楊偲泳唔得閒照顧受傷男友張振朗 阿Dee爆《造星V》有參賽者同鏡仔撞樣

王丹妮、何啟華（Dee）、楊偲泳等出席賀歲片《毒舌大狀》電影歌曲MV首播會暨巴士巡遊宣傳活動，巡遊沿途都有粉絲舉牌支持。《毒》由黃子華和Dee合唱，雖然這天子華未有到場，但Dee在台上表示能與子華合唱很奇妙，一開始以為好難請到子華開金口，但知道他答應合唱後，即時興奮到尖叫，笑言之後如有自己的solo更好。

王丹妮、何啟華（Dee）、楊偲泳等今日（15日）出席賀歲片《毒舌大狀》電影歌曲MV首播會暨巴士巡遊宣傳活動。

《毒舌大狀》電影歌曲由黃子華和Dee合唱。

黃子華沒有到場。

王丹妮有份參演。

Dee上表示能與子華合唱很奇妙。

巡遊沿途都有粉絲舉牌支持。

Dee稱一開始以為好難請到子華開金口。

但Dee知道他答應合唱後，即時興奮到尖叫。

Dee笑言之後如有自己的solo更好。

Dee透露粉絲有計劃包場睇戲，他到時都會齊齊欣賞。

至於MIRROR和ERROR可會分別包場支持他？他說：「ERROR比較反骨，MIRROR 幾個兄弟好似是Frankie、Stanley、AK看完VIP場都有在社交網發文支持。」

Dee早前到馬來西亞為《全民造星V》揀蟀，大讚今屆參賽者的水準很高，笑指有翻版AK、AL和193：「有個遮了眼和鼻和AK一模一樣，連花姐、寶姐和Lokman看相都覺得似，但一看正面就話不似，入面有個好似193，似他咁高又搞笑，雖然無任何才能，但又會想聽他說話，其實香港的參賽者都有個同我撞樣，所以特別揀了他，大家可以期待一下。」

Dee和肥仔梁業早前到馬來西亞為《全民造星V》揀蟀，Dee大讚參賽者的水準很高。

Dee指《全民造星V》參賽者有翻版AK、AL和193。

楊偲泳出席電影《毒舌大狀》活動時被問到男友張振朗拍劇受傷縫了7針一事，她指男友年輕，拍動作場面難免意外，相信他很快康復，但因為今日忙於工作，未有時間照顧他，笑指他有向自己及在網上報平安。講到張振朗指男人有疤會更型，她說：「你們覺不覺得？我覺得差不多，似有點經歷，但大家不要學。（帶他去磨疤？）相信他公司會有安排，我拍《毒》的時候都有跌倒受傷，其中一場穿高跟鞋跑，第一take就仆到五體投地，又試過因天雨路滑而仆低，所以之後開工都有工作人員追住我叫我拜神。」

楊偲泳出席電影《毒舌大狀》活動時被問到男友張振朗拍劇受傷縫了7針一事。

楊偲泳指男友年輕，拍動作場面難免意外，相信他很快康復。

楊偲泳忙於工作，未有時間照顧男友。

同場的王丹妮亦有試過拍戲受傷。

王丹妮笑言其中一場拍檯戲，因用盡全力去拍，拍了2、3 take已由手指尾的關節位瘀到去手臂。

王丹妮大讚男神張孝全！

王丹妮（Louise）與張孝全、鮑起靜、Mauricio Henao等主演，台裔美籍導演陳駿霖首部執導全英語對白演出的電視劇《Coolie》，經過近五個月拍攝後，終於煞青，Louise並趕及由多明尼加共和國返港出席日前的金像獎頒獎禮，與《毒舌大狀》的團隊一起分享獲得「最佳電影」的喜悅。近日Louise更收到《Coolie》監製通知該劇正在康城舉行的MIPTV賣片活動中，廣受買家歡迎，令她更期待透過此劇讓國際觀眾認識自己。而完成這次漫長拍攝之旅後，Louise忍不住的說：「終於可以同另一半Sheldon（羅孝勇）重聚；因為五個月前完婚後才兩天，還來不及渡蜜月，我便要飛往多明尼加共和國開工。跟囡囡和老公分開兩地，想死我了！」

王丹妮赴多明尼加拍攝電視劇《Coolie》。

Louise感恩今次參演獲益良多！

Louise三個幾星期前，曾特地返香港拍攝金像獎特刊，趁機陪囡囡雅念玩了兩日再趕返巴拿馬完成最後拍攝，直至日前才正式煞青回港。她直指今次到多明尼加拍劇五個月，是自己有史以來最長一次遠行工作，令她非常掛念老公Sheldon和囡囡。「以前出門做嘢最多三個月之後就會返香港唞一唞之後先再去第二度。但今次時間就再耐啲，honeymoon都無就同Sheldon say goodbye 到而家都未見到面，只靠視像變咗網戀，下星期Sheldon 有一個禮拜假期可以返香港，我哋終於隔咗五個月之後再見面，所以好期待！」

台裔美籍導演陳駿霖首部執導全英語對白演出的電視劇《Coolie》，由王丹妮與張孝全、鮑起靜、Mauricio Henao等主演。

除了老公和女兒之外，身在外地Louise最掛念就是香港的美食，並分享當地人的飲食口味說：「好掛住牛雜河，辣嘢同埋米線，因為嗰邊冇，當地人唔鍾意食辣，反而啲嘢食好鹹，好似成樽鹽倒瀉咗咁…又或者啲嘢飲好甜，半杯都係糖…哈哈。」

Louise自揭被男神張孝全圈粉。

Louise很幸運遇上友善的劇組，讓她輕鬆地渡過五個月的拍攝，又可跟鮑起靜和張孝全偷師演技，Louise先大讚男神張孝全，指自己已被圈粉。「平時我哋兩個都係比較文靜少少比較怕羞嘅人，但係孝全個人非常好，亦都好Humble（謙虛）。拍攝嘅時候兩個人感覺都幾有默契，所以我哋嘅場口其實大部份時間都拍得好順利。現場拍攝團隊入邊嘅女仕們全部都俾佢性格同造型迷倒，佢哋仲即刻搞咗個Fans Club，我都係高級會員！」

而面對影后級鮑姐，Louise表示儼如上了堂演技進修班！

左起：方平、王丹妮、鮑起靜

至於面對影后級鮑姐，Louise形容興奮多過緊張，自己儼如上了堂演技進修班：「我同鮑姐合作拍攝嘅時候真係完全見證到乜嘢係『快靚正』！一秒就入戲！所以拍攝當下我只係focus 努力做好表演，唔記得咗緊張。」此行鮑姐丈夫方平都有同行陪拍，Louise更主動做小導遊帶兩位一齊到處遊覽。

除了3位主角之外，今次Louise參演這部作品結集來自逾40個國家的劇組人員，加上異國情調，風光明媚國度下拍攝，Louise感恩今次參演獲益良多。「團隊上下大家都被南美洲熱情嘅文化日漸影響，例如聽到音樂就會起舞唱歌，同佢哋一齊工作，我自己各方面都學到好多亦成長咗好多。以拍攝完煞科個刻真係好唔捨得，返酒店睇住大家簽晒名送俾我所嘅卡同文字都忍唔住喊咗。煞青party大家都相擁而泣，始終大家唔係喺同一個國家生活，唔知何年何月先有機會再見。 」

Louise趕及由多明尼加共和國返港出席日前的金像獎頒獎禮。

同《毒舌大狀》團隊分享獲得「最佳電影」的喜悅！

至於今次新劇內容，Louise大賣關子亦相當保密，因此不少朋友和粉絲以為過去5個月她去了旅行，Louise笑言大家誤會了：「工作嘅照片暫時不能發到網上，所以大家只見到我終於有得放假嘅時候出去玩嘅日常，而難得放假就當然會搵嘢玩搵嘢食感受當地生活同文化，所以大家以為我返工返到去旅行度假咁，其實係錯覺嚟嘅，哈哈。」