赤裸上陣騷「爆肌」 張敬軒：我好少可咁大方展示我嘅身材！

嘩～好勁啊～

由張敬軒主理的網上綜藝節目《軒公敲碗Special》之「軒公水上遊樂場」日前播出上集，節目出街後，不少網民都表示：「笑到黐線！」、「笑到楆眼水！」更謂十分期待下集。兩條影片上架後，迅速打入熱門影片十大位置，上集更已進佔第三位。下集於5月26日晚亦已上架，當中最大亮點，絕對是軒仔出道以來，於幕前最赤裸的演出，拍攝期間，睇到一眾同門師弟妹及馬介休成員嘩嘩聲。

觀看相關影片按連結：https://youtu.be/67dVkHJEFHE

下集分別是「Sweat Escape生死問答題」及「水中餘震扑扑扑」兩個遊戲，「Sweat Escape生死問答題」隊員需輪流進入逃生艙，回答對方隊長問題，如答錯對方隊長即隨時按掣隊員立即從高處跌落水，答對則可逃離，如生還人數相同，最後則由兩隊隊長對決。英皇隊劉若寶（Polly）出戰時，畏高的她踏入逃生艙前已全身顫抖兼眼泛淚光，當回答「十個便秘會做的事」時，驚慌過度的她語無倫次答道：「會塞棉條！」眾人頓時黑人問號兼爆笑，雖然如此但最後都順利過關逃過一劫。

畏高的劉若寶踏入逃生艙前已全身顫抖兼眼泛淚光。

劉若寶雖然答到語無倫次，但最後都順利過關逃過一劫。

「水中餘震扑扑扑」環節，就是兩隊分別派出隊員坐在水泡上，然後利用道具或徒手將對方推落水。軒仔亦於最後回合上場，當他推倒對方隊員落水時，對方亦順勢拉着軒仔落水，實行「攬炒」，不過軒仔腰力驚人，明明已被對方已落水的隊員向後拉到差點也跌落水，但他一招「拱橋翻身」，立即回彈穩坐水泡上，看到現場所有人都拍爛手掌。

「水中餘震扑扑扑」環節好激烈！

軒仔都有上場！

經過眾多遊戲後，結果兩隊打和，兩隊都需要接受大懲罰，軒仔一隊扮美人魚，馬介休一隊則扮兔。眾人整裝代發，軒仔亦以紅色浴袍登場，當他站在水中脫下裕袍，一身爆肌即呈現眾人眼前，全場尖叫聲四起，驟眼看以為他操肌有成，看真點，原來是穿上爆肌衫，以假亂真的程度達100%。由於要配合爆肌身形，軒仔一直裝出chok爆表情，並謂：「我都好少可咁大方，喺大家面前展示我嘅身材、我嘅實力。呢一期嘅《軒公敲碗》將會係史上最驚嚇同埋最暴力嘅一集。」

軒仔以紅色浴袍登場。

軒仔赤裸上身「騷肌」！

驟眼睇真嘅一樣！

最後，節目開始時「枉阿姐」分派兩隊的hidden task由英皇隊勝出並贏得現金獎，向來客氣的軒仔拿着利是並表示「過門都係客」，打算將現金獎送給「馬介休」，誰不知站在軒仔旁邊的曾樂彤立即搶回利是並說：「你想做乜嘢呀？」弄得眾人爆笑，認真眼明手快。

大合照

張敬軒出席AI的營銷會議，分享AI對娛樂行業、音樂、藝術等創意工業的影響。

張敬軒昨日（9月26日）獲邀出席由IAB Hong Kong主辦全港最大型的AI的營銷會議「 IABHK C23」（C23），活動吸引了來自多個國家及地區、超過五百位業界管理高層親身參加，以及五百名人士在線上參與，探討人工智能對數碼營銷領域的變革性影響。

大合照

去年獲跨社交平台總結成為最Top KOL的軒仔，於會談中分享AI對娛樂行業、音樂、藝術等創意工業的影響。他坦言這十年中最大的恆常收入並非來自音樂，而是透過social media層面。而過去一年於youtube見到很多「AI尹光」、「AI張敬軒」等不同的AI藝人，都是一些好的嘗試，但同時自己亦存在矛盾，甚至偏向有點擔憂，「作為網民、消費者、用家嘅角度，AI嘅存在一定令到我哋嘅生活各方面嘅層面好方便；另一方面作為從業者、版權持有人，我哋見到嘅係一啲令我哋不安嘅未來。譬如當呢啲AI生成嘅sound bite喺internet viral嘅時候，copyright問題點去解決呢？唔同範疇嘅版權，呢啲可能會顯伸一啲再大啲嘅議題。」

軒仔分享AI對娛樂行業、音樂、藝術等創意工業的影響。

對於現在的AI時代，軒仔自言仍處於觀察者的角度，抱着學習心態。雖然擔憂，但他不得不承認AI對於修復舊母帶有一定的程度的貢獻，「譬如我接手Avon呢間錄音室時，有471餅母帶由於年代久遠而冇辦法修復。其中一餅係Beyond喺麥花臣球場一個從來未公開過嘅錄音。磁帶有啲溶化，就算通過焗爐，夾硬拉番開兩個磁帶，佢個磁粉都係食咗喺上一層，但有咗AI之後，由於佢有數據推算嘅模式，可以推算番家駒把聲，做到一個數碼修補。呢個修補方法令到我哋可以聽到一啲我哋從來未聽到過嘅錄音，或者一啲已經受損咗嘅錄音，對於我哋備份嚟講絕對有好處。不過始終文物嘅本身、嗰個錄音帶嘅本身佢所存在嘅歷史價值，亦都係佢稀有嘅原因。所以呢個係兩個層面嘅考量，但我覺得喺修復嘅過程入面係絕對有可能做得到。」

軒仔坦言對AI偏向有點擔憂，但不得不承認AI對於修復舊母帶有一定的程度的貢獻。

隨後，軒仔與主辦準備了一小段由「AI張敬軒」演繹的《Amazing Grace》於座談會上播放，軒仔表示自己聽完後都十分驚訝，「呢個係咪我嚟㗎？呢個sound bite生成嘅方式，就係用copilot嘅形式，通過某一個骨架，再結合張敬軒對樂句、對咬字嘅處理而生成嘅一段AI嘅sound bite。」播放完後，台下觀眾報以掌聲，軒仔笑說代「AI張敬軒」多謝大家的掌聲。他謂雖然AI張敬軒聲線酷似自己，但他的震音並非如此，更即席獻唱《Amazing Grace》的第一句，台下觀眾頓時起哄呼歡及拍掌，「所以喺音樂範疇，如果純粹以網友角度，大家如果好鍾意聽到尹光唱林家謙、林家謙唱尹光、張敬軒唱邊個邊個，係滿足網友一種情感投射，僅此而已。」

軒仔即場演繹的《Amazing Grace》。

軒仔又自爆跟Tyson Yoshi嘗試叫ChatGPT填詞，但效果並不理想，「邏輯上面係有問題，喺個story telling嘅邏輯上面係有bugs嘅，呢啲將來可能解決到都未定，但而家暫時呢一個以創作人嘅角度，我哋自己業內未係太擔心。廣東話係九音，係一個相當之複雜嘅語言體系，第二樣係廣東話中文入面都有一啲詞彙運用，首先如果真係有AI去做呢啲嘢，佢要識得分析，啊，呢隻歌想口語化啲，譬如有首歌「你唔愛我啦」，呢啲口語啲嘅，或者係「你不愛我了」，首先AI個data base要識得分辨呢啲先。」

軒仔不擔心AI會取代創作人，因為他與Tyson Yoshi嘗試叫ChatGPT填詞，但效果並不理想。

最後，問到對AI的發展潛力，軒仔認為人類所發明所有的科技，應該是要延續人類的文明，而並非摧毀，「所以我哋喺運用AI或科技嘅時候﹐我覺得我哋盡量keep番自己作為一個人類正常閱讀時間，每日一杯咖啡睇一本書，或者一本書裏面嘅一段，增長自己知識，培養自己要think out of the box，跳出框框，之後先會有更好嘅AI，咁我哋嘅文明先至唔會被我哋自己所發明嘅嘢摧毀，呢個係我自己嘅諗法。」