腦力Big Boss陳展鵬眼神語調交足戲 《隱形戰隊》劉佩玥劉穎鏇成新一代打女

陳展鵬飾演嘅匡勝天，被譽為「隱形戰隊」最強敵人，即係Big Boss啦。

連把聲都好有戲

一開始即佔盡上風的匡勝天，之後「松明」上身施展驚人讀心術，一邊托著下巴、一邊以冷靜陰沉眼神說話，其間不時露出極自信微笑，匡勝天說：「頭先三位入嚟嘅時候，我聽到三種唔同嘅腳步聲。」之後匡勝天厲眼掃向女女，並繼續說：「呢位阿Sir，冇咗隻腳都可以做警察嘅咩？不如等我估吓你左腳有事定右腳有事。」語畢匡勝天指著女女，繼續氣定神閒並以挑機Tone緩緩說出：「左腳！」被說中痛處的女女即時表現驚恐…最後匡勝天拋出一句：「凡事都有代價嘅，想要得到我嘅幫助，就要照我說話做事」，語畢更慢慢流露出陰險奸笑，讓人不寒而慄。

到底隱形戰隊呢三名要員，係咪一開始同匡勝天VS就慘敗呢？

短短45秒的預熱宣傳片，由於鏡頭角度及拍出來的光線等均甚有電影感，加上展鵬手到拿來的層次感奸險演出，令整條宣傳片有張力之餘亦充斥戲味，令人更期待展鵬出場時與隱形戰隊的火花。問到演奸角怕否嚇親女兒小豬比，展鵬笑謂：「之前我拍動作戲，小豬比見到會問：『爸爸，點解你會咁打嘅？』，咁都會同佢講係假嘅，就好似故仔書入面啲角色咁，爸爸嘅工作就係去演繹唔同嘅角色，咁佢會了解到爸爸嘅角色唔係真實嘅我。你問我作為專業演員，絕對需要敬業樂業，點樣保持水準先係我最關注嘅事。」

匡勝天幾吓嘅表情轉換，已經睇到人心都寒埋。

而3月24日晚播出一集，「黑白雙劉」Shadow（劉佩玥Moon飾）及邢風（劉穎鏇Tiffany飾）直搗虎穴救出被拐少女、兼與壞人激烈槍戰一幕，播出後好評如潮，網民留言：「槍戰好有電影感，音效、配樂出色」、「最後嗰四分鐘我Loop咗三、四次」、「超水準電視劇」、「Tiffany型到核爆」、「Tiffany打女形象近年少見，集靚女、健康、陽光於一身」、「Tiffany可塑性高」、「劉佩玥揸槍型」。談到相關場口，Tiffany透露其實相當難怕，她與劉佩玥更因而喪吃NG：「我自己好鍾意呢場戲，之前打戲好少Part女仔，我覺得個感覺好得意，好有女強人感覺。呢場戲有兩大挑戰，除咗開槍唔好眨眼，有一Part我同Moon喺貨櫃度每人一邊喺度開槍，有個Moment我因為冇晒子彈，我要喺佢背脊度攞彈匧去Reload番我支搶。其實嗰個動作係要連貫住咁做，因為佢係一個Wide Shot，嗰個Take拍咗好多好多次，仲要顧埋唔眨眼同面部表情，所以真係好難。我知道好多人都話好期待星期一嘅後續發展，雖然我自己有份拍，但我都一樣期待。」