45歲的方力申（Alex）與30歲「氣質版馮盈盈」葉萱（Maple）於今年情人節宣布已婚，結婚四個月更宣布太太已懷孕，囡囡Isla日前平安出世！榮升新手爸爸的方力申再晒出多張一家三口的溫馨合照。
方力申與太太葉萱的愛情結晶日前平安出世！
方力申在IG晒出多張B女的靚相及全家福，可見他一見到愛女即父愛滿瀉，露出寵溺眼神，還嘟嘴想錫錫囡囡，太太葉宣亦輕撫囡囡臉龐，而Isla則全程睡得香甜，乖巧可愛，一家三口幸福又溫馨！
圖片來源：IG@alexfongliksun
圖片來源：IG@alexfongliksun
圖片來源：IG@alexfongliksun
方力申還分享了照片背後故事，「Isla 出院之前， 醫院話送我哋一張相，咁我以為好簡單就冇專登去整頭髮啦，點知嚟咗兩位攝影師，兩部相機添。雖然只係影咗10分鐘，但係影咗好多張相，好多pose，我仲話早知去化妝整頭喇（偶包），一路影我話夠喇唔使影咁多㗎喇，心諗我咁樣衰戴哂帽，求其得喇。點知，出到嚟啲相好靚，原來，我都唔係主角，見我唔到㗎喎。（講笑啫，都有嘅… thank you）」。
圖片來源：IG@alexfongliksun
圖片來源：IG@alexfongliksun
剛於2月26日度過46歲生日的方力申，昨日（3月9日）在尖沙咀出席記者會，正式宣布將於5月16日（星期六）首度踏上紅磡香港體育館，舉行入行超過25年以來首個紅館個人演唱會《方力申 Perfect Moment 最佳時間演唱會2026》！記者會由許紹雄女兒許惠菁擔任主持，席間更首播全新歌曲《万刀甲》，並邀請到「真·波友」尹光驚喜現身，二人即席切磋乒乓球技，貫切新歌主題，鼓勵大家要多運動，場面熱鬧有趣。
入行25年的方力申（小方）昨日（9日）在尖沙咀舉行記者會，宣佈將於5月16日首踏紅館，舉行《Perfect Moment最佳時間演唱會2026》。
小方坦言從未想過能開紅館，感激太太葉萱「旺夫」，去年不僅游水學校有新場地，女兒方愛嘉（Isla）出世更帶來好運，令他多年申請檔期終告成功。
對於終於能登上這個香港歌手夢寐以求的舞台，方力申坦言從未想過：「入行25年，真係冇諗過可以開紅館！尤其係我已經15年冇出過唱片，紅館對我嚟講係一個好遙遠嘅夢想。今次可以上到嚟，真係好緊張、好興奮！最開心係終於可以講一句：『山頂嘅朋友，你哋好！』」
去年對方力申來說是豐收的一年，他特別感謝太太葉萱：「太太好犀利，旺我！游水學校搵到新場地、紅館又申請成功，仲有我哋嘅囡囡Isla出世，令我順利解鎖做爸爸嘅身份，真係好多謝佢哋！」他笑言囡囡也是「腳頭好」的小福星，因為多年來屢次申請紅館檔期均失敗，有女兒後即成功獲批。
《方力申Perfect Moment最佳時間演唱會2026》
席間首播新歌《万刀甲》，更獲「波友」尹光驚喜現身，二人即場切磋乒乓球，場面爆笑！
為配合首次紅館個唱，方力申一改以往健康陽光形象，在宣傳海報中大膽染上金髮並穿上桃紅色西裝，預示演唱會將有全新突破。他透露今次演唱會嘉賓不止一位，而歌單更是精心挑選：「今次歌單起碼有三分之一嘅歌，係之前七場內地巡迴演唱會冇唱過嘅，有啲重要嘅歌甚至係我第一次唱。因為紅館有一個好靚嘅舞台同製作，好適合將呢啲滄海遺珠呈現俾大家。」他強調要上得紅館一定要「除」，而為展示最佳狀態，現時已積極鍛鍊，務求以最佳會見歌迷，嘉賓方面，方力申直言上得紅館當然不止一個。
記者會另一大亮點，早前與方力申巧合地穿上同色西裝的尹光驚喜現身，原來二人是私交甚篤的「波友」，經常相約打乒乓球。席上二人即場較量，引得笑聲不斷。方力申藉此宣揚多做運動的健康生活，並感激一眾好友的支持：「好多謝投資方兼好友林盛斌（Bob）、鍾楚霖及劉浩龍嘅鼓勵，舊年全靠佢哋嘅鼓勵，我先至可以踏出嘗試內地巡迴演出，繼而申請到紅館檔期，真係好感激佢哋幫我圓夢。」
為個唱積極操肌的小方，笑言回家見到女兒就心情太好難節食，成為最大「隱憂」。
他笑言女兒是「小福星」，計劃帶同全家捧場，讓愛女見證這個重要時刻。
從運動員到歌手、演員，再到今日的丈夫與父親角色，方力申憑藉如水般柔韌的堅持，終於迎來事業生涯的「Perfect Moment」。《方力申 Perfect Moment 最佳時間演唱會2026》將於5月16日舉行，門票詳情將於3月11日公開發售，樂迷萬勿錯過！
《方力申Perfect Moment最佳時間演唱會2026》
冠軍贊助：VetiVa Center for Animal Wellness
主辦單位：棋人香港 / 生意兄龍 / 力申創作
協辦單位：光尚娛樂 / 無限演出 / 小金鹿娛樂 / 未來文化
日期：2026年5月16日 (星期六)
時間：晚上8時
地點：香港紅磡體育館
票價：HKD$ 1080 / 780 / 480
公開發售日期：3月11日早上10時
票務平台：城市售票網
