人妻想搵藉口搬開唔同老爺奶奶住 網民紛紛獻計

相見好同住難，做人新抱也甚艱難。有人妻不滿同住的老爺奶奶衛生習慣想搬開住，卻又得顧及兩老感受和家庭和諧，於是在facebook討論區發帖問「有咩藉口唔同老爺奶奶住，而佢哋唔會嬲」。網友的回應大概分兩類，一是諗計仔搬開，一是無奈接受共存。

樓主指「兩老衛生意識好低」。

樓主講述自身苦況時指「我哋一家四口同埋老爺奶奶住，其實佢兩位老人家人品唔太差，起碼都錫孫，又唔會成日講啲刻薄說話。但有一樣嘢就快到我臨界點！佢哋啲衛生意識好低，以前一向唔理，但自從一齊住就有好多嘢要睇唔過眼！

樓主指「自從與兩老一齊住就有好多嘢要睇唔過眼！」。

好似佢哋老人家對眼唔係幾好，食飯食到周地係！明明對拖鞋喺屋企著，就成日著埋出走廊掉垃圾，行出𨋢口之類，然後又踩返入屋！我要返工，日日收工返到嚟就覺得個地好污糟，已經好攰仲要抹地！

樓主呻要返工，而「日日收工返好攰仲要抹地！」。

之前疫情屋企大把口罩，又點都唔肯日日換，返到嚟就咁求其掛住，我日日就喺屋企清潔抹地，而家口罩令已無埋，佢哋唔知死出街口罩都唔戴，惹到通屋都係菌搞到我個仔，我真係會崩潰！」。

樓主想「唔同老爺奶奶住」。

樓主接著補充，「又唔係趕咁難聽嘅」、「我梗係知道，不過冇咗我哋，又驚佢兩個會好論盡，始終已經70幾，仲有每次同老公呻都唔會有咩答案，只係話既然住埋一齊張就下！我原生家庭嘅衛生好好，再係咁忍落去我真係擔心有日會爆佢哋一鑊」、「忍咗好耐，唔呻真係會痴線」。

有網民於是獻計，如何能和平地搬開：

•買間屋畀佢地住；

•最多你有錢咪搬出去住；

•咁自己要有能力搬先得㗎喎；

•無兩全其美，說想過二人世界；

•話你哋想小朋友有多啲空間搬出去；

•買層樓俾佢哋住，外加工人、看護；

•想有自己空間，佢地基本上會明白的；

•你話肺癆仲未搞掂依家醫生又話你好似麻瘋𠻹喎。

樓主發帖問「有咩藉口唔同老爺奶奶住，而佢哋唔會嬲」。網上截圖

不過，始終搬屋不同食生菜，有網友坦言「其實都幾難開口」、「樓主你呻完就算——＜完＞」、「有能力就緊係分開住；不然都要調節下自己心態，共存......」。

樓主稱「真係忍咗好耐，唔呻真係會痴線」。網上截圖

有人問「點樣唔同（一齊住）法......？自己一家四口搬走......話唔阻住佢地隨意嘅生活，相信佢地會理解的......叫佢兩個老人家搬走......想佢地唔嬲，好難囉......」。

網民獻計指「說想過二人世界」。網上截圖

另有人提醒「永遠同老爺奶奶住就係有問題㗎喇～唔係婆媳關係就係濕濕碎碎嘅嘢～有能力咪搬走～但你要諗個理由，千祈唔好講真話，始終老人家都要有返份尊嚴係度」。

點樣唔同(一齊住)法..........?

網民獻計指「想有自己空間，佢哋基本上會明白的」。網上截圖

還有人批評樓主的衛生論，指「其實如果你要返工，兩老唔使返工的話，你自己才是最大細菌源頭，反而兩老唔係」。

帖文來源：香港討論區

一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。

示意圖。愛回家劇照

樓主：羡慕父母對子女0經濟回報期望

女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。

示意圖。愛回家劇照

妹妹提出與姐姐分擔家用即觸怒父母

父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。

示意圖。愛回家劇照

父母有兼職「每人都有月入起碼14k」

她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。

示意圖。愛回家劇照

網友怒批父母行為如「當子女ATM」

帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」

「養兒防老」觀念已過時

亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。