鄧兆尊自爆曾被某當紅歌手當透明 寸爆現時新人大排場

鄧兆尊憶述以前曾經遇過一個極囂張的當紅歌手。

最近有不少網民在各大討論區上爆料，以大派花生方式留言聲稱某某藝人係雙面人，鏡頭後的一面相當乞人憎，在圈中人緣甚廣的鄧兆尊，日前在YouTube Channel「田豪祖3寶」的直播上，有分享自己亦有這方面的經歷：「試過一個歌星都紅嘅，出過兩、三隻碟咁樣，本來大家都好Friend嘅。有次喺TVB撞到佢，我行過佢睇我唔到，可能佢條頸扭親，所以咪岳高頭咁行。好彩當時TVB有個梳化同事同我講：『哼，呢啲好快打柴呀！』點知不出半年，即刻跌晒落嚟。佢本身好高級數，只係四大天王低啲啲，係新秀出道，同我差唔多年齡，突然間謝咗好耐冇出現。」雖然兩位主持不斷競猜，但兆尊都無開名：「佢而家好咗好多，費事講喇！」

自爆俾人當透明！

兆尊在娛樂圈工作多年，認識了一班好友。

生活好貼地。

由低做起都冇問題。

【鄧兆尊入行多年相】：

跟住又問鄧兆尊點樣可以「冇巨星嘅自覺」？兆尊就話：「唔好當自己係邊個，係人哋當你係邊個，唔好成日覺得自己好叻，要人哋覺得你叻先至啱。呢個世界冇最叻，有才華上唔到位，係屍橫遍野，反而冇才華上到位嘅，就大有人在，點解呢？有背景已經係潛規則，其餘就算係叻嘅話，都要謙虛做嘢，因為叻嘅人真係好多，當然仲要肯蝕底，點都做咗先，唔好吓吓計較，冇錢喎，不如唔好做！乜都做吓喇，有陣時會有啲意想不到嘅嘢！」

生活好貼地。

好多朋友呀！

去過唔同嘅電視台工作。

試過俾人當透明！

寸爆新人大排場

兆尊亦提到現時有新人排場相當大：「好似話有架保母車喇，又有梳頭化妝，仲有7、8個人跟住，所以佢自己會飄飄然都唔知，但係行到入去係冇人會知，其實呢啲安排嘅錢係記數，將來賺到錢要還番，但係通常都還唔到。」

後來，他們又提到人稱「玻璃朱」的朱庭萱早前參加TVB舉辦的《中年好聲音》面試落敗，事後她在網上出po表示因為遲遲未收到面試通知而質疑TVB可能會篩選參賽者的參賽資格，又表明「好多人同我講我哋呢啲背景身份嘅人TVB唔會俾我哋入圍」，作為前TVB藝員的鄧兆尊，隨即辯護：「呢個我一定要幫TVB講，TVB係好公平嘅，任何人你只要寫信去，一定有機會。佢會篩選，你都睇到啦，會排晒隊海選，唔會話識高層就會好啲嘅，我背景咁好都係由低做起咋你知唔知！我都係2500蚊一個月，做嗰啲二打六做起咋！」

兆尊話唔知邊係朱庭萱。

成日都做善事。

有唔同興趣。

近年生活好寫意。

至於朱庭萱表示最終要向高層朋友查詢才馬上被安排面試，鄧兆尊笑說：「佢搵得高層就做漏一樣嘢，就係『培訓』！」他又強調澄清自己所講的是「培訓」而非「陪瞓」：「話畀你聽畀條捷徑你行啦，你去多啲紅磡，嗰頭有間酒店，你出入多啲就會紅得好快！喺黃埔入面，去多啲嗰間啦，嗰度多高層出入啊！唔好問點解，嗰度好多Training，你去嗰度得㗎喇！

成日周圍去。

好貼地！

兆尊本身都好多經歷。

鄧兆尊

為慶祝「兒童腎病基金」邁向30週年，同時為兒童腎病研究及病童家庭籌募更多支援經費，《兒童腎病基金  邁向30週年慈善音樂會》將於12月3日 (星期三) 晚上在麥花臣場館舉行，參與歌手及藝人包括肥媽 Maria Cordero、梁思浩、吳家樂、鄧兆尊、陳奐仁、周吉佩、龍婷、支嚳儀、顔米羔、劉洋和李金凱，屆時大家一起以音樂傳遞愛與希望。票價分別為$3000 (名譽券)、$980 和$680 三種，現於Cityline公開發售。

支嚳儀

吳家樂

李金凱

周吉佩

今次慈善音樂會一呼百應，肥媽希望演唱會能籌到錢去買洗腎機幫助病人，「有人一出世就有腎病，好多人忽視我哋而家食嘅嘢，太鹹太辣同埋飲得酒多都對個腎唔好，個腎有問題已經越嚟越年青化，大家真係要注意同要正視。」思浩說：「今次活動可以提高所有人對腎病嘅認識，我希望演唱會可以幫基金籌到一定數目嘅善款，等基金可以繼續幫到更加多有腎病嘅小朋友。好想大家都比呢班小朋友一個希望，話俾小朋友聽呢個世界唔係得佢哋自己去面對，係有好多哥哥姐姐支持佢哋。」家樂：「這次慈善音樂會不僅能讓人們更加關注腎病這個疾病，還能提高大家對腎病的認識，我想對所有兒童腎病患者說，無論你們面對什麼樣的挑戰，請永遠保持信心，生活總會帶來新的希望，我們一直在你們身邊，支持你們！」

肥媽 Maria Cordero

梁思浩

陳奐仁

劉洋

鄧兆尊說：「記得從細個開始已經跟隨父親參加慈善活動，自細受到熏陶，確認施比受更有福呢個道理，今次慈善音樂會肯定可以提高大家對腎病兒童的瞭解和認知，希望每一位腎病患者唔好氣餒，隨著社會不斷進步，希望將來腎病並唔係一個嚴重問題，希望在明天！」Hanjin表示好開心今次能夠參加這個慈善音樂會，「我希望今次活動能夠提高大眾對腎病嘅認識，因為腎病嘅徵狀係好容易被誤認為其他病徵，呢啲誤會可能會導致治療嘅耽誤。我想對兒童腎病患者同埋患者身邊愛惜他們嘅家人、朋友們說：我明白你哋嘅辛苦，你哋真係好勁，繼續努力加油。」周吉佩：「我經常參與慈善活動，近年更號召歌迷會一同身體力行，包括老人院探訪、海灘清潔、獨居長者探訪、派飯等，今次能夠透過音樂為腎病兒童籌款，是非常有意義的事。」龍婷說平時會去老人院唱歌，希望今次慈善音樂會幫到腎病患者，她希望患者只要保持對生活的熱愛，一切都會好起來。

鄧兆尊

顔米羔

《兒童腎病基金 邁向30週年慈善音樂會》

《兒童腎病基金 邁向30週年慈善音樂會》

支嚳儀認為透過音樂來推廣兒童腎病關注是一個非常有意義的方式，「音樂能夠觸動人心，讓更多人關注這個重要的健康議題。腎病往往是一個被忽視的疾病，但它卻影響著許多家庭的生活質素，所以我們需要更多這樣的平台來提高公眾認知。音樂會不僅能籌募善款，更重要的是能凝聚社會各界的力量，共同為腎病患者及其家屬提供支持。我相信這次音樂會絕對能有效提高公眾對兒童腎病的認識和關注。」顏米羔覺得今次慈善音樂會的主題很有意義，尤其是關注兒童的疾病，也希望活動能提高人們對兒童腎病的認識，他只要時間能配合，便會參加更多類似的慈善活動，米羔為病患者打氣說：「有時事情發生未必係自己可以選擇，但係自己絕對可以選擇用那種心態去面對。努力讓自己活出精彩的每一天，一起加油。」劉洋：「這次的主題是《兒童腎病基金》慈善音樂會，其實每一個小天使的降臨都是幸福和快樂的凝聚，然而當不期而遇的病痛降臨時，隨之而來的是很多意想不到的困難和無助，基金會為孩子們和他們的家庭所帶來的希望和快樂是真實而细腻的，非常貼心的照顧到孩子們的需求。我希望大家別害怕，請相信只要我們一起努力，一切都會越來越好。」金凱：「我覺得這次以音樂為主題的慈善活動非常有意義，音樂是靈魂溝通的橋梁，可以散播愛與關懷。我想和兒童腎病患者說，我們也許沒有遇到更好的人生，但是我們依然可以選擇努力對抗命運，努力讓生活變得更好，努力讓身體越來越健康，因為只有這樣，我們才能擁有更好的未來，我們一起加油。」

「兒童腎病基金」成立於 1996 年，是《稅務條例》第 88 條獲豁免繳稅的慈善機構，他們由一群醫護、社工、律師和腎病兒童家長一起成立。自成立以來，他們一直陪伴患有腎病的孩子和家人，共同為病童創造一個理想的生活環境，期望孩子們在艱難的治療旅 程中，仍可以被看見、被擁抱、好好長大。兒童腎病基金長期透過募捐，把善款用在孩子的需要上：包括資助腎病兒童，盡力減輕 腎病對生活的影響；亦為病童提供交通津貼，減輕往返醫院與治療中心的負擔。同時也會舉辦教育與家庭活動，提供最新的腎病醫療知識與實用資訊，讓腎病兒童家屬在照顧路上不孤單。