鄧兆尊大爆與何超儀被迫對親家 雙方母親望「賭王配伶王」

現年58歲的鄧兆尊，一直以三女共侍一夫的生活方式成為城中話題人物，更被網民封為「現代韋小寶」。日前他在主持的網上節目《娛樂好好玩》中，自爆年輕時曾被家長安排與「賭王千金」何超儀相睇！

自爆年輕時曾被家長安排與「賭王千金」何超儀相睇

鄧兆尊在節目中提到，當年他與何家幾位千金一同長大，彼此熟絡。有次雙方母親在毫無預警下安排一場配對飯局，令他與何超儀勁愕然。他笑言：「我哋大家一早識，阿媽唔知，佢媽話『我女好乖』，我阿媽又話『同我仔試下』，原來想賭王配伶王！」

他笑言：「我哋大家一早識，阿媽唔知，佢媽話『我女好乖』，我阿媽又話『同我仔試下』，原來想賭王配伶王

他更指當時一見面已心照不宣：「大家對望一眼，心諗：玩到咁大？知係畀人夾硬黎，咪坐低飲餐茶，做個戲俾佢哋睇！」雖然當年配對未有結果，但鄧兆尊坦言何超儀直率有個性，更大讚何家千金「高質」，只是兩人最終無火花，笑言：「唔係對方杯茶，做兄弟就啱啱好。」

與何超儀做場戲俾佢哋睇

鄧兆尊被網民封為「現代韋小寶」

由吳家樂與鄧兆尊主持的網台節目《娛樂好好玩》，經常大談娛樂圈熱話之餘，亦不時分享圈中秘聞，吸引不少網民追看。

在最新一集節目中，吳家樂表示自己算是見證過香港娛樂圈最輝煌的年代，也看過行業一路轉變。不過他坦言一直有個小遺憾，就是當年沒有在廣播道工作過，直到近年主持香港電台節目，才算補回心願。

吳家樂表示自己算是見證過香港娛樂圈最輝煌的年代

拍檔鄧兆尊則表示自己曾經在港台工作過，現在反而希望有機會到商業電台試試開咪。不過當吳家樂提到「大師唔係話咩......」時，鄧兆尊即時擰頭兼擺手說：「唔好了，我唔鍾意同大師做，大師太厲害了，佢言詞太高了，我頂唔住！」

鄧兆尊直言唔鍾意同大師做節目

吳家樂聽後亦十分驚訝追問：「你都頂唔住？」鄧兆尊則直言：「頂唔住！之前我講錯句嘢都雪咗9個月。」

他隨即分享一段往事。當時「大師」跑步經過他身邊，突然問：「鄧兆尊，聽講你嗰陣時唔覆機個喎？」鄧兆尊當時坦白回答：「大師，我無用Call機（傳呼機）好耐喇，因為嗰時已經無Call機。無諗到就係呢句嘢，一雪就雪咗我9個月！」

鄧兆尊指一句說話得罪「大師」

雖然他沒有直接點名，但當有網民追問是否陳志雲時，鄧兆尊亦沒有否認。

鄧兆尊亦沒有否認是否指陳志雲大師

吳家樂聽後笑說：「都要睇環境嘅，今時今日嘅鄧兆尊...唔覆你咪唔唔覆你囉！」鄧兆尊亦霸氣回應：「我雪返你啊！」並補充解釋：「嗰時真係無Call機嘛，我又唔係整蠱人。」

兩人亦感慨在娛樂圈生存並不容易，吳家樂直言：「有時打招呼又死，唔打招呼又死。要你死，你就係要死。」鄧兆尊則笑言，這其實要看當時是「紅運當頭」還是「黑過墨斗」。

吳家樂舉例說，在餐廳Canteen路過時，如果撞到「唔應該撞到嘅人」，可能就會出事。鄧兆尊更補充：「『哦，吳家樂，你無望我。得了，（雪藏）三個月啦。』真事來的，唔好以為講笑。」

二人指娛樂圈好易得罪人