2歲兒子被19歲𡃁仔暴打致面目全非　肥媽擸刀護子險出事

飲食節目《肥媽李鼎》逢周一至三晚10時30分翡翠台播映，節目由Maria Cordero（肥媽）、李家鼎（鼎爺）及游嘉欣（游游）擔任主持。5月1日播出的第四集，主題是「火爆事件簿」。

鼎爺（左起）、肥媽、游游

愛錫家人的肥媽坦言屋企人是她不能被觸及的底線，她說：「唔好搞到我屋企人，如果唔係老竇都係假！」肥媽一邊炮製「火爆酸辣粉」，一邊說為保護兒子做過的火爆事，她說：「有一年過年，有個差唔多19歲好大隻嘅𡃁仔，佢畀人用桔掟中後面，我個仔嗰時2歲幾哈哈哈喺度笑，佢就打到我個仔個鼻腫晒流晒血，成個面係認唔到樣，個仔一返到嚟就嗌救命，我就咁拎住把刀衝出去，一刀就劈落去，一劈佢就一縮，佢件軍褸爛咗啲棉花出晒嚟。」回憶起當時的畫面，肥媽哽咽說：「冇得傾呀呢鑊，你唔明一個做阿媽嘅感覺……佢（兒子）個鼻爛晒成個樣都唔同咗……你有咩理由咁樣打我個仔，我嘅底線就係我啲仔女…….」

肥媽重提當年擸刀護子事件仲係好激動。

游游一臉難以置信嘅樣。

肥媽諗番起當時嘅事都忍唔住喊。

性格同樣火爆的鼎爺，則大爆「老臨抽水」事件，他說：「有次喺TVB拍嘢，佢係一線女演員，有個臨時演員借啲意喺度揩吓哄下，我話你搞咩嘢，佢話關你X事，我即刻着火，跟住佢就變咗豬頭喇叭嘴！」肥媽與游游即時八妹上身問該女星是誰，鼎爺說：「80年代，依家返咗內地工作。」結果機智的肥媽即時說出女星的正確身份！

鼎爺就爆一線女星被老臨抽水事件，到底女主角係邊個呢？

游游講到不少人認為肥媽和鼎爺十分躁底，肥媽坦言：「大聲唔代表我唔斯文，講粗口唔代表冇文化。」鼎爺接話：「黃霑有冇文化？佢句句都有粗口嘅。」此時，游游竟膽生毛說：「肥媽講得十分之流暢。」肥媽即拋窒游游說：「乜你有聽到我講粗口咩？」鼎爺則自爆講粗口獲讚賞，他笑言：「我講粗口好順耳㗎喎，有人話我講粗口有高低音Do Re Mi。」提到圈中火爆王，肥媽和鼎爺異口同聲指黃秋生性格火爆，鼎爺亦提到另一位火爆男星：「你一辣到佢，佢就癲架喇，頸筋都現埋！」想知道該男星是誰？肥媽再爆與「大傻」成奎安在內地登台的經歷，兩人目擊女公關被有勢力人士打，女士被男士打理應值得同情，惟該女士衰多口惹禍，令到肥媽和大傻目擊整個過程時忍不住爆笑，肥媽更戲精上身重演該幕情境，想知道肥媽和大傻哥為何會忍俊不禁？密切留意播出的《肥媽李鼎》。

呢一集繼續好歡樂

火爆酸辣粉

小芥菜芫荽皮蛋魚片湯

火辣蝦

宮保雞丁

飲食節目《美食新聞報道》今晚（12月29日）一連13集新環節「識食之人」請來不單識食，而且識煮的鼎爺李家鼎出馬。第一集他會帶蔡景行（行仔）到九龍城這處美食「卧虎藏龍」之地搵食，還狂爆金句、典故。

新環節「識食之人」請來李家鼎任嘉賓。

新環節「識食之人」請來李家鼎任嘉賓。

鼎爺今次推介一間打冷名店，不少電影曾在此取景。鼎爺為行仔點了三款此店必食名物︰滷水拼盤、煎蠔烙（蠔餅）及薑蔥桶蠔煲。當拼盤上枱時鼎爺開始講典故，原來潮州人請客一定要有鵝片，否則就是沒有面子。當中又講出吃滷水鵝必舔蒜蓉醋汁的原因，他說︰「係消毒，以前鄉下劏鵝一餐食唔晒，又無雪櫃。所以就搵蒜頭、醋、辣椒同隻鵝沖個靚涼。」他還爆了一首童謠「鵝頭鴨頸雞蘿柚，鵝掌柚皮無得走」，點出中國人愛吃刁鑽部位。

鼎爺為行仔點了滷水拼盤、蠔餅及薑蔥桶蠔煲。

鼎爺為行仔點了滷水拼盤、蠔餅及薑蔥桶蠔煲。

吃滷水鵝必舔蒜蓉醋汁原來有段故。

吃滷水鵝必舔蒜蓉醋汁原來有段故。

滷水拼盤

薑蔥桶蠔煲

接下來的煎蠔烙（蠔餅）鼎爺又爆另一段故，鼎爺說︰「而家蠔餅用雞蛋煎等佢脆口，呢啲係香港人興起先。正式係用鴨蛋等佢香啲、煙韌啲。」用來沾蠔餅的魚露，是潮州人必備配料，他笑說︰「以前幼鹽好矜貴，就會將啲雜魚用粗鹽醃幾個月，流出嚟嘅汁就係魚露，其實係魚嘅屍汁。」嚇到行仔猛說︰「鼎爺你唔早啲講。」食到最後一道薑蔥桶蠔煲時，鼎爺爆終極金句︰「韭菜可以令蠔味香啲，但韭菜唔可以全熟。廣東人都有講『生蔥、熟蒜、半生韭』就係咁解。」

蠔餅

潮州人製的魚露「來歷恐怖」。

潮州人製的魚露「來歷恐怖」。

此間位於九龍城的潮州菜館，經常被借來拍攝電影，杜琪峯導演的經典槍戰片《鎗火》中，黃秋生飾演的阿鬼殺死仇家及煞科一場便在此取景。此店亦曾為爾冬陞執導電影《忘不了》提供拍攝場地。此類老式中餐館已買少見少，龍鳳禮堂的雕龍雕鳳獨特擺設，在港更是絕無僅有，甚受電影公司垂青。

二人身後的正宗龍鳳禮堂，香港已絕無僅有。