黄夏蕙與潘炳烈結婚35周年紀念筵開83席慶祝 家燕姐驚喜現身撐BB

身穿婚紗的黃夏蕙（BB）23日晚在酒樓筵開83席慶祝與潘炳烈結婚35周年，好友劉錫賢、潘志文、魏秋樺、徐寶鳳及丁羽等到賀，相識幾十年嘅薛家燕亦驚喜到賀，家燕姐成全場焦點，更應邀上台和主人家切燒豬、生日蛋糕及醒獅點睛。台上司儀肥仔賢（劉錫賢）見BB兩公婆切燒豬時笑住搞氣氛說：「呢隻豬，潘sir㗳咗好耐，但都分享吓嘅！」全場又大合唱生日歌祝BB 91歲生日快樂，家燕姐坐足半場才離開。

家燕姐驚喜現身撐BB。

前晚筵開83席慶祝，不少圈中好友包括潘志文、徐寶鳳、方俊、丁羽叔及劉錫賢等出席。

黄夏蕙與潘炳烈結婚35周年紀念，筵開83席慶祝。

家燕姐好畀面坐足半晚。

家燕姐及丁羽叔應邀上台主禮醒獅點睛。

台上仲有財神。

司儀肥仔賢用燒豬取笑夏蕙BB。

BB咪嘴唱《禪院鐘聲》。

現場仲有周潤發姊姊玲姐(周聰玲)。

家燕姐好欣賞BB嘅人品。

家燕姐讚BB心地好

家燕姐在台上表示，睇住夏蕙姨長大，大讚對方心地好好，且熱心公益及幫助朋友，祝佢哋永遠恩愛，身體健康。

張偉文經理人方俊跪低上契畀利是契媽。

BB愈收愈多契仔契女。

司儀多次提醒，新上契嘅契仔契女記得畀利是。

當晚方俊台上獻唱娛賓，有觀眾上台畀利是。

BB欣賞方俊對無依無靠，兼行動不便嘅張偉文真心好。

欣賞方俊照顧偉文

活動期間進行上契儀式，原先只得4個契仔跪地斟茶，當中包括好錫老人家嘅張偉文經理人方俊，點知臨時又加多兩個契仔話要上契，之後又再加添多6個契女，最搞笑大部份契仔、契女，BB都唔記得佢哋叫咩名，司儀肥仔賢多次呼籲新收嘅契仔、契女快快補利是，否則未完成過程。然後一班契仔女台上合唱送畀契媽，BB又獨唱，咪嘴演繹一曲飲歌《禪院鐘聲 》。之後BB落台走勻全場，跟買咗枱力撐她嘅賓客合照，再狂收利是，計埋賣枱收入，當晚BB真係大豐收。另外，方俊指BB好欣賞他悉心照顧張偉文，對他好好，所以主動話要契他做契仔。

方俊

去年BB離港前，方俊陪她去油麻地選購假髮。

BB最快年尾才同老公返美國。

BB怕喺美國悶，較喜歡香港多姿多彩生活。

黃夏蕙狂收契仔女 唔記得名但提醒要畀利是 結婚周年晚宴獲家燕姐驚喜到賀

一共五集的《大航假期呈獻：玩轉桂林懶人包》，今晚10點半翡翠台播出最後一集，由薛家燕、何廣沛、林正峰擔任主持。

品嚐桂林Style螺螄粉。

家燕姐形容林正峰似螺螄粉，形容得貼唔貼切？

桂林行程精彩之餘，主持們之間的搞笑互動亦是節目焦點，尤以昨晚（18日）一集互動最有記憶點。三人品嚐當地著名美食螺螄粉期間，家燕姐突然表示螺螄粉似足林正峰：「鍾意佢就覺得佢幾Nice，唔鍾意佢就覺得佢...」，然後何廣沛竟加把嘴：「寒酸...總之係孤寒啦！」，林正峰亦七情上面扮介意：「我覺得比喻得幾好，只係我個心硬係覺得有啲唔舒服」，十分搞笑。另外何廣沛和林正峰亦體驗「竹筏遊」，近距離觀賞灕江兩岸景色。期間二人興奮地在竹筏上擺出各種甫士，林正峰更即興向岸上女子請求幫忙打卡拍照，被何廣沛笑指：「原來林正峰係咁樣溝女嘅！」

何廣沛+林正峰孖寶兄弟搭竹筏欣賞灕江兩岸景色

做甫士吸引岸上女士注意，呢個就係林正峰識女仔嘅秘技？

何廣沛+林正峰「成親」儀式笑料滿載
何廣沛和林正峰這對孖寶兄弟除了互寸外，二人亦相當賣力哄「皇太后」家燕姐開心。前晚（17日）一集，三人到訪有「天下第一長髮村」之稱的黃洛瑤寨，這對孖寶兄弟更親身上台和當地的紅瑤婦女舉行「成親」儀式，過程中二人和紅瑤婦女載歌載舞，更接連被摸屁股，逗得台下的家燕姐大笑兼拍爛手掌。

孖寶兄弟在尋找美食方面亦是相當落力。主持們上天下海，體驗在隱世雲端Cafe浸住腳歎咖啡欣賞美景外，亦品嚐路邊攤檔滋味竹筒飯，而林正峰落力尋找美食的舉動亦獲家燕姐垂青：「峰峰，你每次發現都係食啊食啊食啊...不過好啱我！」而二人亦乘機「嗲」家燕姐親自餵食竹筒飯，林正峰更賣口乖：「覺得家燕姐餵畀我嘅飯特別甜！」而轉數快的家燕姐笑言：「因為有我啲口水！」互動相當搞笑。

何廣沛+林正峰親身上陣，同當地嘅紅瑤婦女嚟一場「成親」儀式！

禮成！

家燕姐睇到好開心！

林正峰自我感覺「非常油膩」？
除了路邊滋味，三人亦享用各式各樣盛宴，包括昨晚一集，以金桔為主題的「金桔宴」。當何廣沛將充滿霧氣的「金桔餅桂花煲藕」形容成「仙氣」時，林正峰即時賣口乖：「好似家燕姐，仙氣飄飄啊！」哄得家燕姐笑逐顏開；除「金桔宴」，前晚的桂式「農家宴」亦令人胃口大開，當何廣沛即場將「待客肉」塞進口感似豬油撈飯的「鼎鍋飯」時，林正峰竟口快快形容自己「油膩」：「你嗰啲咁就叫邪惡？邊有得（同我）鬥呀？我油膩過你好多！」然後馬上意識自己用錯形容詞，但仍被何廣沛無情揶揄：「你係真係油膩過我哋好多嘅！」

三人在隱世雲端Cafe，體驗浸住腳歎咖啡欣賞美景。

家燕姐親自餵孖寶兄弟食竹筒飯

就算品嚐金桔宴，孖寶兄弟依然唔會錯過任何機會哄家燕姐開心。

仲有地道農家宴。

林正峰竟然話自己油膩！

家燕姐乘船觀賞灕江景色，家燕姐更憶起當年拍攝電影時的回憶。

至於今晚（19日）播出的最後一集，三人將體驗觀賞灕江兩岸美景的「興坪遊船」。家燕姐望見灕江，更想起其年輕時曾和修哥（胡楓）、吳君麗拍攝電影《灕江河畔血海仇》（1963年）的點滴，雖然時隔62年，但家燕姐對當年的拍攝細節印象深刻，十分厲害！想知道家燕姐會分享當年什麼精彩的拍攝點滴，而製作組又為三人預備了什麼行程，萬勿錯過今晚播出最後一集的《玩轉桂林懶人包》。