曾為SoChing充當紅娘撮合戀情 ERROR肥仔事前未聽聞好友退團

肥仔表示尊重SoChing的決定。

女團COLLAR成員SoChing於5月10日透過社交平台宣布退團，原因是男友李啟言（阿Mo）在去年MIRROR第4場紅館演唱會受重創，令她留下不能磨滅的痕跡。出道前為全職跳舞老師及Dancer的SoChing，當日加入COLLAR後，不避忌地大方承認阿Mo的戀情，不時在社交網站晒恩愛。原來當日撮合他們的人，正是ERROR隊長肥仔（梁業），對於好友的決定，肥仔坦言出道後大家就很少聯絡，雖然會擔心她，但有些事情需要她自己想清楚，再多講也無意思，尊重她的決定。」

So Ching宣布退團，記者會上只得COLLAR七女與經理人Wing現身。

女團COLLAR成員So Ching與阿Mo拍拖多年，感情要好。

ERROR隊長梁業（肥仔）被問SoChing決定退團，他表示今日才得知，事前完全不知情，坦言大家已有一段時間無聯絡，但因她與楊安妮（Win Win）較為老友，自己有透過Win Win了解她的近況，又對So Ching退團感到可惜，「我們出道前是好朋友，又曾經一起在金像獎表演，她當初考慮加入COLLAR時都有問過我的意見，我建議她加入，她喜歡跳舞，加入COLLAR可讓更多人看到她，對她的發展都有幫助，不過我們出道後就很少聯絡，雖然會擔心她，但有些事情需要她自己想清楚，我講再多也無意思，尊重她的決定。

原來肥仔當日撮合SoChing和阿Mo的人。

SoChing曾在陳志雲的YouTube節目上，甜絲絲地分享阿Mo相識經過時，二人一開始是在同一studio教班，一樣曾參加《全民造星》比賽，二人更是MIRROR的「御用舞者」：「本身完全唔識，有互相見過對方跳舞，嗰時有講對方跳舞幾好睇，揀啲歌又幾好聽，playlist入面好多歌都好中， 發覺同對方鍾意嘅嘢都好似，於是有一個印象。」直到後期因為替《全民造星III》的方方（方芷欣）跳舞而開始慢慢認識，當時肥仔負責排舞：「佢搵咗我哋幫手做dancer，慢慢開始認識，了解對方更加多。」SoChing表示最初本來並不會高調認愛：「但係好多人知道我哋係拍拖，但係都開心，冇諗過咁多人知道之後，都咁支持我哋，令到大家嘅關係更穩定。」她又稱欣賞對方說話「有嗰句講嗰句」：「佢亦令到我唔會轉彎抹角，我都係咁，同佢一齊之後就學識講最真實答案。」

SoChing曾在陳志雲的YouTube節目上，甜絲絲地分享阿Mo相識經過時。

大方認愛。

SoChing表示最初本來並不會高調認愛：「但係好多人知道我哋係拍拖，但係都開心，冇諗過咁多人知道之後，都咁支持我哋，令到大家嘅關係更穩定。」

笑到見牙唔見眼。

《全民造星III》的方方（方芷欣）跳舞而開始慢慢認識，當時肥仔負責排舞。

合作好有默契！

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」