劉俊謙當蔡思韵公主咁服侍！
在二○年上映的港產愛情片《幻愛》，除了為片中兩位男女主角劉俊謙和蔡思韵帶來不少電影獎項之外，亦造就了一對「戲假情真」的黐纏情侶！
資料圖片
近年，這對影壇新貴情侶片約不斷，經常要分隔兩地工作，令他們更加珍惜相處時間。日前，蔡思韵與男友穿上情侶波鞋，現身沙田拍拖「血拼」。當女友在時裝店揀衫時，劉俊謙全程貼身服侍、寸步不離，更當女友公主般看待，認真是「廿四孝男友」！
戲假情真
當日，蔡思韵與劉俊謙分別戴着一黑一白的口罩，現身時裝店拍拖「血拼」；期間，男友全程貼身服侍，當女友公主般看待。
劉俊謙當蔡思韵公主服侍
現年廿八歲、熱愛演戲的蔡思韵（Cecilia），在香港中學畢業後，便到台灣國立台北藝術大學，修讀劇場及舞台劇；而讀書期間，她亦有兼職模特兒。充滿文青氣質的她，入行短短數年已有不少演出機會，當中包括：電影、電視劇、舞台劇等。在一七年，她與陳奕迅合作ViuTV電視劇《短暫的婚姻》後，便開始為人關注。
一九年，她接拍台灣驚悚片《返校》，雖然戲份不多，但令她成功在台灣和香港打響知名度；其後，她拍攝港產愛情片《幻愛》，演技備受認同，除了令她在《香港電影評論學會大獎》奪得「最佳女演員」之外，更贏了一位男朋友，他就是《幻》片中的男主角劉俊謙（Terrance）。現年三十四歲的Terrance，同樣憑這齣電影，獲得《電影評論學會》頒發的「最佳男演員」，以及《第三十九屆香港電影金像獎》的「最佳新演員」；此外，Terrance更有份參演電影《梅艷芳》扮演張國榮。
電影《幻愛》不僅造就Cecilia和Terrance成為情侶，亦為他們帶來不少演出機會，和情侶檔接拍廣告，實行有錢齊齊搵。今年初，兩人還首次合體拍攝電視劇《940920》。貴為影壇新星的Cecilia，早前便有機會參演由新晉導演曾憲寧執導，以及兩位影帝影后級人馬任達華和張艾嘉主演的電影《燈火闌珊》，電影更成功入圍「第三十五屆東京電影節」的《亞洲未來》的競賽單元，並獲邀成為「第十九屆香港亞洲電影節」的閉幕電影。早前，Cecilia就隨《燈》片的團隊，飛赴東京出席全球首映禮，與一眾日本觀眾互相交流。
電影《幻愛》除了造就蔡思韵與劉俊謙成為情侶之外，更為他們帶來不少賺錢機會，經常以情侶檔接拍廣告。
劉俊謙亦表示幾欣賞雲浩影，更大讚：「佢把聲有種清泉嘅感覺，當時歌唱比賽聽已經覺得呢個女仔係清泉。」
雲浩影（Cloud）新歌《慢性分手》MV由去年金像獎最佳剪接李謙明執導，更邀請港台兩地炙手可熱的劉俊謙擔任男主角，故事以一張梳化見證他們由熱戀到分手。最初他們開展同居生活，合力將梳化搬入屋，非常合拍，劉俊謙躺在Cloud大髀上的枕頭溫馨細語、拖手仔一齊聽音樂、在露台打情罵俏、互相偷拍對方生活照等，四周瀰漫著浪漫氣氛。之後感情轉淡，甚至決定分手，火燒梳化以結束關係，他們看著愛情灰飛煙滅，Cloud心痛得泣不成聲。
雲浩影新歌《慢性分手》MV邀請港台兩地炙手可熱的劉俊謙擔任男主角。
故事以一張梳化見證他們由熱戀到分手。
劉俊謙躺在Cloud大髀上的枕頭溫馨細語。
互相偷拍對方
之後感情轉淡，決定分手，火燒梳化以結束關係。
他們合力將象徵愛情的梳化搬走，路上明顯非常不協調，一個快一個慢，一個行一個停，甚至輪流發脾氣。但最後看著火光，愛情化為灰燼，他們都非常傷心。劉俊謙說：「呢對情侶要結束關係，梳化似係一個比喻，將大家嘅東西拖去燒咗佢，一齊搬，好辛苦、好吃力，有一方繼續想搬，有一方好攰唔想搬，拖拖拉拉，比喻情侶難免步入呢個關係。」Cloud說：「梳化喺呢個MV好有象徵意義嘅角色，兩個人搬入新居時傾吓張梳化擺喺邊，然後喺梳化上發生好多甜蜜溫馨嘅回憶，到最尾決定用唔到要丟咗佢，都象徵一段關係唔同嘅階段。搬梳化嘅過程會見到男女雙方步伐不一致、鬥氣、互相不體諒等狀況。」
二人合力將象徵愛情的梳化搬走，路上明顯非常不協調。
最後看著火光，愛情化為灰燼。
Cloud更心痛得泣不成聲。
Cloud更心痛得泣不成聲。
二人都非常傷心。
雖然MV結局非常傷感，但Cloud被型男劉俊謙的笑話氹得笑逐顏開，她說：「《慢性分手》呢首歌講述一對長期戀愛嘅男女，關係慢慢走到結束，比較傷感嘅MV，但因為有劉俊謙參與就變得唔係咁傷感。」點解呢？劉俊謙笑說：「本身我同Cloud唔係好熟，拍攝時諗住打開話匣子，講咗好多唔係幾好笑嘅笑話⋯⋯」Cloud立即安慰說：「其實都幾好笑嘅，大家都笑得出，同事仲叫我做好表情管理添！」續說：「阿謙好Nice好親切，最初我有少少緊張同埋怕羞，但佢好主動令到氣氛都冇咁尷尬，所以拍攝順利。」
雖然MV結局非常傷感，但Cloud被劉俊謙的笑話氹得笑逐顏開。
Cloud又大讚劉俊謙好Nice好親切。
令Cloud最開心的相信是劉俊謙踢爆父母是「迷雲黨」（Cloud歌迷暱稱），他說：「我爸爸媽媽好鍾意佢，當年歌唱比賽嘅時候，我哋全家人一齊睇佢唱歌。」Cloud受寵若驚，連聲多謝。他說：「我好耐冇喺香港拍MV，好榮幸可以參與拍攝，我自己都幾欣賞Cloud，佢把聲有種清泉嘅感覺，當時歌唱比賽聽已經覺得呢個女仔係清泉。」被當面稱讚，Cloud坦言尷尬。「劉俊謙好紳士、好體貼、好靚仔，拍攝時我都忍唔住同佢講：你真係好靚仔！不過，大家有無留意其實佢把聲好好聽呀！」
劉俊謙踢爆父母是「迷雲黨」。
劉俊謙指當年Cloud參加歌唱比賽時，全家人都一齊睇。
之前Cloud《回憶半分鐘》MV邀請日本靚仔合作，今次《慢性分手》MV有香港靚仔劉俊謙，下次Cloud想與哪個地方的靚仔合作MV呢？她想了一想，說：「法國，其實想同法國靚仔合作之外，最想去法國拍好浪漫嘅MV，話唔定會有啲犀利嘅嘢出現。」
觀看相關影片按連結：https://youtu.be/VHt8upfvSQ8?si=hzOokDVxFyLbou2W
