ViuTV一哥一姐操肌學唱歌爭取演戲機會 34歲陳俞希想同強尼演師生戀

Hailey笑言：「我可以扮學生㗎！」

強尼和陳俞希（Hailey）貴為ViuTV一哥一姐，虎年因疫情致發展未如意，不過兩人好知足。展望兔年，近期狂操肌的強尼和努力學唱歌的Hailey ，會努力爭取更多演戲機會，兩人更希望繼《暖男爸爸》後再合作演戲，Hailey更提議和強尼大玩師生戀。

強尼和Hailey私底下相當老友，影相訪問期間完全唔避忌互窒。

強尼和Hailey都希望兔年有更多搵錢機會，追回虎年不足。

Hailey同強尼覺得去年眨吓眼就過，前者去完歐洲拍攝《食得怪先好嗌》後，下半年似白過，「好似啲新人開始做啲新節目，得返我哋兩個老嘢喺度咁，哈哈！」講到老字，強尼即否認，「你唔好咁講，你係咋我唔係㗎！我好有年青活力㗎！哈哈！」

相對搵對象，Hailey認為搵錢更加實際。

強尼就希望大家都身體健康，所以有時間就會做健身。

兩人有時間就發展個人興趣及生意，如Hailey就搞網上食品生意「八婆會館」賣盆菜及大閘蟹等，仲學唱歌及考獲唎酒師資格，「我成日塞到自己個期好滿，咁樣充實啲，上堂時好期待攞成績表，好似考唎酒師時，寄咗成績表嚟，自己唔敢睇叫人幫我睇，好驚，感覺好似返番學生時期，好有趣。」

Hailey早前開設網上食品生意「八婆會館」，賣盆菜及大閘蟹等。

除了學唱歌，Hailey去年還趁空檔考獲唎酒師資格。

強尼竟要提醒才記得去年曾推出首本著作《強尼：從我遇見的人-拆解真實自己》，以及與吳海昕及梁釗峰合演的音樂劇《二人餐》，他笑言：「因為呢啲同錢冇乜直接關係，哈哈！個滿足喺心裏面會唔記得咗。」強尼對兩個作品都相當滿意，演音樂劇的過程更令他如參加《全民造星》般熱血，「如果我仲後生，唔使諗會參加《全民造星》，唔係想贏啲乜嘢，係個過程好珍貴，同一班人一齊經歷一啲事大半年，用兩個禮拜去砌一個表演，贏輸都好，但我唔能夠再參加嗰啲比賽，不過呢幾個月同班人去排戲，再做10幾場，每場抱住好期待心情面對唔同觀眾，喺我呢個年紀都做緊類似嘅嘢都幾好。」

強尼去年推出首本著作《強尼：從我遇見的人―拆解真實自己》。

去年強尼與吳海昕及梁釗峰合演音樂劇《二人餐》，首次挑戰又唱又演。

講到兔年願望，正在努力學唱歌的Hailey就解釋只為裝備自己，未有想過當歌手，但公開表演都有信心應付，「有得畀我練都可以嘅，唔好突然聽日叫我唱。」不過相對唱歌，她更渴望演戲，「我希望啲人諗起我嘅時候，會諗起演員呢兩個字！casting對我嚟講都係學習，如果啲人打畀你叫你去casting，唔理角色大定細，喺佢心目中你都做得吓戲，或者你適合呢個角色，所以我嘅願望係人哋當我係演員。」

Hailey去年演出《百萬同居計劃》的「Fiona」，表現獲讚。

去年強尼在《反起跑線聯盟》演繹梁詠琪老公，反應不俗。

之後Hailey主持上身，追問強尼最近頻頻健身操肌原因，仲搞笑話：「你操咁大隻，希望出書呀？我都想欣賞！」強尼反擊做過𡃁模的Hailey，「如果我出寫真集要叫你師姐啦！參考吓你啲甫士。」仲狂鼓勵對方再出寫真集，「當年佢啱啱出道，我𠵱家真係叫佢再出，一定好過嗰時，呢個訪問出咗街，下面啲留言一定會話出出出，𠵱家佢多咗陣韻味。」

去年強尼和Hailey拍檔主持《戀愛staycation》，合作愉快。

強尼解釋操fit除了為身體健康，也為未來工作做準備，所以除了健身，亦有學唱歌和演戲，「我未必會定個好明確嘅目標畀自己，上完呢個班會得到啲乜嘢，有時間咪畀自己鍛鍊。」問他若有角色要求騷肌肯唔肯呢？他大方話：「求都想求做一啲咁嘅角色，難得畀佢推動，但唔係咁易有啦！」講到新一年工作目標，他透露下半年有機會再演舞台劇，仲想多拍劇，「我希望有啲意外嘅嘢，好似舊年我哋突然拍《戀愛staycation》，拍得幾開心。」

去年強尼和Hailey拍檔主持《戀愛staycation》，合作愉快。

新一年強尼好希望跟Hailey再合作拍劇，「《暖男爸爸》嗰時我哋唔係拍咗好多劇，過幾年可以喺戲劇上試吓唔同角色關係，我哋兩個都恨拍劇，有任何角色有得玩都會好開心。」Hailey即問他：「你想演咩關係？」聽到強尼話冇所謂，34歲的Hailey就提議，「師生囉！我最近睇緊師生劇，你做老師，我可以扮學生㗎！」49歲的強尼笑言：「sorry！忍唔住笑咗！」Hailey沒好氣話：「我提議吓畀公司啫！哈哈！」

2020年，強尼和Hailey在《暖男爸爸》合演情侶，更有牀戲。

歌手陳柏宇、藝人強尼以及香港羽毛球運動員謝影雪、鄧俊文一同出席大型籌款活動「樂施米義賣大行動2024」。

極端天氣帶來的影響愈來愈貼身，去年夏季接連發生的暴雨反映香港亦響起了警號，藝人強尼與歌手陳柏宇（Jason）周六（4月20日）出席大型籌款活動「樂施米義賣大行動2024」，香港羽毛球運動員謝影雪、香港羽毛球運動員鄧俊文一同在灣仔利東街一起義賣「樂施米」，呼籲市民關注極端天氣帶來的影響，尤其是受災的貧困小農，透過捐款，長遠幫助他們脫貧自立。

歌手陳柏宇（右）、藝人強尼（左）分享氣候變化對下一代的影響，並呼籲大家支持「樂施米義賣大行動2024」。

藝人強尼（左一）、歌手陳柏宇（左二）、香港羽毛球運動員鄧俊文（右一）及謝影雪（右二）一同身體力行賣樂施米，支持貧困小農。

一同為「樂施米義賣大行動2024」揭幕，並呼籲大家支持樂施米，齊撐貧困小農。

陳柏宇與強尼生活上都不多不少受過極端天氣影響，所以特別保護環境。

對於極端天氣，強尼表示，去年8、9月接連暴雨和打風，令他最感同身受，其家居住在新界村屋頂樓，鄰居屋頂的太陽能板被大風吹走，險些吹爛其家的玻璃窗，他隨即疏散其老婆和兒子，到家中較安全的地方，雖然自己害怕，但仍要在窗邊目擊屋外情況，形容過情險象環生，相信一輩子也不會忘記，而兒子亦上了一課，相信會對極端天氣有更深刻的體會，而其就讀中學的兒子，通識課也有教授相關知識，對此有深入了解。

強尼（右）分享去年8、9月接連暴雨和打風時，屋企位於新界村屋頂樓的太陽能板及玻璃窗被吹爛。

強尼續指，去年8、9月拍劇時，亦親身經歷極端天氣帶來的炎夏，穿着厚衣拍攝《弊傢伙！我要去祓魔》，劇中各人亦十分辛苦，而去年的黑雨亦險些影響《反起跑線大聯盟2》的拍攝進度，若黑雨殺到，其劇中女兒便無法完成拍攝、無法趕回英國開學，直言過程驚險。

強尼的三齣電視劇即將推出，最快推出的是《反起跑線大聯盟2》，與朱茵合作，他形容全個劇組都很開心。

Jason則指，早前開線上音樂會時，採排和音樂會當日遇上十號風球，但幸好無現場觀眾，可以如期on show，但仍感受到極端天氣的影響。他又指，希望慢慢向女兒灌輸人類行為會影響大自然的道理，又透露本身想帶女兒到現場一起義賣「樂施米」，惟女兒要上興趣班，昨日無法出席，但強調有意義的活動應多加關注，若得到老婆這個把關者同意，便會考慮帶女兒參加更多類似活動。

Jason希望慢慢向女兒灌輸人類行為會影響大自然的道理。

Jason即將推出新專輯，新歌名叫《唞》，直言想帶出唞下的訊息。