麥美恩吳若希教新仔做主持放下偶包 大方曬陳年cosplay黑圖及孕期醜照

吳若希（Jinny）與麥美恩（Mayanne）主持的經理人育成真人秀節目《女王的密令》近日熱播中。新一集兩位經理人教新人們如何應對醜照被翻出，特設自選黑圖環節，身先事卒曬出自己的黑材料，場面爆笑。

樂小姐委任麥美恩（Mayanne）和吳若希（Jinny）擔任星級經理人，兩人各自挑選四位男生，開展為期兩個月的密集式訓練，節目最後勝出者將獲得正式演出的機會！

樂易玲是電視廣播有限公司助理總經理（藝員管理及發展），亦是《女王的密令》監製。

藝人被起底是常有的事，為了教仔仔克服尷尬，Mayanne首先展示當年拍攝節目《我愛香港》時被安排扮英雄人物「妖后」（Mystique）的造型，坦言：「這個造型算是作為一名女藝人的底線，能讓製作組知道原來有女藝人願意去做，同時亦證明自己，但真係可一不可再」。

Mayanne率先自爆當年cosplay舊照。呢個係......大家記唔記得佢扮咩？

呢個look應該唔係個個女artist接受到！

Jinny陀B時同家下個樣差好遠......

至於Jinny就勸仔仔們放下偶像包袱，以過來人的身份來對他們說：「初入行，我記得以前珍姐第一次搵我拍劇時就同我講咗一句說話問我『你想做咩角色呀？』當時我講話『想做諧星』，跟住佢就話『咁都好，好彩你都唔係諗住做靚女啫』而我之後所做嘅角色都係啲好正常嘅女仔。」之後大方放出她當年懷孕時所拍下的對比圖，相中她素顏時皮膚有點黝黑暗沉，因為懷孕，全身浮腫，更驚現三下巴，確是令人認不出。她就豪氣指：「只要你唔尷尬，尷尬就係人哋」。

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

吳若希與老公何兆鴻相當恩愛

吳若希與老公何兆鴻

經常分享一家四口的生活

相當幸福

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」

正面樣曝光

限時動態分開Giselle的生日相

女兒與媽媽如餅印

一家四口

兩姊弟好可愛

Giselle６歲生日

5歲生日

4歲生日

3歲生日

2歲生日

1歲生日