網傳超人戰隊現身屯門 網民︰點解唔揸電單車

超人戰隊日前現身屯門，人強馬壯在置樂街頭巡邏，引起街坊注目。兩位小女孩粉絲更大著膽子要求合照。網民神通廣大，知道戰隊當日原來有任務在身……

7人戰隊在街頭浩蕩走過。網上截圖

街坊以「有幪面超人嚟置樂」為題上載一段長24秒的短片，見到7人戰隊在街頭浩蕩走過，行到近商鋪位置時被兩名女童欄途截著：

女童問：「可唔可以影張相呀？」
超人答：「可以，影啦，影一張先啦」
女童家長：「企中間，快啲，快啲」、
女童家長：「1、2、3」——女童開心舉起V字手勢，留住這經典一刻。

戰隊行到近商鋪位置被兩名女童欄途截著。網上截圖

女童開心舉起V字手勢，留住經典一刻。網上截圖

見到一行7人的戰隊在街頭浩蕩走過，網民不禁哼出主題曲「蛇麻LU，濕架……」各人驚奇之餘異口同聲大讚「好強大」、「好正啊」、「好有型呀」、「型到爆」、「堅正」、「氣場好強」；對於這套貼身超人服，網民直言「薪柴差啲都著唔起。」

有網友還指，「很高興的......能為兒童，孩子帶來了歡笑......」、「感謝，感謝每位的辛勞，為孩子帶來歡樂」、「好想遇到呀」、「我都想一齊影」、「可唔可以有預告，好想捕佢哋影相。」

另有人好奇戰隊高調出巡「係咪去打怪獸～」、「收到情報置樂有怪獸出現，所以加強巡邏」、「置樂花園有撒旦幫現出。」

有網民指「同阿仔食緊嘢，咁啱見到偷影了，我仔見到嘩咗出聲......好型......」。網上截圖

有網民接著提供正確答案——「原來佢地去同小朋友搞生日會」，根著相中的Facebook連結，在FB「Rider Tamashii」內見到超人發帖，並留言：「單純一個團友小朋友生日會，只係去一去就走，本來諗住直接門口坐車，無奈冇車，就膽粗粗行出置樂的士站，因為我地人多，都怕影響側邊商戶，但屯門就係一個熱情嘅地方，街坊男女老少都係好有人情味～令到我一班住係其他地方嘅朋友，都愛上屯門。」

超人發帖留言。網上截圖

另有網民在帖下貼相回應，指「同阿仔食緊嘢，咁啱見到偷影了，我仔見到嘩咗出聲......好型......」；另有網民請問可以點樣邀請倒你哋？」、「我小朋友一定會好難忘好開心」，獲超人回覆指「如果有相關活動嘅邀請可以inbox我哋我哋會考慮下情況再同你哋聯繫或協調。」

超人回覆唔揸電單車「因為環保～」。網上截圖

還有網民指，「我話我童年嘅幻想，幪面超人係揸電單車，唔係行路」、「點解要搭車，唔係自己揸電單車？」，超人回覆解釋「因為環保～」

超人戰隊日前現身屯門。網上截圖

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」