「拍拖王」Jaxson示範電眼搭訕技 酒吧老闆教女仕夜場求救「暗號」

J2 （82台）4月6日11點播出《不正常愛情研究所》，今集由胡敏芝（Karen）、吳兆麟（Alan）、陳國麟（Doniven）、麥惠琪（Susuca）及黃潤祺（Jaxson）擔任主持。今集討論話題是「夜場有真愛？」

（左起）Doniven、Karen、Alan、Susuca及新加入的Jaxson主持《不正常愛情研究所》。

今集講去夜場蒲，兩位女主持Karen同Susuca在節目中由頭「鬥」到尾。她們先鬥落club戰衣，Susuca以「純欲風」出場賣長腿，Karen則以一條one-piece裙露美腿，外罩一件白恤衫保持「純純兔」形象，第一回合打成平手。接着「有故事的人」Jason出場，他在中環經營樓上酒吧。提到夜場潛規則，他話每間酒吧都會有「焦點枱」吸引顧客，他說︰「張枱係留畀靚仔靚女，招呼都會好啲。如果Susuca嚟到，梗係打死都留呢張枱畀佢啦……」坐在旁邊的Karen即時表現不滿話︰「咪住先、咪住先，你知唔知呢度仲有多個女仔㗎？」場面有點尷尬，但難不到見慣大場面的Jason，他一句說話將整個形勢扭轉，到底講了什麼令這場爭風呷醋休止？除了「焦點枱」夜場的角落位是「接吻勝地」，Jason見過最高紀錄是錫足十幾分鐘，都不用換氣。

Karen只去過兩次夜場，不熟搭訕的技倆。

Karen即時強烈抗議被漠視。

「有故事的人」請來夜場老闆Jason。

Jason話會為Susuca預留焦點枱。

原來夜場的角落位是「接吻勝地」。

跟住Jason講起另一個故仔，話說有晚有位美女同幾位女朋友光顧，Jason自然二話不說留焦點枱給對方，不過對方卻要求坐VIP房，他說︰「位靚女識玩呀，佢坐完入房之後，行出嚟轉咗一圈，平時只有男仔『橫掃千軍』睇有冇靚女啫，佢好似慈禧太后選男寵咁指住一枱男仔，跟住成班跟晒入房玩。」爭風呷醋不是女仕專利，Jason話試過有兩枱男仔，鬥送香檳討好另一枱靚女，最後受益自然是老闆Jason。講到夜場女仕有機會遇到不速之客，Jason話假如女仔遇險或者想趕走不速之客，原來可以打暗號，他說︰「可以同侍應月講『想要杯熱茶？或者『要杯Bloody Mary』就等如『help me』。咁我哋就會明。」

Jason提到夜場有求救暗號。

一班主持期間討論那一句開場白最能打開話匣，例如「你對眼好靚，好似星星咁閃」、「May I buy you a drink」、「我個朋友想識你」等都是老生常談，新加入做主持的Jaxson，「拍拖王」外號並非浪得虛名，他表示「唔使講嘢嘅，用眼神就得嘞」，他化身「電眼王」即場示範，Karen都話被電暈。

「拍拖王」Jaxson即場示範「電眼」威力搭訕。

Karen同Doniven都感受到Jaxson「電眼」威力。

各主持跳出錄影廠，到訪各主持的家居，揭開他們「behind the scene」私人一面。

周四晚10點05 J2（82 台）播映的清談節目《不正常愛情研究所》，已圓滿播映完畢。緊接播出「番外篇」，各主持跳出錄影廠，到訪各主持的家居，揭開他們「behind the scene」私人一面。18日播出《不正常愛情研究所》「番外篇」最後一集，今集黃紫恩（Jojo）與陳國麟（Doniven）將潛入《聲夢傳奇2》出身的主持金永衡（Kim）的豪宅作近距離直擊。Kim家居為一梯一伙設計面積非常大，Doniven與Jojo一踏入家門，就被金碧輝煌的裝修吸引。大廳放滿水晶及古董陳設，天花板一盞豪華水晶燈非常亮麗，Jojo笑言仿如到訪皇宮。Kim帶二人參觀時透露母親喜歡閃亮擺設，所以裝潢都是閃閃發亮，連相架都鋪滿水晶。Kim又爆母親喜歡整潔，搞到自己跟哥哥都不喜歡在大廳逗留，他解釋︰「媽咪要好整齊，出到廳我同哥哥都放鬆唔到，唔係好歎嘅地方。」

Jojo與Doniven到訪Kim家居。

Kim屋企為一梯一伙設計，Jojo形容豪華如皇宮。

Kim屋企裝修豪華。

Kim媽咪喜歡閃亮擺設，所以大廳跟客廳都非常blingbling。

大廳放滿Kim一家人的照片。

Kim在節目中自爆早於半年前已搬走，跟女友Karina在外築愛巢同居，今集女方大方出鏡。不過Kim原先打算分享二人浪漫史，但他「開口夾著脷」，劇情變成大迫供。話題先由Kim飲醉酒跟Karina相識，到二人同居分擔家庭開支、照顧貓咪等逸事開始。之後話題轉到Kim擔任主持工作，Karina直言很少看男友的節目，她解釋說︰「有時會睇到佢預備啲講稿，見到啲topic就已經唔想睇，我會介意囉。」接住開始Kim全程感受到「死神來了」的壓力。Doniven搶先為好友解畫，但越描越黑︰「節目入面佢講『好仰慕暉哥（林映暉）』，全部係節目效果……」話口未完明顯見到Karina已面色一變，接了說︰「No,no,no，嗰日佢先講完『眼女只有暉哥』，我真係𢲷晒頭……」死神再次降臨，老友Doniven再出招解釋是監製寫舉牌，迫Kim講「我love暉哥」搞氣氛。

Karina不停找男友錯處

Doniven跟Jojo不停為Kim護航。

本以為事件告一段落，豈知臨近節目尾聲，Kim自彈自唱節目插曲，原本以為氣氛會變融洽，不料Karina執住男友寫的歌詞，大興問罪之師說︰「我睇咗啲歌詞想揼佢添啦，『每次返屋企剷訊息，只想關係好一些』，我又問佢你有喺屋企剷訊息咩？」一旁的監製忍不住出手，表示是指嘉賓剷訊息。其後講到歌詞牽涉到「外賣店」，Kim不知死活的解釋「食完住家飯多，得閒都要食下外賣……」，嚇到Jojo同Doniven再度出手拆彈，過程絕對精彩。

Karina質疑Kim寫的歌詞「別有用心」。

Kim一句「眼裏只有暉哥」，令林映暉趟着中槍。

節目剪輯Koba擔任主持的片段。

節目剪輯Koba擔任主持的片段。

節目剪輯Koba擔任主持的片段。