清明將至，不少人都計劃回鄉掃墓。近日就有一名打工仔於社交平台訴苦，指自己本想趁清明申請12日大假返大陸拜山，豈料老闆一個要求令他非常無奈，直指「香港啲老闆真係越來越神經病，搞到我都癲。」網民都認為樓主老闆的要求不合常理「O曬咀 ，咁既要求都有？」不過亦有網民質疑，為何拜山需要12日之久？
香港與內地重新通關後的第一個清明節，相信不少人也計劃回鄉祭祖。
該打工仔於Facebook群組奴工處以「請假去拜山，老世叫我影墳墓相證明」為題發文，表示過去三年因疫情關係，未能回鄉祭祖，2023年終於通關，於是他向老闆申請12日年假，希望清明節假期與家人回佛山掃墓。豈料老闆竟要求他影墳墓相作證明「點知佢話叫我去之前send返我個祖先個墓碑張相畀佢證明咗先，先再考慮下批唔批我。」
有網民於社交平台以「請假去拜山，老世叫我影墳墓相證明」為題發文。
老闆亦質疑樓主拜山為何要拿12日假，懷疑他欲借祭祖之名請假去旅行「重話今年4月好多人都想扮請假拜山，其實就係偷偷去旅行，仲話拜山洗唔洗拜12日咁耐。」有網民突破盲腸「重點唔係去之前，影張相去證明佢個墓係佛山咩？都未去，點影？無影，佢又唔批你去。」
雖然有人好奇為何樓主拜山需要12日之久，但更多人指老闆要求過份。
不少網民好奇樓主為何拜山要這麼多天「拜山拜12日，可否分享下行程」、「去佛山拜山12日真係有D離奇既」、「真心好奇拜咩山要12日」、「請12日去拜山又真係有點兒那個嘅」、「拜12日你又真係誇張左既。」
不過更多網民撐樓主，認為老闆不可理喻「咁陪老婆生仔要唔要拍低生仔過程比佢睇」、「下次請假割痣瘡都影比佢睇」、「就算唔係拜山，公司有假，請假都係天經地義咖喎」、「就算真係去旅行都唔關老世事囉，請左年假就係做乜都得，理得你拜山定遊埠」、「講到唔駛扣AL咁」、「如果AL放假做咩都唔關你老細事。」
打工仔想趁清明節申請12日假回佛山掃墓，卻被老闆質疑借拜山之名請假去旅行，更要他影墳墓相作證明。設計圖片
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
