有30歲的港男在網上發文，提到自己現時仍在修讀護士，並自嘲自己是廢物，獲不少網民留言鼓勵，並勸喻他不要與其他人比較。
示意圖。設計圖片
該名港男周三(23日)在連登討論區以「30歲轉行經歷」為題發文，提到第一份工作是在會計師樓任職核數師，但工作很短時間已辭職。他隨後轉讀幼兒教育，而第二份工作則為「做助教做班主任」，但指「由於出生率低冇得做」。其後，他改為修讀護士，並指雖然有津貼，「但30歲仲讀緊書，冇咩安全感就真」。他又自嘲，「人地30歲已經結晒婚生埋仔女，事業穩定晒，而我就係一個廢物」。
設計圖片
設計圖片
該則帖文至今已獲得逾2000人讚好，不少人留言鼓勵樓主加油，並指「真係唔好同人比，愈比只會愈打擊自信心，自己有目標，知道自己轉行係為咗乜就得，加油啦」、「支持你，30歲轉行讀好平常」、「30歲其實仲可以讀書，完全冇問題，唔好畀個框架去限住自己咩年齡就要有咩成就」、「希望你今次買定離手，可以堅持落去」、「又無話去到幾多歲一定要做咩嘅，搵到想做嘅野咪做」、「遲人幾年啫，其實最重要係搵啱條路，仲有2、30年做」、「唔好俾香港/亞洲啲價值觀影響到， 30歲其實仲心有力，見你不斷搵唔同方向做好好呀你，護士呢行畢到業搵到工比起之前嘅工更有前景，頂硬上」等。有相似經歷的網民則指，「我33先轉，明白你辛苦嘅。加油」、「同你經歷緊差唔多嘅處境，唔使同人比較咁多，每個人條路都唔同㗎啦，最緊要知道自己想追求嘅嘢係咩」、「加油啦師兄，我都三十幾又就嚟被迫轉行」。另有人則留言指「睇死你讀完又嫌辛苦轉行」等。
帖文來源：連登討論區
有30歲的港男提到自己現時仍在修讀護士。示意網圖
