伍樂怡拍認屍戲心情低落難抽離 劉穎鏇呻喊戲難過拍打戲

另外還有兩大高潮位，是眾人於殮房認領高守遺體、及身懷六甲的Open姐阻止高勇找威仔報仇，當中痛失男友的阿七（伍樂怡Kelly飾）喊得悽慘外，Open姐（劉穎鏇Tiffany飾）更是演技大爆發。向來爽朗活潑的Open姐自從高勇出現後遺症後，由「開朗少女」變成「憂心女友」，直至高勇打算「送死」尋仇，Open姐爆喊箍實對方說：「我真係唔想個BB一出世就冇咗個爸爸，你就當為咗我或者BB，唔好去啦。」演得相當投入。

高守遭「魔性大發」嘅威仔錯手殺死。

高守遭「魔性大發」嘅威仔錯手殺死。

事發後，威仔仲一直隱瞞自己殺死高守。

後來畀Q姨揭發係殺人兇手，威仔即跪地哀求對方保守秘密，直至救醒韋瑞琦（王君馨飾）才自首。

受訪時，Tiffany表示要代入大肚婆心態又要喊，對她來說難度比拍打戲更高：「每次拍喊戲我都好緊張，可能以前細個好唔鍾意畀人見到自己喊，所以培養到依家好少喊亦好難喊，但呢個心理關口我都慢慢克服緊。」她又感激Jazz與幕後團隊的專業指導、及山聰的耐心引導，以達到最自然的效果。

賀慶隆將CCTV拍下嘅威仔藏屍片段轉發畀高勇，高勇睇到即嬲到要搵威仔報仇。

大肚嘅Open姐哭著勸高勇唔好「送死」。

大肚嘅Open姐哭著勸高勇唔好「送死」。

至於Kelly則謂很難忘拍攝認屍一幕，皆因當日現場氣氛好沉重，眾演員情緒也十分低落，令她好快便投入角色情緒：「我第一次情緒未能及時抽離，拍完嗰場戲心情一路都好低落，需要啲時間先可以平復心情。」問到跟一班前輩同時拍喊戲可有壓力？Kelly說：「冇，因為呢個團隊真係好Nice、好窩心，好似一家人咁。」

痛失男友嘅阿七傷心落淚。

痛失男友嘅阿七傷心落淚。

12月2日晚播出大結局，官方前一晚率先於社交網釋出全新預告片，片中Q姨（唐詩詠飾）和Open姐均穿上白色婚紗、滿面幸福地等待新郎來臨，未料Q姨腦中忽然閃現自己被車撞飛、Open姐小產出血、高勇吐血倒地及阿鏈（陳展鵬飾）被槍擊的驚險畫面，兩女頓時臉色一沉，氣氛緊張，莫非「超能使者」最後會被團滅？據悉，「殺子之仇不報誓不休」的賀慶隆將與「使者」們正面交鋒；同時，威仔竟化身「最強武器」打自己友？對於不少網民盼今次能有Happy Ending，監製Jazz透露：「只可以講最後一集將會穿插於笑與淚之間，而個結局亦都係充滿愛嘅，希望大家睇完會明白『有愛就無所不能』嘅道理啦。」

Q姨和Open姐都為此感到好擔心。（預告片截圖）

Q姨和Open姐都為此感到好擔心。（預告片截圖）

究竟大結局會唔會Happy Ending呢？

觀看相關影片按連結：https://youtu.be/GLU45yNEAxM