Anson Lo 重提演唱會事故衝擊 望做好每個作品答謝神徒

教主撰千字文為2022年作總結！

Anson Lo（盧瀚霆）1月1日在叱咤頒獎禮首奪「我最喜愛男歌手」 ，經過一晚沉澱， 一向愛寫千字文的他，1月2日在社交網又發千字文分享感受，並為2022年作總結。Anson Lo 在過去一年經歷不少新嘗試，當中除參與劇集及電影，音樂方面又首任MV導演一職，更創立自家時裝品牌，準備升呢做老闆，非常厲害。

Anson Lo撰千字文為2022年作總結。

Anson Lo 1月1日在叱咤頒獎禮首奪「我最喜愛男歌手」。

Anson Lo主動重提演唱會事故對他的衝擊，坦言受事件影響令他每一次上台的情緒仍不穩定：「很多人都叫我不要再提起演唱會事件，但這件事的確影響了我很多很多，事件至今， 情緒雖然依然時好時壞，無論開會、踏上每一個新舞台，每一次的情緒都不一定是穩定的，但它狠狠的提醒了我，真的要珍惜身邊每一個人，再多一點地主動的關心，為同行朋友們再做多一點，哪怕只能夠做多一丁點，謝謝MIRROR兄弟們和公司上下所有人經常體諒我，時常對我的照顧。」

Anson Lo 在過去一年經歷不少新嘗試。

Anson Lo國際後援會以教主名義冠名贊助一項跳舞計劃，其中神徒之一的張繼聰囡囡Kakaball 亦有份演出。

他又表示過去一年有很多新嘗試，但因擔心每個決定的對錯而大感壓力，「今年的所有新嘗試，的確很困難、很大壓力，曾擔心每一個決定是對或錯？每一個作品是好與壞？真的真的十分感激每一位神徒仍在，每一天的陪伴，每一次的等待，每一秒的念愛，清楚知道你們為我應援的辛酸，但這更令我知道，我一定要做好自己。」他更稱要做好每個作品，讓神徒為他感到自豪。

Kakaball

Kakaball 手舞足蹈，相當投入！

最後，他約定今個情人節，與神徒共渡，「來臨的2月14日留給我吧，我決定要和你們每一位一起親身渡過這年的情人節，Stay Tuned～」並表示2023年不會放慢腳步，一定會用2000%的力，令自己進步。

除此之外，Anson Lo 向來熱心參與慈善活動，日前，其國際後援會以「Anson Lo 盧瀚霆」名義冠名贊助「The Flash 2023」一項跳舞計劃，門票扣除成本將捐助庭恩兒童中心，為300位來自本地低收入家庭的言語障礙兒童提供接觸舞蹈學習的機會；其中神徒之一的張繼聰囡囡 Kakaball 亦有份演出。1月2日，張繼聰在社交網分享片段，片中見Kakaball 手舞足蹈，相當投入， 他寫道：「OMG！邊度可以入Fan Club ？想應援，哥哥拍嘅Fan Cam 好正，全部表演小朋友都好叻 ，媽咪要返工冇得睇＃慘慘豬」

張繼聰與Anson Lo國際後援會成員合照。

門票扣除成本將捐助庭恩兒童中心，為300位來自本地低收入家庭的言語障礙兒童提供接觸舞蹈學習的機會。

而Anson Lo 亦有拍片支持FC做慈善： 「好開心今次可以為大家打氣，因為今次係由我Anson Lo fans club 冠名贊助『The Flash 2023』嘅一個活動，最開心係可以用我最開心嘅舞蹈來支持庭恩兒童中心嘅跳舞表演同比賽 ，希望大家good show ，stay healthy& happy ， Happy New Year」

張繼聰與Anson Lo國際後援會成員合照。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。