發現老公立遺囑無自己份 港女撰長文呻：打破一切假象

不少人亦會提早訂立遺囑，以免自己突然發生意外，導致在資產分配上出現爭執。有已婚的港女近日則發現丈夫已訂立遺囑，但當中並無自己的名字，反而由丈夫的哥哥與母親平分，令她直言「呢份遺囑、打破晒我心目中一切嘅假象」，更令她想離婚。

該名港女日前在連登討論區以「發現老公立左遺囑」為題發表長文，指與丈夫拍拖3年並結婚1年，生活不算富有，但食得飽穿得暖。婆婆在婚後借錢予他們買樓，並由樓主負責供樓，又指與丈夫已計劃盡快還錢予婆婆，以及為退休多儲錢。她指，丈夫很疼愛及照顧她，兩人雖然間中有磨擦但尚算恩愛，並指丈夫曾親口表示「咩都俾晒我，好愛我好錫我」，而自己在婚後亦將保險轉名，新增對方為受益人。她指，近日發現丈夫已訂立遺囑，隨即擔心對方的身體是否出現問題，但在細閱詳情後卻發現遺囑上沒有自己，丈夫的資產將由其哥哥及母親平分。

她指日前與對方吵架，在吵架後原本打算直接和他離婚。《三十九》劇照

她直言，「呢份遺囑、打破晒我心目中一切嘅假象」，並質疑對方並未為她作出考慮，「冇諗過如果我失去佢會變到無依無靠」，又指我感覺到「呢份遺囑係用嚟防範我，而唔係佢有咩事」，並指「大家都應該係結婚後以家庭為先。要為枕邊人著想考慮。我哋既無小朋友，寫媽咪好正常，咁點解唔係我係呀哥？」她續指，在看到對方的遺囑後，「佢依家每個反應都令我感覺到佢唔再愛我」，又指日前與對方吵架，「最後個end又係我地一般相處咁」，而自己亦未提及遺囑一事，「因為佢已經將我分割出嚟，又或者由始至終我都唔係佢家人或者另一半」。她續指，在吵架後原本打算直接和他離婚，「但佢流兩滴眼淚，講自己嘅付出，我又感覺佢好似仲愛我」。

相關帖文隨即引起熱議，有網民認為應直接問清楚。網頁截圖

她亦提到，「我以為由始至終婚姻都係因為愛，原來唔係，係佢心目中應該係交易」，並指「我心痛唔係會冇咗啲財產，係心寒呢個自稱好了解我，最愛我最了解我嘅人，佢一直都認為我係嚟搶錢嘅？」她又指，「離婚好似係唯一證明俾佢睇我嘅為人」，並指「我到底算係乜嘢⋯ 我抹唔走呢件事」。

有人指帖文太長，並質疑樓主「成篇野就係=點解遺囑無我名？打咁多字做乜」。網頁截圖

相關帖文隨即引起熱議，有網民直言「唔傾就等離婚」、「講到尾你都係估估下，你唔三口六面傾清楚先嬲，有咩意思」、「唔好太依靠男人，結婚都應該努力工作，冇期望就冇失望」、「呢啲嘢直接同老公傾啦」、「點都要講㗎啦，一定要好好溝通」、「你點樣發現呢樣野，偷睇？如果係嘅，原因係你本身都有唔信任？如果唔係嘅，點解唔直接拎出嚟問清楚？」等。

該名港女發現丈夫的遺囑並無自己，令她想離婚。《三十九》劇照

另有人則指帖文太長，並質疑樓主「一路講愛愛愛愛，自己付出過啲咩?」、「打咁多野上嚟不如自己問清楚」、「成篇野就係=點解遺囑無我名？打咁多字做乜」、「樓主兜咗咁大個圈，其實想扮唔係focus喺錢到」等，亦有人質疑相關內容的真確性，質疑樓主抄襲或「作文」。

帖文來源：連登討論區

一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。

示意圖。愛回家劇照

樓主：羡慕父母對子女0經濟回報期望

女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。

示意圖。愛回家劇照

妹妹提出與姐姐分擔家用即觸怒父母

父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。

示意圖。愛回家劇照

父母有兼職「每人都有月入起碼14k」

她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。

示意圖。愛回家劇照

網友怒批父母行為如「當子女ATM」

帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」

「養兒防老」觀念已過時

亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。