訪嘉洛很想回味的唐人街燒臘店、兼到Gilles at The Grounds市集Shopping，今集焦點，絕對是嘉洛帶住「畏高」阿姐，登上Adelaide Oval 50米高空的橢圓球場體驗Roof Climb，獻出人生第一次Roof Climb；眼前阿姐埋位前後不斷抖大氣，嘉洛仔馬上再發揮「暖男」本色，幫阿姐體貼穿上保護裝備之餘，還不忘為阿姐打氣：「唔使擔心呀阿姐，我會一路喺你後面。」

事事要確保絕對安全才敢試的Liza姐，試玩Roof Climb前有半開玩笑叫嘉洛「你試咗先試咗先」，之後阿姐依足指示靠住安全扣及繩索支撐，懸空向後仰擺出雙手放飛姿勢，雖然挑戰初段阿姐仍是勁緊張攬實嘉洛高呼「我好驚」，但經嘉洛一輪安慰後，阿姐終於豁出去完成創舉！阿姐事後坦言以往拍攝騎馬及吊威也戲時亦不免緊張，但最終仍憑藉演員的重要初心—「一roll機就要嚟啦」一一捱過，盡顯專業。

嘉洛帶阿姐登上Adelaide Oval 50米高空的橢圓球場，體驗Roof Climb。

暖男嘉洛知道阿姐畏高，先替她穿好保護裝備。

二人黑超Look！

再邊行邊安撫給予安全感，上落樓梯時不時提醒：「唔使擔心阿姐，我會一路喺你後面。」

阿姐沿路一路自我打氣：「我得嘅我得嘅。」

阿姐一度緊張，要扶實嘉洛。

阿姐最後成功克服畏高，相當勇敢。

嘉洛完全唔畏高！

嘉洛另外還帶了阿姐到Central Market試飲試食，期間有Cheesecake店員認出Liza姐，並笑言是劇集《我的野蠻奶奶》粉絲，阿姐人氣果然遠至海外。另二人又按製作組要求、挑戰以有限金額買意粉及活蜆煮意粉，並由臨急抱佛腳上了兩堂事前進修堂的嘉洛擔任「大廚」。結果嘉洛不但第一關開火已「卡關」，更將原本好地地的白汁意粉，煮成地獄料理「豉椒意粉」，令阿姐大感「驚」艷。

二人去到Gilles at The Grounds市集Shopping！

阿姐醒嘉洛零用錢。

明晚一集，二人去到動物園。

樹熊貼身的一刻，阿姐忍唔住輕輕一震。

嘉洛抱樹熊。

阿姐一見紅唇糖即刻少女心爆棚：「好得意喎呢個，陣間試吓先！」

阿姐童心大爆發變「行走表情包」
明晚（3日）播出澳洲之旅最後一集，嘉洛帶阿姐Chill住遊澳洲，二人先到動物園親親樹熊、袋鼠等，再到德國村1839年建立的老店歎咖啡，再轉戰糖果店及Rundle Mall商店街大掃有趣美食及手信。最後一集，阿姐被嘉洛感染後愈玩愈投入，變成行走「表情包」，在親親小樹熊時，由於獲小樹熊貼身一抱，阿姐竟激罕露出「少少驚」表情！之後在糖果店，阿姐又瞄準「紅唇糖」與嘉洛大玩「扮錫錫」，少女心大爆發。二人逛德國村期間，羅家英更「突襲」視像阿姐，相當甜蜜。

二人之後更即場咬住糖扮錫錫，甜到漏！

見到印有樹熊嘅款式即刻心心眼。

結果掃咗一堆杯，嘉洛忍不住搞笑問：「有冇買埋畀家英哥？」

阿姐笑答：「夠㗎啦佢！」

二人去到海灘睇住日落談心，互相送上禮物。

家英哥視像「突襲」阿姐。

阿姐一條問題盡顯率直本性：你覺唔覺得我難相處？
最後，二人搭電車到海邊談心睇日落，阿姐一嚟便單刀直入問嘉洛：「你覺唔覺得我難相處？」到底嘉洛會點答？盡訴心中情後，二人大玩交換小禮物，期間阿姐向嘉洛送上親筆心意卡，並認真地寫下對嘉洛的Comment，之後阿姐還坦言睇好嘉洛：「前程無限呀你，睇好你呀！」

圍繞汪明荃（阿姐）出發看世界為主題的台慶綜藝節目《中國建設銀行(亞洲)呈獻：帶阿姐看世界》，本周二起晚上十點半翡翠台繼續熱播。

阿姐和Nicholas到訪哈辛二世清真寺。這座耗時7年興建的清真寺於1993年正式落成，除了是世界上第三大清真寺外，入面210米高的宣禮塔更是世界上最高的宣禮塔。

二人進行家訪，阿姐大讚當地人非常好客。

《帶阿姐看世界》第二站是摩洛哥，而摩洛哥站旅伴是「顏值擔當」阮浩棕（Nicholas）。在今晚（12月4日）及明晚（12月5日）播出的摩洛哥站頭兩集，阿姐與Nicholas可謂歎盡宏偉靚景！二人先後到訪了世界第三大清真寺—哈辛二世清真寺、「藍色城市」舍夫沙萬，及摩洛哥四大古城之一—菲斯；另外還深入了當地家訪，體驗當地人的特色「拉薄荷茶」，以及品嚐了地道私房茶＋大歎海景餐。上一站澳洲，周嘉洛以「口花花」＋「超級體貼」氹得阿姐勁開心；今站Nicholas則轉走知性男路線，與嘉洛仔一樣全程拖到阿姐實一實照顧周到之餘，Nicholas還以溫文tone，將大量摩洛哥的重要資訊自然又流暢地呈現到阿姐及觀眾眼前，難怪之前獲阿姐大讚勤力、做足功課，絕對實至名歸。

唔單止有口福品嚐當地出名的薄荷茶，Nicholas更有機會親自落手「拉薄荷茶」。

當地人非常熱情，仲邀請阿姐同Nicholas一齊跳舞，二人都樂在其中。

Nicholas非常貼心照顧阿姐，除咗拖住阿姐行，仲會搭住阿姐膊頭，仲預備埋「五色Liza遮」幫阿姐擔遮太陽，果然係暖男一名！

Nicholas非常貼心照顧阿姐，除咗拖住阿姐行，仲會搭住阿姐膊頭，仲預備埋「五色Liza遮」幫阿姐擔遮太陽，果然係暖男一名！

這兩集最特別是，是二人在有「歷史迷城」之稱的菲斯、體驗了極具當地特色的「大染缸」！原來皮革製品是摩洛哥最主要的輸出品之一，每年出口超過一億對手工皮拖鞋；當地人由16世紀開始，一直以古法人工染皮，亦是全球唯一保持用人手染皮的地方。除了歷史夠悠久兼Unique、當地人的染皮過程更相當大陣仗，一班染皮工人在一大堆排得整整齊齊的染缸上，不斷重覆上色、扭乾及曬乾等連串動作，加上古法的染皮顏料主要材料來自動物糞便，故染皮現場臭味難擋、要靠薄荷葉「擋味」。雖然如此，Nicholas還是鼓起勇氣、走落大染缸實地體驗「飛缸走隙」滋味，獲阿姐肉緊大叫：「小心呀真係」，還開心地為Nicholas拍照留念。事事錫住阿姐的Nicholas，知道摩洛哥太陽猛烈，更與製作組專誠為阿姐訂製「五色Liza遮」，幫阿姐貼身擋太陽之餘，還有不同顏色襯番阿姐拍攝當日衣著，細心度絕對爆燈！

Nicholas仲帶阿姐到「歷史迷城」菲斯體驗「大染缸」，由於臭味濃烈，二人要攞薄荷葉抵擋臭味。

Nicholas親身體驗「飛缸走隙」。

阿姐非常關心「孫仔」們的戀情，借啲意叫Nicholas買嘢送畀女朋友，嚇到Nicholas口窒窒。

今次Nicholas為阿姐獻出「第一次」——就係幫阿姐講價！

「Liza遮」果然係正嘅。

對於孫仔戀情寧舍關心的阿姐，繼上一站向嘉洛逼供與緋聞女友陳瀅的真實關係後，今集又逼供Nicholas招認與緋聞女友何沛珈戀情。事緣二人閒狂皮革製品時，阿姐突襲Nicholas：「你使唔使買啲嘢畀女友呀？」，隨即嚇到Nicholas口窒窒，之後工作人員再著Nicholas買「情侶銀包」，Nicholas即馬上拖阿姐落水，豈料卻慘遭阿姐大派檸檬，欲知詳情，就要留意今、明兩集節目！

駐顏有術的阿姐，在節目還將大談養生之道，並笑言不會學周潤發般跑山：「我同家英哥有時會行山」、「我行平路，唔係發仔嗰啲，發仔嗰啲跑到嚇死我」、「只要平平安安就得啦，唔使做咁多嘢，要睇自己身體條件吖嘛。」現年78歲的阿姐，還透露了直到今時今日，她都堅持每天會「返咗office先」，對工作熱愛度一百分。之後兩集，阿姐與Nicholas將瞄準撒哈拉沙漠出發，想親眼目睹二人變身沙漠裝後的有趣扮相，密切留意節目。