民主派47人參與「35+」初選，涉嫌爭取立法會過半無差別否決財案被控，16人否認串謀顛覆國家政權罪。趙家賢17日於西九龍法院憶述戴耀廷曾指會聯絡民主黨處理其對否決財案的顧慮，趙重提因為戴獲民主派元老包括李永達李卓人授權協調，故以為他們有緊密溝通，自己沒有追問，不清楚戴可有付諸實行，而自己「雖然係民間嘅初選，但我會當自己選管會主席來做」，沒有接觸林卓廷黃碧雲跟進。
資料圖片
趙: 鄒家成有提出係一定要全面係否決
大律師沈士文代表黃碧雲及林卓廷盤問下，引述趙家賢錄影會面證供解釋「無差別」時，提到抗爭派鄒家成於新界東協調會議中與林卓廷代表辯論，「鄒家成有提出係一定要全面係否決，因為咁樣先至係，即係可以迫使到政府去回應五大訴求咁樣」。當時林卓廷代表質疑財政預算案中建校建醫院撥款不應否決，因為事項關乎民生無關政治，故趙解釋無差別意思為「唔係討論緊嗰個財政預算案裏面，嗰個政策嘅細項係做得好唔好，足唔足夠，或者係要求政府可能係要有啲嘅調整」，而是要透過兩次否決財案要解散立法會或令特首辭職。
西九龍法院。 資料圖片
趙家賢又自言「當時心理狀態好唔穩定，電話已經冇掂到超過4個月」，故供詞中混淆WhatsApp廣播群組及群組。供詞中又提及「因為佢哋之後可能有一啲開咗一兩次會，其實根本就係未有共識，就係因為傳統民主派同番本土抗爭派係有即係尤其是係未一定即係一定係要有個前設，就話係要無差別否決財政預算案嗰啲⋯⋯ 傳統民主派好多係梗係反對點解要咁做呢。」
沈士文再引述供詞，趙當時指「新界東呢，特別直情係林卓廷個代表都話咗反對話攬炒，即係諗住係冇差別否決財政預算案喇，因為你冇理由起醫院都反對呀咁樣。咁所以我深信就所以新界東就肯定會有一啲嘅呢類型嘅文件會簽出嚟喇咁樣」。趙17日更改說法，換成「林卓廷個代表都表達咗關注同顧慮」，林卓廷聞言不禁「吓」一聲。趙以司馬文相比，指司馬文作為公共專業聯盟主席非常明確反對否決財案，在《國安法》指定法官陳慶偉追問下，趙憶述司馬文曾計劃以獨立身份出選港島初選，然而因對於要否決財案感到詫異，無法接受，故改變主意不參選。趙亦同意沈士文指文中誤載相反意思，應修正為「所以我深信就所以新界東就肯定唔會有一啲嘅呢類型嘅文件會簽出嚟喇咁樣。」
資料圖片
趙同意5月5日新東協調會議後，戴曾指會聯絡民主黨處理其顧慮，惟自己並不清楚戴可有付諸實行，接觸民主黨、林卓廷、黃碧雲及其代表。趙重提3月初選記者會民主動力被排除在外時，區諾軒告知自己戴獲民主派元老包括李永達李卓人授權進行協調，而非多年來負責協調的民動，故自以為戴與元老等有緊密溝通，故自己沒有追問。被問到林黃二人可有與自己跟進時，趙否認指「我自己有一個行事嘅道德準則，當時承辦初選，雖然係民間嘅初選，但我會當自己選管會主席來做」，再沒有接觸二人。
趙家賢供稱李永達（左）及李卓人（右）等泛民元老，授權戴耀廷辦「35+」初選。資料圖片
