港男紅隧口自炒遇「大好人」伸援手 「靚仔仁醫」身份大曝光網友：真係「嫁得過」

香港勝在有好心人！一名港男日前駕駛綿羊仔駛經紅隧口時失控自炒，其間一名「熱心靚仔哥哥」上前幫手，既疏導後方車流及報警，又為事主撐傘等候救護車到場才離開。港男事後在社交平台發帖交代經過，又指對方「嫁得過」，及後他更透露「大好人」原來是港安醫院腦神經外科專科醫生黃秉康。

一名港男日前駕駛綿羊仔駛經紅隧口時失控自炒，其間一名「熱心靚仔哥哥」上前幫手。

上周五（26日）傍晚時分，一輛綿羊仔因天雨路滑失控自炒。網上圖片

事發於上周五（26日）傍晚時分，一輛綿羊仔駛經紅隧口附近時，疑因天雨路滑失控自炒，鐵騎士手腳擦傷，事後由救護車送院治理。該名鐵騎士事後在facebook群組「馬路的事討論區」發帖，指事發後有一輛深紅色保時捷其後駛至停在其綿羊仔後方，為事主擋住車流，而司機亦落車為他撐傘及報警，「多得熱心靚仔哥哥為我檔車，幫我撐傘，為我叫白車直到白車嚟為止，真的太感動，香港還有如此的大好人，萬分感激，真係嫁得過！」

一輛深紅色保時捷其後駛至停在其綿羊仔後方，為事主擋住車流。網上圖片

一輛綿羊仔因天雨路滑失控自炒。網上圖片

他又在帖文補充表示，當時至少耽誤「熱心靚仔哥哥」半小時，而對方甚至幫他將電單車推去雙白線停泊，再把掉下的雨衣放回電單車內。看著對方全身均被雨水沾濕的身影，令他非常感動。

當日的「熱心靚仔哥哥」原來是為港安醫院腦神經外科專科醫生黃秉康。黃秉康IG圖片

有目睹經過的網民亦留言表示：「我經過時見到佢架車打斜停，我仲以為你哋有交通意外，原來佢係幫緊你…你上咗擔架床，佢仲幫你托起架電單車…的確佢係有幾分靚仔同官仔骨骨嘅！」

當日的「熱心靚仔哥哥」原來是為港安醫院腦神經外科專科醫生黃秉康。黃秉康fb圖片

其後事主亦證實當日的「熱心靚仔哥哥」原來是為港安醫院腦神經外科專科醫生黃秉康，隨即亦大讚對方，：「應該係救咗好多人命，所以佢會咁偉大幫我，到呢一刻我已經眼泛淚光，你哋明唔明白過種心情」。不少網民紛紛留言大讚，「好人有好報」、「好人好事，正能量」、「人間有愛」。

黃秉康醫生日前在紅隧口幫助一名自炒鐵騎士。黃秉康fb圖片

當日出手幫人的黃秉康醫生事後接受《星島頭條》訪問時笑言「只係小事」，他憶述當日自己開車時見到前方的綿羊仔跣胎橫亙路中心，鐵騎士倒卧地上，於是他停車截停後方車流，並下車查看司機情況。他指對方手腳僅擦傷，神智清醒，傷勢不算太嚴重，於是幫他報警並陪他等候救護車到場，「真係下意識就停低架車，因為見佢（鐵騎士）瞓喺地下，驚後面啲車睇唔到車到佢，於是就停車落車幫手，同埋嗰陣都有個救護員同電單車司機過嚟話幫手，唔淨止得我一個」。

當日的「熱心靚仔哥哥」原來是為港安醫院腦神經外科專科醫生黃秉康。黃秉康fb圖片

黃秉康醫生日前在紅隧口幫助一名自炒鐵騎士。黃秉康fb圖片

對於事主「嫁得過」的評價，黃醫生則大笑起來，指對方「好funny」。他透露自己經常遇到同類事件，每一次他都會盡量幫助拯救傷者，「呢幾年都起碼遇到最少3宗，大部份都唔算係話好嚴重，除咗7、8年前西九龍走廊有單交通意外，個傷者無咗呼吸，我就幫佢做心外壓同報警」。不過，他呼籲其他駕駛者，如在馬路上遇到交通意外，不要「逞強」，需顧及自身安全情況，「好多高速公路啲車嘅車速都好快，我哋要睇住個現場環境，之後盡快報警」。

一位孝順女在社交平台發文，大呻雖然自己每月都「嘔15k家用」，但父母仍不滿足，當阿妹提出分擔部份家用時，父母更發爛渣，批評她「俾得幾個錢施捨」。

示意圖。愛回家劇照

樓主：羡慕父母對子女0經濟回報期望

女網友發帖第一句寫到「好羡慕啲屋企父母對子女0經濟回報期望」，她提到自18歲起已沒問屋企拿錢，學費全靠政府資助，做兼職搵生活費之餘，還要每月給父母$2000家用。時至今日她出來社會工作，月入$35000，但每月仍要給逾四成人工即是$15000當家用。

示意圖。愛回家劇照

妹妹提出與姐姐分擔家用即觸怒父母

父母還反對她去旅行，認為「日日出街洗曬啲錢，仲不如俾黎做家用」，還埋怨她給的家用不夠，認為她應該儲多些錢，留給父母養老。當她的妹妹提到想與姐姐分擔一半家用，認為姐姐以後搬出去住都需要有錢旁身，怎料卻觸動了父母的神經，罵到「搬出去唔洗俾伙食養我地？」「仲不如宜家我地退休 劃掂都冇人理我地」、「你係咪以為俾得幾個錢拖捨俾我地？」、「咁姐係逼我地冇人理做乞丐靠政府」令事主感到崩潰。

示意圖。愛回家劇照

父母有兼職「每人都有月入起碼14k」

她坦言父母的說話「唔會令我想俾多啲錢」「只會覺得更加堅定有能力就搬出去住」事主還透露其實父母親都有固定的兼職，「每人都有月入起碼14k」，但依然覺得女兒給的家用不夠。雖然事主曾提出只負責家中租、水、電、煤等開支，卻要求她要連買餸、日用品等費用都「負責埋」。她大感不惑，點解「你哋人工就唔洗拎出嚟完全係自用就得？邊到合理㗎」。

示意圖。愛回家劇照

網友怒批父母行為如「當子女ATM」

帖文一出，網民都為樓主感不值，紛紛留言力撐，更批評她的父母，如「當子女ATM」網民怒斥「四肢健全行得做得pt仲要問個女攞15k真係cls」、「即係你屋企人依家仲返緊工仲要食你萬$5家用？」「佢2個既人工做零用架，咁爽？」「自己有職業，仲虎視眈眈你啲錢」

「養兒防老」觀念已過時

亦有網民覺得舊時老一輩「養兒防老」觀念已過時，坦言「養兒防老係以前農業社會觀念」「窮人+傳統思想父母先會咁」、「好藍領父母feel」。有網民指「呢類上一代知識差距過大導致溝通唔到真係好常見」。