請勿打擾｜完成21場演出！阿Dee坦言有完騷後遺症 Candy燃點對演戲熱誠

潘紹聰的王牌節目「恐怖在線」，繼2023年推出舞台劇《死鬼老婆》，及去年的《一樓一會》叫好叫座，今年第三度推出哈囉喂劇場《請勿打擾》。由恐怖在線、HYREX ASIA 主辦，以及MakerVille、SKINKEY、Six Degrees、異人巷協辦，以疫情期間的隔離酒店為故事背景，推出舞台劇《請勿打擾》，並由Dee@ERROR（何啟華）、Candy@COLLAR（王家晴）主演，自公演以來叫好叫座，一票難求。

《請勿打擾》一眾演員。

昨晚（11月9日）完成了共21場演出，「恐怖在線」主腦潘紹聰（Edmond）坦言今年有別於前兩年的收獲，「今年用好多心機喺燈光效果，同埋情緒上鋪排，有些人可能覺得唔夠驚，但完晒咁多場，大家會發現睇個劇觸動到情緒，比起驚嚇更重要。」而早前Edmond公布明年繼續舉行哈囉喂舞台劇，Edmond表示現階段已着手籌備，他說︰「明年會以喜鬧劇為主，希望大家睇得開心，依家唔知邊個演員，又唔知個劇講咩情況下，預售情況都好理想，相信係這三年來儲落口碑。」

潘紹聰、導演朱栢謙和張志敏

首次演舞台劇的Candy，坦言有點依依不捨，她說︰「8月開始影相，眨下眼就完成21場，兩個月過得好快。尤其是跟台前幕後嘅合作，將來好難原班人馬再合作，所以更加唔捨得大家。有了今次舞台演出經驗，我唔敢講更有信心，但今次增加了我對演戲嘅熱誠，所以我好enjoy今次喺舞台上演出嘅感覺。」

Candy

至於阿Dee完成21場演出坦言會有後遺症，他說：「今次演出，真係好唔捨得呢個團隊，有好嘅導演、好嘅演員。舞台世界俾到我嘅，未必喺拍攝或者拍戲俾到我，今次令我有好多啟發，將我遺忘咗嘅嘢upgrade 咗，所以我應該有完騷後遺症，會空虛、漫無目的一段時間。好多謝《請勿打擾》台前幕後每一位，雖然呢個留鬚look keep唔到，但會留低有鬚嘅何啟華作品。」

阿Dee

此外，前日（11月8日）是麥沛東正日生日，完成下午場後，在後台Candy送上粉紅色啤啤立體蛋糕予麥東，蛋糕造型十分可愛。當日兩場完成後，在台上劇組亦送上蛋糕，與觀眾一齊唱生日歌，麥東收到不少祝福。麥東感謝團隊為他慶祝，他說：「好驚喜，冇諗到一日食咗四個蛋糕。今年感受特別深，做咁多年劇場工作氛圍開唔開心，觀眾係睇到，大家好似大家庭咁，玩得好開心。」至於生日願望，麥東希望未來不論舞台、電影或電視方面，有更多工作機會。

麥沛東生日

麥沛東生日

麥沛東生日

麥沛東生日

自開騷以來場場爆滿，反應熱烈，先後有多位圈中好友來擔任「恐怖在線」現場版嘉賓，繼有方力申、Jeffrey（魏浚笙）、Kathy仔（王頌茵）、岑樂怡、練美娟、吳保錡、謝雪心等，而每場均有不少圈中好友到來捧場。至於阿Dee和Candy的粉絲，亦包場觀賞，現場氣氛十分熱鬧。

嘉賓Jeffery

嘉賓方力申

嘉賓吳保錡

嘉賓練美娟

嘉賓謝雪心

Fans場

《全民造星VI》周日晚舉行總決賽，並與TVB《萬千星輝頒獎典禮2025》同日於澳門上演，兩台正面交鋒，火藥味十足。ViuTV方面嚴陣以待，邀來星級評判團坐鎮，包括古天樂、梁詠琪、導演劉偉強，以及韓國女團少女時代成員孝淵，陣容相當鼎盛。

決賽當晚，由ERROR成員阿Dee（何啟華）及保錡（吳保錡）負責訪問評判。期間，保錡以略帶生硬的英文向孝淵發問：「What do you think they…eh… sing OK or dance OK？」其後更笑問孝淵覺得他與阿Dee誰較靚仔。現場觀眾反應不俗，但片段流出後，網上隨即掀起爭議，有網民認為保錡表現尷尬又失禮，加上現場設有韓語翻譯，質疑他根本毋須「硬撐」英文。

ERROR成員阿Dee（何啟華）及保錡（吳保錡）當晚負責訪問評判

保錡以略帶生硬的英文向孝淵發問：「What do you think they…eh… sing OK or dance OK？」

不過，阿Dee於節目完結後受訪時透露，原本ERROR只有負責與參賽者演出的Fatboy（梁業）會出席決賽，而193（郭嘉駿）則因私人理由及工作安排缺席，「唔知點解最後就變咗我同保錡出現」。因此，有不少ERROR粉絲認為，阿Dee與保錡屬臨時拉伕頂上，訪問表現略顯生疏亦屬情有可原。

有不少ERROR粉絲認為，阿Dee與保錡屬臨時拉伕頂上，訪問表現略顯生疏亦屬情有可原

事件發酵後，ERROR經理人濟哥亦在社交平台發文回應，指保錡是臨時幫手頂檔：「得兩日時間，仲要佢5/1本身有工作，一講即刻肯嚟幫手。仲早一日到production排同夾稿。」他又解釋，原定訪問環節只包括古天樂及梁詠琪，因直播需要拖長時間，才臨時加插訪問孝淵，而ERROR成員並不知現場設有翻譯。對於保錡英文被批評，濟哥更語帶不滿反擊：「英文講得唔好就叫唔尊重？咁以後大家都唔好講港普啦。」

ERROR經理人濟哥亦在社交平台發文回應，指保錡是臨時幫手頂檔

然而，風波未有平息，部分保錡粉絲為偶像抱不平，將矛頭指向193，指其臨時缺席令保錡要「臨危受命」，更有激進言論要求保錡退團。對此，193亦親自留言回應，澄清並不同意部分說法：「請大家唔好盡信我經理人講嘅嘢，亦唔係兩日通知，最少有六日；同埋其實係可以唔需要人頂替嘅。」其後濟哥再發文補充，強調自己並非指193兩日前通知，而是兩日前才找保錡頂上。