清明節臨近阿媽禁趕入屋飛蛾 港女：佢話係先人返嚟探我哋

春回大地萬物甦醒，昆蟲活躍之時又恰巧碰上清明節，有港女近日在facebook討論區發帖指「一到清明，阿媽見到昆蟲就話係先人返嚟搵我哋......」，驅趕不得，她與胞姐便被飛蛾嚇破膽，希望母親能夠「理智少少」。結果，有網民提供了一個兩全其美又「安全」的活捉方法......

春回大地萬物甦醒，昆蟲活躍。

樓主原文指，「阿媽本身都幾迷信，早幾日有隻都幾大隻嘅飛蛾飛咗入屋，之後係個廳上面盞燈飛咗好耐都唔肯走，因為我同家姐都幾驚呢啲識得飛嘅昆蟲，於是我就諗住去廁所拎起枝殺蟲水一嘢噴死佢。點知阿媽就叫我千祈唔好咁做，仲話呢d昆蟲一到大時大節飛入屋，肯定係你個爺爺返嚟搵我哋，仲叫千祈唔好噴死佢，如果唔係到時清明去拜山對d祖先真係大不敬咁話......」

有網民提供了一個兩全其美又「安全」的活捉方法......資料圖片

樓主續稱「呢個時候家姐已經驚到癲咗仲要衝埋入房，阿媽叫我哋由得佢係度飛咪算囉，仲話佢真係唔肯走嘅就拎個拍趕佢走算啦。聽到呢句我真係搲晒頭，如果日日都有昆蟲飛入屋，係咪全部都係我哋d阿爺同阿公返嚟探我哋？最後我哋睇住隻嘢係個廳度飛咗成晚佢終於都肯飛走，但係真心覺得阿媽好迷信，真心想問可唔可以理智少少？」

飛蛾曾驚現車廂。資料圖片

有回應的網民附和樓主母親大人看法，指「寧可信其有」、「每年拜山嘅時候，老人家都係咁講」；有人還講及自身經歷，「我屋企從來冇飛蛾入屋，我家姐結婚果晚係唯一一次。阿媽話係阿婆。信不信自己決定」。

樓主原文。網上截圖

網民獻計，「用膠袋捉到，放生」。網上截圖

另有網友則指「當然要順從媽媽的意思，不過佢有佢信，你有你不信。而我當然係唔信喇」、「以佢嘅邏輯，仙人成遊魂野鬼，冇得輪迴」。有人則反問「屋企成日都有蚊有曱甴，係咪唔好理佢？」、「如果有隻大曱甴入屋咁點？」。

有網民指「每年拜山嘅時候，老人家都係咁講」。網上截圖

最終有精明網民提供了個兩全其美又「安全」的活捉方法——「其實，任何冇謂殺生，可免則免。多，冇計。少，用膠袋捉到，放生」。

帖文來源：香港討論區

清明節前禁對付入屋飛蛾？ 港女：阿媽話係阿爺返嚟探我哋

麥當勞近年推出送餐服務，讓顧客在自助點餐時可選擇由店員送餐。近日有網民在社交平台討論「年輕人應否使用此服務」，引發熱議。

麥當勞近年推出送餐服務。網上圖片

要人送餐好廢？

事緣近日網上流傳一張年輕人使用麥當勞送餐服務的照片，而照片中的男生穿着校服，疑為學生；由於該帖文指，「咁大個人都要人送餐，真係好廢……」，引起網民討論年輕人能否使用送餐服務。

網民討論年輕人能否使用送餐服務。FB圖片

防取餐時被霸位

多數意見認為，服務既已推出，應供所有顧客使用，尤其便利「一人顧客」，避免離開座位取餐時位置被佔。有網民指出，過往曾放置物品佔位卻遭盜竊。

多數意見認為，服務既已推出，應供所有顧客使用。麥當勞照片

網民：服務可創造就業

亦有網民認為服務可增加就業機會，隨着自助點餐機普及，若取消送餐服務，或進一步減少人手需求。不少網民強調，服務不應設年齡限制，「有需要就可以用」。

不少網民強調，服務不應設年齡限制。香港麥當勞圖片

平衡便利與人手分配

雖然有意見指送餐服務原為便利傷殘人士，現或被濫用，且加重店員工作量。但多數網民認為，餐廳既提供此選項，顧客便可按自身需要選擇使用，毋須過度標籤使用者。