黃埔食麵與小肥鼠情深對望網友︰呢間餐廳「好食好住」

社會事

黃埔食麵與小肥鼠情深對望網友︰呢間餐廳「好食好住」

2023年03月27日 17:49 最後更新：18:26

當你正在餐廳享受眼前的美食時，突然出現不請自來的客人，你會有什麼反應呢？最近，有網民在Facebook群組上傳相片，在黃埔花園一間餐廳驚現活蹦亂跳的老鼠，在餐廳裝飾架上自由攀爬。相片引起熱烈反響，網民直呼好嘔心、恐怖。同時在圖片中見到老鼠身形肥壯，估計在店內「好食好住」。同時有街坊反應，涉事店鋪並非第一次出現老鼠，質疑間餐廳衛生有問題。

該網友曾在黃埔花園一間麵店吃晚餐時，店內忽然出現老鼠，並將該畫面拍下po上Facebook群組發文。圖片可見，一隻生猛又肥壯的老鼠於店內窗戶旁的裝飾架上爬來爬去，動作看起來好敏捷。甚至站在飾架上眺望食客。令人不自覺形容——食晚餐送配菜？

好多網民看完圖片後評論，老鼠身形過份肥壯。「嘩，咁鬼肥」、「跌咗落啲食客度，間嘢就死囉」、「送畀你免費老鼠表演爬杆，特別嘉賓節目」、「接受到貓店長，但唔接受鼠店長」等等。

該網民po完圖片後，網友的評論正反不一，有網友表示，涉事店舖已非第一次被拍到有老鼠出沒，質疑間舖衛生存在問題，「唔係第一次有老鼠㗎喇」、「呢間唔係第一次俾人影到」。不過亦有街坊表示，鼠患問題於區內肆虐多時，未必與餐廳有關，「黃埔其實好多老鼠，特別係樓下有垃圾站嘅場」、「成個黃埔出晒名係鼠竇啦」、「其實好多時有老鼠都未必關鋪頭事，老鼠係周圍走，特別係有假天花，後門近垃圾筒，落咗老鼠藥都會令佢周圍走出嚟。」

往下看更多文章

港女會計師「連續工作68小時」過勞暈倒更思覺失調親弟勸考生：不要入行！

2024年04月20日 12:30

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。