野蠻婆婆將軍澳喪罵兩分鐘 網民嘆︰生活壓力好大

2023年03月24日13:31 最後更新: 14:51

網絡熱傳一段野蠻婆婆大鬧將軍澳的影片，婆婆懷疑排隊時發生爭執，激動喪罵路人長達2分鐘，期間大放霸氣厥辭：「我最憎呢到啲人，一啲文化都無！」更囂張撻朵：「唔好立亂得罪人，你知我咩嘢人嚟呀？」令人側目。

（紫衫婆婆疑似因為排隊爭執，與另一名婆婆發生衝突，不斷指罵她）

人哋死你好開心呀，你哋食屎啦！

事發在3月22日上午7時左右，地點在將軍澳寶琳。影片開頭看到一名紫衫婆婆指手劃腳大聲狂罵，疑似因為排隊爭執，與另一名婆婆發生衝突，邊走邊不斷指罵。紫衫婆婆高聲說︰「你好開心呀？信唔信我報警拉你呀啦。」無辜被罵路人回應︰「好呀，好呀，報警拉你呀啦。」紫衫婆婆︰「咁陰毒嘅你！」被罵路人回應︰「係呀，係呀，好陰毒。」

唔好立亂得罪人，你唔知我咩嘢人嚟呀？

我做善事多過你食飯啦。

鏡頭一轉，紫衫婆婆突然矚路人「唔好立亂得罪人，你唔知我咩嘢人嚟呀？我做善事多過你食飯啦。」又疑似自問自答，「我最憎呢到啲人架啦，一啲文化都無！」、「我趕時間，唔會無端端鬧你架吓！」、「係到哎呀哎呀喎，X你X母（粗口），咁X樣你呀。」

我最憎呢到啲人㗎啦，一啲文化都無！

 

我趕時間，唔會無端端鬧你㗎吓！

- 閱讀更多 -

係到哎呀哎呀喎，X你X母（粗口），咁X樣你呀。

影片未有交代事件結局。網民紛紛批評罵人婆婆橫蠻無禮，「失禮嘅係自己！」「依家咁樣鬧邊個先無文化？」「生活壓力好大。」

往下看更多文章