由文偉鴻（Jazz）監製、林麗媚、梁恩東編審的《隱形戰隊》，逢周一至五晚八點半翡翠台播映。3月23日播出第十四集，圍繞最新個案「拐賣少女事件」，新出場人物有POTT隊員辛曉明（吳家樂飾）女兒芷瑤（關嘉敏飾）。外表不覊但心地善良的瑤瑤，深信父親當年為了工作妄顧家庭一直耿耿於懷，之後再因誤會曉明忘記母親死忌與其大吵一鑊兼憤然離家。瑤瑤外闖期間成為壞人Michael（袁鎮業飾）目標，察覺有異的瑤瑤逃命期間收到曉明來電並哭著求救，可惜最終還是遭Michael迷暈…之前在《美麗戰場》中憑藉第三者角色惹起關注的關嘉敏，這次在《隱形戰隊》中單是造型已令人留下印象。另邢風帶著珊珊（伍樂怡飾）在街頭拔足狂奔一幕亦相當搶焦，無論是Tiffany的驕人身段、健康膚色或是甜美笑容，似足拍緊力sell青春陽光活力的廣告片。
關嘉敏新劇造型搶眼。
關嘉敏飾演的瑤瑤身陷險境。
邢風（伍樂怡飾）踩上呃人模特兒公司為珊珊（伍樂怡飾）討回公道，其間邢風七情上面勁可愛。
呢幕街頭狂奔感覺清新甜美，畫面亦相當震撼。
呢part為女女慶生嘅情節絕對係笑中有淚，有感動又不乏笑位。
呢個畫面幾正吖！
24日晚一集將再掀高潮，為破獲拐賣少女集團，Shadow（劉佩玥Moon飾）及邢風（劉穎鏇Tiffany飾）將假裝被迷暈混進被拐少女群。在無綫官網發布的兩條搶先睇預告片，作黑白打扮的Shadow及邢風化身「黑白雙嬌」，趁恐怖份子離開後馬上行動，先是站起身以型到極的動作將綁住雙手的膠索帶「瓦解」，再竭力調查線索。此時其他被拐少女陸續醒來，混亂間發出巨響引來恐怖份子準備闖入…另一條預告片則會見到Tiffany及Moon大晒揸槍英姿，帶領著一整班女孩逃離現場的Shadow與邢風，面對為數約12人的恐怖份子追殺，不但照樣能英姿颯颯地還拖開槍掃射，更和裏應外合的Ocean（馬國明飾）及Cool Sir（陳山聰飾）與悍匪們展開貨櫃穿梭追逐戰，震憾性畫面加上邢風媽咪Madam Fong（江美儀飾）的著緊表情，令人更期待劇情後續發展。
點擊看圖輯
關嘉敏新劇造型搶眼。
關嘉敏飾演的瑤瑤身陷險境。
邢風（伍樂怡飾）踩上呃人模特兒公司為珊珊（伍樂怡飾）討回公道，其間邢風七情上面勁可愛。
呢幕街頭狂奔感覺清新甜美，畫面亦相當震撼。
呢part為女女慶生嘅情節絕對係笑中有淚，有感動又不乏笑位。
呢個畫面幾正吖！
Shadow、邢風、Ocean同Cool Sir裏應外合。
呢一下「爆」膠索帶堅型。
瑤瑤成為其中一名被拐賣女子。
混亂間眾人不小心發出巨響驚動了駐守在外的恐怖份子，情況緊張。
兩位男主角亦唔輸蝕。
再一次有大型場面，仲要槍戰連場，萬勿錯過。
齋睇江美儀嘅表情，就知個氣氛有幾緊張。
兩位女主角揸槍嘅姿勢都勁型。
Shadow、邢風、Ocean同Cool Sir裏應外合。
呢一下「爆」膠索帶堅型。
瑤瑤成為其中一名被拐賣女子。
混亂間眾人不小心發出巨響驚動了駐守在外的恐怖份子，情況緊張。
兩位男主角亦唔輸蝕。
再一次有大型場面，仲要槍戰連場，萬勿錯過。
齋睇江美儀嘅表情，就知個氣氛有幾緊張。
劉佩玥：做到盡量去做，無論幾多Take都好
對此，甚少接觸打戲的Moon笑言：「我拍親Jazz劇，好多人都話：『點解你又唔使打』、『點解又係人哋救你？』，但喺《隱形》入面，我係好打得嘅，同埋係神槍手，但因為我兩樣嘢經驗都好少，用槍方面甚至係零，所以每次拍打戲我都好緊張。我哋演員同武師溝通同練習，好多時就係拍攝嘅時候，時間唔係好多，但係要做到一定要求，所以壓力都高，都係做到盡量去做，無論幾多Take都好。好多謝我哋嘅武指同埋我嘅替身們，佢哋真係勞苦功高，亦都好畀到支持我。」Moon續指自己與其他主演們一樣，每逢開真槍都忍不住會眨眼，並曾因而發自己脾氣：「我好耐未試過做唔到某啲嘢而發自己忟憎，但冷靜同反覆練習過後就終於做到，好開心今次突破到自己好多唔同嘅嘢，亦都好感恩拍檔同監製都好有耐性，畀我反覆咁練習。」
兩位女主角揸槍嘅姿勢都勁型。
