【TVB頒獎禮】何晉樂冼靖峰獲提名超興奮 文凱婷支持拍檔林敏聰攞視帝

無綫一年一度盛事《萬千星輝頒獎典禮2022》於1月8日晚舉行，《聲夢1》學員三位何晉樂（Rock）、文凱婷（Aeren）、冼靖峰（Archie）都有入圍提名，關於有沒有信心去攞獎這個話題，Rock表示：「呢啲通常都係答平常心嘅，但呢首歌（青春本我）我哋自己好鐘意，如果有獎嘅話呢就係一個驚喜！」

《聲夢1》學員三位何晉樂（Rock）、文凱婷（Aeren）、冼靖峰（Archie）都有入圍提名

Rock表示：關於攞獎保持平常心！

Archie認為：「《青春本我》我哋嘅提名係主題曲啦，追溯返一首歌嘅背後，唔係淨係我哋兩個唱咁簡單，而係融入套劇，我哋15個人以及造歌嘅班底，導演同監製、Andy嘅作曲以及Rock都有份參與作詞，是好多人一齊嘅努力。再加上之前係新加坡嘅頒獎典禮都有提名，我覺得係好大嘅榮幸，其實我覺得已經好開心。」

Archie認為提名已經係好大嘅榮幸，覺得好開心。

Aeren坦言對《一家人》呢首歌嘅信心一定是有的，畢竟已經入了十強：「咁但係我覺得呢一首歌已經帶咗俾我好多意想不到嘅嘢啦，可能係街上邊或者新嘅朋友都會同我講，有聽我首《一家人》，其實已經好開心，同埋我知道呢首歌幫助咗有語言障礙嘅小朋友，令佢識唱同埋識講『一家人』三個字，對我嚟講已經係好大嘅禮物，而且有機會同聰哥合作，我覺得自己已經贏咗！」

Aeren坦言對《一家人》呢首歌嘅信心一定是有的，畢竟已經入了十強

關於今屆視帝視后，最後Aeren表示視帝方面肯定支持自己的partner在《下流上車族》當中的林敏聰：「我自己身邊好多朋友都係呢套劇嘅討論者，討論度真係好高，演技我當然冇資格評論任何人啦，但最大嘅驚喜係俾人嘅反差好大，好似冇人會估到佢會做個溫情嘅角色，仲要做得咁深入民心，再加上劇本好多嘢嘅加持，所以我選擇佢！」

Aeren表示視帝方面肯定支持自己的partner在《下流上車族》當中的林敏聰

Aeren表示：「視帝我揀唔到，我就揀兩個，第一個就係陳山聰前輩，首先睇《美麗戰場》嘅時候，好印象深刻就係一言sir嘅角色，令我眼前一亮，好型好靚仔，令我覺得好犀利。咁第二個就係陳展鵬前輩，做《超能使者》真係入型入格，拳拳到肉，所以我真係覺得都好犀利！」Rock表示：「聰哥嘅角色係勾起好多人嘅回憶，好多人會深同感受，好抽心嘅角色，所以我係希望聰哥可以攞到最受歡迎男角色嘅獎嘅，我覺得呢個真係實至名歸」

Aeren支持陳山聰陳展鵬，而Rock希望林敏聰可以攞到最受歡迎男角色嘅獎

人氣音樂選秀節目《聲秀》現正熱播，賽事亦正式進入白熱化階段，節目正式選出九強選手！有見及此，屯門卓爾廣場特意為樂迷粉絲帶來《卓爾廣場‧新聲Music Live》！九強選手於活動中大展歌喉，輪流獻唱，以歌聲撼動大家！而《聲夢》師兄師姐何晉樂 (Rock)及潘靜文 (Sherman) 更驚喜現身，為一眾《聲秀》師弟妹打氣撐場！

穎喬

林潔心

柯雨霏

馮熙燮

甄敏芳

活動聚集了大批樂迷及粉絲駐足欣賞，不少觀眾更拿起手機拍攝及即場打卡，場內氣氛熱烈，先由《聲夢》師兄何晉樂（Rock）率先登場，以個人單曲《無證騎士》及《留低鎖匙》為演出揭開序幕，而師姐潘靜文(Sherman)亦跟隨其後，分別以《嘉賓》及個人派台作品《傷魚座》展現實力唱功。演出後，二人更與九強師弟妹一同合照，撐場打氣，送上支持。

大合照

其後，一眾《聲秀》九強歌手，包括林潔心（Bibi）、甄敏芳（Jenny）、穎喬（Ziva）、馮熙燮（Ryan）、蕭凱恩（Michelle）、胡子貝（Matt）、柯雨霏（Ophelia）、布子殷（布子）及周智敏（Emily）接力演繹他們於上一回合時比賽歌曲，以及經典流行金曲，涵蓋廣東歌、國語歌及國際熱門歌曲，例如《空港》、《等一個他》、《酷愛》及《粉紅色的一生》等。觀眾隨旋律合唱，又不時舉起手機燈海應援，令現場仿如一個音樂會！