《全民造星V》十強名單流出 樂庭Adams大熱倒灶

ViuTV選秀節目《全民造星V》第二回合6月5日展開，藍組導師韋羅莎﹑馮允謙及紅組導師陳蕾﹑陳健安各揀選30位參賽者共60強以小組形式對決。6月1日，《星島》已獨家披露真實情況是十強已誕生，總決賽將於七月舉行。《星島頭條》收到終極十強名單，獲評判高度讚好，導師又甚喜愛的49號Adams及有姜濤2.0稱號的96號樂庭大熱倒灶，美加及馬拉各有一名代表入十強，與香港參加者及台灣代表3號Snoopy (詹仕偉)瓜分十強名額。當中有4名藍組成員，紅組就有6名，成績咁好，陳蕾同安仔應該開心到爆喊。

23歲的Adams

19歲樂庭

6月6日晚繼續第二回合小組對決，在Dance Battle中，賽前被睇高一線，由KC領軍，Snoopy、Meow、阿O、阿生及希晉的紅組竟然落敗，再要背負兩個淘汰名額。評判Grace直指陳蕾深愛的阿O唔掂：「甩得都幾犀利，其實呢個係你責任，人哋練5小時，你要練10小時，跳舞冇得呃人，嗰一刻冇人幫到你㗎﹗」阿O隨即爆喊自責，其實討論區有大量留言，均指阿O舞技、樣貌及身形唔出眾，唔明陳蕾點解死攬。

KC領軍的紅組落敗，阿O更被王君馨直指唔掂。

周二晚Dance Battle比賽，Lyman Heung的藍組獲爆燈大勝，香香真係好正。

阿O被王君馨直指甩舞步致團隊輸咗而爆喊。

藍組隊員

紅組隊員

開心亨仔跑到尾

不過，各位網民可以放心，十強名單中冇阿O的名字，亦唔見死唔斷氣的Moley。至於流出的十強名單，被指本屆親生仔的大熱99號KC (黃家灝)、民選冠軍，深受網民喜愛，來自美國的9號Lyman Heung (香胤宅) 及憂鬱靚仔，未選已獲拍Winka MV資格的2號Nathan (魏念恩)入圍無懸念，加上好跳得的1號王鋒、爆燈入圍，19歲的RAPPER 6號Taco (黃泓祖)、感性又唱得的大隻仔，32號亨仔 (陳鎮亨)都有份。

暫時未見突出，堪稱爆大冷入圍者，包括擅跳Popping，28歲個但樣好成熟的跳舞老師， 35號Tsoul (田曜誠) 、46號希晉 (王希晉)及馬拉代表52號Ash(盧信宥)。至於同樣深受觀眾喜愛的49號Adams及96號樂庭則無緣入十強。

26歲王鋒

1號王鋒是土木工程師，熱愛跳Locking。

24歲Nathan

2號憂鬱靚仔型的Nathan 。

26歲Snoopy

3號Snoopy ，是台灣男團C.T.O成員，完全唔識廣東話，估唔到佢又可以走到咁後。

19歲Taco

初選最後出場，被讚完美示範Rap都可以咬字清楚的6號Taco。

32歲Lyman Heung

9號香香跳得又靚仔，討論度極高，總決賽投票成績坐亞望冠。

26歲亨仔

32號亨仔對自己好冇信心，最終可以走到最後，好爭氣。

28歲Tsoul

35號Tsoul ，記得初選時跳舞好勁，但個樣真心唔似28歲。

23歲希晉

46號希晉 ，唱得吓，但印象唔深，可能之後表現突飛猛進。

32歲Ash

馬拉代表，52號Ash，在當地出道13年，唱得加跳得。

25歲KC

99號KC，因為ＷＩＮＷＩＮ男友身份，剛曝光已成大熱。

《全民造星V》終極十強名單流出。

更有街坊認出Philip喺電視見過！

《全民造星V》陳彥熹（Philip）及魔術師葉小妍日前(1月15日)到安泰邨，出席由築子林慈善基金會舉辦的《安泰揮春迎新歲》，當日安泰邨洋溢著濃濃的年味！為慶祝新春佳節，《築子林慈善基金會》張睿真總幹事、《香港心理衛生會》、《同芯慈善會》雷震東主席及馬法彤師傅 (法科師傅) 曾同「鬼王」潘紹聰在《總有一瓣喺左近》做嘉賓，將聯同造星V Philip 陳彥熹及魔術師葉小妍，於安泰邨舉辦新春揮春活動，為街坊送上新春祝福。

《全民造星V》陳彥熹（Philip）及魔術師葉小妍日前出席《安泰揮春迎新歲》活動。

街坊搵Philip合照影相留念。

Philip寫的揮春大受街坊歡迎。

當日新年氣氛非常濃厚，Philip 陳彥熹寫揮春大受街坊歡迎，大批街坊即場搵Philip合照影相留念，更有街坊認出Philip係電視見過，更表示非常支持佢。葉小妍更受小朋友歡迎，寫了很多趣緻可愛的揮春吸引了一大班小朋友前來參與。現場更有揮春工作坊，讓大小朋友揮毫寫春聯，體驗傳統節慶的樂趣。

葉小妍人美心善。

馬法彤師傅

張睿真總幹事（中）

大合照。