本港社交平台18日熱傳一段阿叔大鬧城巴的影片,有大叔坐正少女隔離,少女欲下車竟堅拒不「放行」,引來司機干預,但大叔竟發狂鬧喊少女,網民點出大叔罵語中有一句話已顯露其色心。
事件發生在天水圍,時間估計在17日晚上,涉事巴士為城巴967X,來往天水圍(天恩邨)及銅鑼灣。有乘客拍攝到事發情況,片長約45秒。
網民紛紛批評巴士阿叔的行為:「條片睇到好多空位,點解咁多位,係要咁坐埋去,乜嘢居心?」「後面已經係吉位,點解佢唔起身?」「應該叫個女仔照出嚟,睇吓阿叔係咪非禮?」有網民建議司機可以報警,因為有關大叔疑正在騷擾其他乘客。