鄺潔楹澳門打卡賀聖誕 網民驚覺撞樣劉穎鏇

無綫小花鄺潔楹（Judy）日前赴澳門度假，除了欣賞特技表演，亦趁機在酒店附近的聖誕裝飾前打卡，提早感受節日氣氛。她玩泡泡時更顯少女味，夢幻十足。

鄺潔楹IG圖片

鄺潔楹IG圖片

有網民發現Judy意外撞樣同台花旦劉穎鏇，其實二人一向老友，曾合拍咪嘴短片。雖然身高相差二十厘米，但無阻彼此默契。

鄺潔楹IG圖片

鄺潔楹IG圖片

為迎接年度最令人期待的佳節，始創中心日前邀請了藝人劉穎鏇（Tiffany）拍攝「聖誕禮物大派對」相片，Tiffany可以在商場中四圍打卡，暨工作又可以乘機shopping揀聖誕禮物！Tiffany日前現身拍攝活動，雖然工作排得密密麻麻，但講到聖誕節，Tiffany就一臉雀躍，直言歸心似箭：「我主要個目標係希望聖誕可以返到去LA（洛杉磯）嗰邊陪屋企人過囉。但我係未買機票嘅，因為始終做嘢為主，希望一有空檔時間就可以即刻走。」她透露每年聖誕都好渴望能與家人渡過，全家人食飯、傾偈嘅感覺特別Warm。

劉穎鏇

劉穎鏇

Tiffany笑言家人作風好洋化、好 Chill，唔會被「逼供」終身大事，「又冇喎！佢哋反而成日問我喺香港做緊乜，拍緊咩劇或者綜藝節目，想了解我嘅工作多啲！」她又預告《飛行日誌2》將於12月埋尾，之後有機會開拍新綜藝節目。

劉穎鏇

雖然Tiffany近日人氣急升，但她自爆其實係一名「宅女」，平時好少主動出街，最鍾意宅在家中，「同朋友出街食飯都會嘅，如果被 Fans 認出，都會大方影相同簽名都 OK 嘅，不過如果太素顏可能就會戴返個口罩遮遮，廢事嚇親人！」

劉穎鏇

講到聖誕送禮，Tiffany笑指自己好幸運，因為屋企人無互送禮物嘅習慣，幫佢慳返唔少：「我試過想送禮物俾父母，但佢地樣樣都話唔想要。（收過最 Sweet 嘅禮物係乜？）Fans 送嘅手作最Sweet，佢哋會集齊我好多相整成相簿，呢啲要花時間做嘅嘢最有意義。（有冇追求者送過？）又好似冇。（送手作會加分？）會嘅。」

劉穎鏇

劉穎鏇

始創中心於今個聖誕將突破想像，隆重呈獻「聖誕禮物大派對」主題活動。由即日起至2026年1月1日期間，商場將幻化成一個充滿驚喜與歡樂的禮物國度，透過華麗的節日裝置、精彩的空中懸浮表演、創新的光影互動體驗，以及大派驚喜的消費獎賞，為全港市民獻上一場由空中到地面、從視覺到觸感交織而成的全感官節日盛宴。誠邀全港市民與摯愛親朋一同前來，親身拆開這份年度最特別的節日禮物，共同沉浸在這場充滿歡笑與驚喜的派對之中。

劉穎鏇