老友齊現身賀盧海鵬81歲生日 黃淑儀精神飽滿「隱世華佗」愈老愈英氣

今個月21日是「鵬哥」盧海鵬的81歲生日，好拍檔林建明與及一班好友齊齊為鵬哥慶祝生日，事後林建明貼上慶祝的相片並說：「12 月份有很多人生日啊！盧海貓、黃韻材 ，生日高興！身心健康！多謝連炎輝的宴請，梁海平的刁鑽廚藝 ！大家開開心心又一餐 ！」

日前又齊齊慶祝生日！

好多熟悉嘅面孔！

鵬哥精神好好！

今次有份出席生日飯局的包括有：陳淑芬、黃淑儀、胡楓、姜大衛夫婦等等，近期甚少露面的盧海鵬，精神尚算不俗，早年鵬哥曾做過通波仔手術，再加上本身有腳患，曾一度要撐拐杖行路，其後隨周潤發及一班跑步朋友上山慢跑，身形清減不少，連健康逐漸好轉。而另一位主角黃允財曾是TVB的當紅小生，在83年版《射鵰英雄傳》中飾演歐陽克，演技備受肯定，息影多年的他已甚少參與幕前演出，反而不時與昔日圈中好友聚會，黃允財亦已轉行做中醫師多年，開設醫館行醫濟世，不時免費為貧苦老人睇病，曾被封為「隱世華佗」！

大姐明同修哥

經常同圈中好友聚會。

同蔡國威慶祝。

三代唔同嘅藝人！

林穎嫻返香港都有約朋友見面！

同寶珮如好老友。

成日都有聚會。

同鵬哥感情好好。

之前一齊合作做節目。

之前一齊合作做節目。

鵬哥同周潤發行山。

黃允財近年仍有拍攝TVB劇。

黃允財不時會公開露面。

經常同好友見面！

個個都KEEP得好好。

81歲盧海鵬慶生老友齊集 73歲黃淑儀圓潤精神飽滿黃允財愈老愈英氣

《今晚睇李思捷加黃智雯一個因慈善演唱會2025》日前在溫哥華列治文河石劇院隆重舉行，Mandy黃智雯相隔10年再度與李思捷合作，更難得是二人在音樂領域上首次同台演出，叫座力當然十足，吸引不少當地華僑到場支持，其中前輩級人馬黃淑儀亦驚喜成為座上客，令黃智雯受寵若驚，感動不已。

李思捷、黃智雯

為著舞衣 節食健身

演唱會上，黃智雯獻唱多首歌曲，又跳又唱，演繹《隆重登場》及《另眼相看》，黃智雯說：「為咗今次演出，事前都有練歌同排舞，呢兩個月都有健身做運動，保持最佳狀態，因為今次會有勁歌熱舞，件舞衣都有少少性感，為咗件舞衣，我都刻意節食，唔食最愛零食、雪糕，務求有好嘅體態。」

黃智雯

黃智雯

除了獨唱，黃智雯首度與李思捷合唱《來夜方長》與《陪著你走》，令觀眾大叫encore，黃智雯表示：「初出道就同思捷合作《老婆大人II》，飾演佢女朋友，當時我係一個新人，新到不得了，而佢又係一位前輩、又鍾意玩，當時同佢合作心情係戰戰兢兢，到第二次合作係《超能老豆》，思捷可以話睇住我成長，不過音樂舞台上我哋今次係第一次合作，佢好專業，好有台風，同思捷合唱好開心。」李思捷則表示同黃智雯合作感覺儼如兩兄妹：「咁多年來，都知Mandy跳舞叻，係個全能藝人，但估唔到我哋兩個把聲黐埋一齊都幾夾，聽落好舒服，好似兩兄妹咁，同聲同氣，幾有默契。」

黃智雯

黃智雯

演唱籌款 別具意義

此外，對於今次演唱會，黃智雯表示有很意義，除了可以為兒童醫院籌款，亦可以重臨舊地、與昔日的「戰友」、前輩見面，特別見到Gigi姐黃淑儀到場，更是受寵若驚，黃智雯謂：「對上一次嚟呢個舞台，係12年前嘅事，重臨呢個地方，亦見番之前合作過嘅工作人員，佢哋見證住我演藝路成長，所以內心有啲激動同感動，特別見到前輩Gigi姐，我同佢合作過好幾次，佢仲飾演過我媽咪，見證不同階段嘅我，所以見到佢，我忍唔住第一時間要同佢擁抱。」

黃淑儀、黃智雯

李思捷、黃淑儀、黃智雯