繼柳應廷和李駿傑在日本音樂頻道The First Take（TFT）中演唱《人類群星閃耀時》後，17日晚TFT再釋出加入了盧瀚霆及姜濤的《Rumours》4人合唱版本。
MIRROR成員柳應廷（Jer）、李駿傑（Jeremy）登上日本YouTube音樂頻道「The First Take」演唱《人類群星閃耀時》。
點擊看圖輯
MIRROR成員柳應廷（Jer）、李駿傑（Jeremy）登上日本YouTube音樂頻道「The First Take」演唱《人類群星閃耀時》。
17日晚TFT再釋出加入了盧瀚霆及姜濤的《Rumours》4人合唱版本。
今次4人合唱的〈Rumours〉編曲簡潔，亦加入大量和音，跟原作偏重跳舞節拍有很大的差別。
Jer與Jeremy合唱《人類群星閃耀時》。
Jeremy和Jer先錄《人類群星閃耀時》，二人唱完後有了一定經驗，但被Anson Lo和姜濤串得戚。
Anson Lo與Jeremy對唱時，二人都很有默契地作眼神交流，Anson Lo表示做到時好安心。
姜濤表現太緊張，真係變咗「僵」濤！
說起這次TFT的錄影，Jer與Jeremy至今仍十分激動、興奮又回味，Jeremy說：「係好激動，因為喺外國平台做呢件事，又係《人類群星閃耀時》呢首咁難唱嘅歌，所以激動得嚟又好緊張。」
觀看相關影片按連結：https://youtu.be/NupFXtue_Xc
這次有份參與TFT錄音，首度登場的Anson Lo及姜濤都各有感想，Anson Lo道：「好榮幸！眾所周知，上得TFT 都係好有經驗、有實力嘅歌手團體，亦係好出名嘅團體，所以有機會參與到呢次project，係人生里程碑。」姜濤則表示：「知道TFT係一個喺亞洲好高知名度嘅音樂節目，過去邀請不同地方嘅歌手都係好有實力，所以冇諗過上到TFT，好期待世界各地觀眾睇到我哋嘅表演之後俾我哋嘅Feedback。」
17日晚TFT再釋出加入了盧瀚霆及姜濤的《Rumours》4人合唱版本。
今次4人合唱的《Rumours》編曲簡潔，亦加入大量和音，跟原作偏重跳舞節拍有很大的差別，Jeremy表示：「因為今次編曲都係比較乾淨同Soft，所以當中用咗好多和音去Support件事。12個人去唱時力量好大，得我哋4個人第一次去做呢件事，就諗咗唔同嘅和音去令到件事更加豐富。TFT係好注重聲音嘅Platform，過程中練習咗好多次，坐喺度上堂時會一齊傾呢段應該點唱，點樣令到件事更加好，大家一齊去度個表演要點樣。」Jer都指練習和音是很難得的學習過程，他說：「因為MIRROR比較少唱和音，通常喺台上表演都係好大力跳舞。今次我哋特登為咗呢個Version練咗好多和音，學咗好多、唱咗好多，大家喺聲音上面都有好大嘅進步。」
今次4人合唱的〈Rumours〉編曲簡潔，亦加入大量和音，跟原作偏重跳舞節拍有很大的差別。
這次參與TFT錄音，其實是Jeremy和Jer先錄《人類群星閃耀時》，二人唱完後有了一定經驗，以為他們會給予Anson Lo和姜濤一些錄音貼士，怎料姜濤說：「佢哋唱完出嚟好得戚！一見到我哋就話放鬆就得，好Easy。我同阿Lo就覺得你唱完一首就話啫。」Jer即反駁表示：「唱完第一首我哋係放鬆咗心情，但都有同大家分享耳機點樣調校音色，有俾Tips大家啦！」
Jer與Jeremy合唱《人類群星閃耀時》。
話雖如此，姜濤都自認在錄音過程中自己最緊張，他說：「我喺團隊裡面唱歌唔係最叻，唱歌進步空間仲好大，英文歌我又唔熟悉，因為少唱英文歌，對於英文嘅把握唔係好大，所以全程略顯生硬，同埋4個之中我係算比較容易有失誤，因為我容易搶拍，呢個係我嘅缺點，嗰時我都理唔到表情；喺一個注重聲音節目入面，自己嘅聲音拍子係準確就得喇！」Jeremy都覺得姜濤表現可以更好，更說：「姜濤喺Rehearsal嘅時候嘅Energy好好，但一去到Studio佢就僵咗！」就連Jer都認同道：「佢真係變咗『僵』濤！」
Jeremy和Jer先錄《人類群星閃耀時》，二人唱完後有了一定經驗，但被Anson Lo和姜濤串得戚。
至於Anson Lo與Jeremy，今次在TFT版《Rumours》中有很多對唱部份，而Jeremy更要唱好多和音，Jeremy指自己錄音時腦袋很忙！Jeremy說：「我個腦不停要諗下一句和音點唱呢？搵返個音先。因為我都頗多和音Part要夾，所以要Load一Load啱唔啱。」另外他與Anson Lo對唱時，二人都很有默契地作眼神交流，Anson Lo表示：「我哋每次練習時都有對望，所以錄音時都有做呢樣嘢，成件事就會好Safe咁，每做到都有暗爽咗一下。」
Anson Lo與Jeremy對唱時，二人都很有默契地作眼神交流，Anson Lo表示做到時好安心。
姜濤表現太緊張，真係變咗「僵」濤！
對於這次能在海外參與TFT這個Project，Jer表示最難忘的還要收接受海外傳媒訪問，他解釋道：「因為第一次有翻譯，幾難忘，但戥翻譯辛苦。佢幫我哋翻譯咗好多間傳媒，感覺成件事好隆重，因為係第一次MIRROR帶住廣東音樂衝出香港呢！」
說起這次TFT的錄影，Jer與Jeremy至今仍十分激動、興奮又回味，Jeremy說：「係好激動，因為喺外國平台做呢件事，又係《人類群星閃耀時》呢首咁難唱嘅歌，所以激動得嚟又好緊張。」
其實在參與TFT之前，4人都曾看過頻道中的影片，當中都有一些讓他們留下深刻印象，他們特別推介給各位觀看：
Anson Lo推薦：Yoasobi《群青》
「呢首歌係一個朋友介紹我睇嘅，第一次入去聽，覺得感覺好青春，因為講緊夢想，Yoasobi好唱得，成首歌好有向前衝感覺。上年MIRROR休團時，每日一起身就即刻Click入呢條Link聽成日，因為帶咗好多正能量俾我。」
觀看相關影片按連結：https://youtu.be/NyUTYwZe_l4
Jeremy推薦：ATARASHII GAKKO!《OTONABLUE》
「係4個女仔，會走位會跳舞，一路唱一路跳嘅表演，好勁！因為之前都有睇TFT嘅表演，冇諗過可以咁樣玩呢件事，好新鮮好勁，同埋又唱又跳得嚟聲又好穩定，Energy好大好正。」
觀看相關影片按連結：https://youtu.be/9MNPt-zlz-8
姜濤推薦：女王蜂《Fire（火炎）》
「第一次睇TFT就彈咗呢條片出嚟，㩒咗入去聽。女王蜂係一隊Rock Band，知道主唱好犀利，起初以為錄好，點知原來係一Take過，就知道演唱技巧要有好高水準先可以上到呢個節目，印象好深刻。」
觀看相關影片按連結：https://youtu.be/gn-YwSmEzNc
Jer推薦：Harry Styles《Boyfriends》
「Harry Styles帶咗隊Band上去，喺現場錄埋樂器都只可以一Take，好震憾！任何嘢都冇Mistake，和音所有嘢都好好。我都幻想過我哋可以帶隊Live Band過去錄音，希望有朝一日再有機會。」
觀看相關影片按連結：https://youtu.be/hJermMmkVFw
