許志安、Gin Lee、楊千嬅力撐後輩女團 XiX本周六西九開騷VIP門票福利多

參加TVB節目《聲夢傳奇2》後入行的女團XiX，將於7月18日在AXA x Wonderland 竹翠公園開騷，向粉絲大派福利。現時的四位成員分別為良玳瑩（Crystal）、楊秉頤（Caitlin）、繆昀希（Charlotte）和鄧曉殷（Kiele），四女最近推出新歌《微笑擊敗全世界》，獲多位資深歌手一同合唱及推廣新歌《微笑擊敗全世界》。

與許志安合唱

與Gin Lee合唱

與楊千嬅合唱

與側田合唱

與方力申合唱

與蘇永康合唱

與泳兒合唱

與劉浩龍合唱

XiX剛剛推出了Digital Album《The Pretty Good Journey》，歌曲為《SiS》、《Pretty Good》、《Miss You Much》、《你唔明㗎喇 (Remix)》、《你唔明㗎喇》、《A0.5》及《微笑擊敗全世界》。新歌《微笑擊敗全世界》更邀請了多位資深歌手一同合唱，分別為許志安、Gin Lee、楊千嬅、側田、方力申、蘇永康、泳兒、劉浩龍等，合唱版於小紅書掀起熱議，有網民形容：「好有迪士尼feel」、「Swing重組好麼」、「阿公（蘇永康）版最齊人，偏心啊」、「阿田唱出另一種feel，就好似一個現實世界噶人去到童話世界咁噶feel」。

合唱版於小紅書掀起熱議

合唱版於小紅書掀起熱議

合唱版於小紅書掀起熱議

合唱版於小紅書掀起熱議

合唱版於小紅書掀起熱議

合唱版於小紅書掀起熱議

本周六（7月18日）將會舉辦《Backyard Live: XiX 「微笑擊敗全世界」》，門票分為價值$888的VIP（坐位）及$388的GA（企位）。VIP門票尊享親筆簽名紀念票根、演唱會主題 Tee、特製手燈、1v4 合照福利，相信粉絲定必十分期待。

鄭秀文（Sammi）在啟德主場館舉行一連三場「答謝會」，驚喜一浪接一浪，前晚與嘉賓劉德華登上《瘦身男女》經典「朋友號」巡遊，昨晚第二場嘉賓許志安，許生許太世紀手拖手合唱《一步一生》和《其實你心裏有沒有我》，擲下粉紅色震撼彈。

Sammi第2場「答謝會」圓滿結束。

「答謝會」驚喜一浪接一浪！

許生許太世紀手拖手合唱《一步一生》和《其實你心裏有沒有我》。

Sammi坦言被通知演唱會延期後感到前所未有的考驗，她選擇積極面對，「今次一連三晚『答謝會』對我嚟講相當之特別，我諗對於現場嘅觀眾都係一個好大嘅體驗，所有嘢都好突發，所有嘢都好突然。開show前幾日收到消息，一切叫『停』，呢個『停』字相當之重。之前我做咗好多準備，團隊亦都預備咗好多精彩、好多嘢睇嘅production。既然上天俾咗呢個考驗我，我就接受佢，用好正面、積極嘅態度接受佢！」

然而Sammi自覺需要更大的力量來陪伴，「原本今晚喺真正嘅演唱會上係冇任何嘉賓，但發生呢件事，我覺得今晚喺呢個舞台上，我好想有一份更加大嘅力量俾自己，因為呢幾日走過來確實好唔容易。前幾日我同呢個人講：『你可唔可以嚟做我嘅嘉賓啊？我記得有一年喺紅館，開開下演唱會冇晒電嘅時候，我叫救命，第一個諗到你，所以今次好想有呢份力量幫我去渡過。』」音樂奏起《一步一生》，許志安升上台，全場歡呼。

Sammi、許志安

Sammi、許志安

安仔邊唱邊一步步走近伸展台中間的Sammi，而Sammi亦向他行過去，她接著唱：「沿途就算跌，要跌得好看，才能不自責，報答別人厚望，然而誰明白我沒你們所想的堅壯，我很想找個人，對我說別怯慌」她肉緊地握著拳頭，歌詞似乎篤中她的心聲。他們相遇，四目交投，盡在不言中，安仔一手拖住住Sammi，給予她最大和最溫柔的力量，全場再次尖叫。

Sammi、許志安

Sammi、許志安

唱完，Sammi對安仔說：「多謝你！前幾日，臨時臨急問你可唔可以陪我企喺呢個台？因為今晚第二晚，我好唔想自己一個人。於是我通知公司，可唔可以臨時加個嘉賓？因為原來有好多嘢搞，要買保險，都整得切，幫你買咗保險。」觀眾被Sammi反差萌逗得爆笑，安仔就一直甜笑望住她。

Sammi、許志安

然後二人合唱經典作品《其實你心裏有沒有我》，Sammi笑說：「幾廿年嘅歌，好耐無唱。」安仔又忍不住笑。他們手拖手邊行邊唱，最後對望、傻笑、擁抱，非常溫馨。安仔轉身離場時，Sammi笑說：「屋企見，拜拜，See you later！」場面溫馨逗笑。

Sammi、許志安

昨晚VIP區亦好熱鬧，「大小谷」谷德昭與谷祖琳、馮允謙、女飛魚歐鎧淳、Nowhere Boys主音Van、連家穎和江博熙等捧場。巡遊環節換上小紅車，Sammi演唱《衝動點唱》和《熱愛島》，觀眾走上前熱情揮手，非常熱鬧。

谷德昭、谷祖琳

Nowhere Boys主音Van、馮允謙

連家穎、江博熙、歐鎧淳

而Sammi亦換了新裝，其中encore唱《終身美麗》時穿上珍珠白色露肩裙，原來特別為香港站的歌迷而設，她說：「我喺大馬演唱會，著咗一條呢個style嘅裙，當時所有觀眾都覺得好靚。香港場我都好想著返條咁嘅裙俾觀眾睇，呢條係新㗎，希望香港嘅觀眾都可以感受到佢嘅美麗。」Sammi果然是「寵粉天花板」，她亦再三叮囑觀眾好好保存門票，可選擇退票或之後憑票入場欣賞正式演唱會。最後，她感激觀眾支持她和團隊，「啟德個場再大都比不上你哋嘅包容，同埋對我嘅愛咁大，多謝！」

Sammi換上新裝。

在encore唱《終身美麗》時穿上珍珠白色露肩裙。