又一宗羅生門事件
如果提供的餐點被發現有曱甴，餐廳理應道歉賠償。然而近日有網民於社交平台發文，表示自己於荔枝角某茶餐廳用膳，期間目擊有食客發現飲品有曱甴，於是向侍應反映，但侍應不單沒有道歉，態度更非常惡劣。食客非常生氣，立即埋單並聲言「估唔到一個道歉都冇」。此時，一名疑似是廚師的壯漢從廚房衝出來，以手叉住食客的頸並逼他埋牆。目擊者看不過眼餐廳職員的惡劣行為，於是發文公審。事件鬧得沸沸揚揚，及後餐廳的負責人亦留言反駁表示帖文不實，並上載cctv還原事件，不過cctv只有畫面沒有聲音，令網民難辨真相。
點擊看圖輯
有網民於Facebook發文，表示光顧荔枝角某茶記，目擊「飲品有曱甴，食客要求道歉，然後比廚師打」。圖中為涉事女侍應。（「香港茶餐廳及美食關注組」FB圖片）
餐廳留言否認指控，並上載cctv。（「香港茶餐廳及美食關注組」FB影片截圖）
（「香港茶餐廳及美食關注組」FB影片截圖）
從cctv可見，廚師的確有對食客動粗叉頸。（「香港茶餐廳及美食關注組」FB影片截圖）
餐廳的版本與目擊者的陳述大相逕庭。（「香港茶餐廳及美食關注組」FB圖片）
原來廚師與女士應是夫妻關係。（「香港茶餐廳及美食關注組」FB圖片）
有網民於Facebook發文，表示光顧荔枝角某茶記，目擊「飲品有曱甴，食客要求道歉，然後比廚師打」。圖中為涉事女侍應。（「香港茶餐廳及美食關注組」FB圖片）
該目擊者於Facebook群組「香港茶餐廳及美食關注組」發文「飲品有曱甴，食客要求道歉，然後比廚師打」，他指自己日前兩時多到荔枝角某茶記用膳，鄰座食客發現飲品有隻曱甴，於是向女侍應反映「見到野飲有曱甴就想嘔，同埋點解可以一句對唔住都冇」，女侍應竟回應「咁你咪嘔囉！」。食客非常生氣「即刻出去埋單走」，並不滿地對收銀員講「欣賞你地品牌先成日食，但今次好失望，估唔到一個道歉都冇。」
餐廳留言否認指控，並上載cctv。（「香港茶餐廳及美食關注組」FB影片截圖）
豈料此時，突然有名壯漢廚師從廚房衝出來，對食客動武「點知廚房突然有個廚衝出嚟推個客埋牆！再叉住食客條頸！！個廚又高大又紋哂身，想摙死個客咁！」。其他客人見狀立刻上前阻止「話再郁手就報警，最終要其他人拉開先停手」。
（「香港茶餐廳及美食關注組」FB影片截圖）
之後其他侍應就護送廚師返回廚房，「呢個時候仲係一句對唔住都無疑似老闆就過嚟話只係話係小誤會，無咩事」。最終，有人報警，而一眾目擊事發經過的客人則主動留下聯絡電話給受害食客「話願意做證人，真係個個都睇唔過眼」，即使警察到場「佢地成班人仲係繼續好串，完全覺得自己無錯」。
樓主認為餐廳行為非常過份，於是不平則鳴，把事件公開「俾人知道呢間餐廳點樣對食客。就算我唔係當事人，但睇住成件事經過，荒謬到一定要俾更多人知道！」
從cctv可見，廚師的確有對食客動粗叉頸。（「香港茶餐廳及美食關注組」FB影片截圖）
此帖一出即引起網民熱議，不少網民表示會罷食該茶記，令茶記負責人、事件中的女侍應，不得不出面留言解畫，女侍應表示有同食客道歉，更指食客想借故吃免費餐，與目擊者陳述的版本大相逕庭。她亦上載cctv企圖還原真相，不過cctv只有畫面並沒有聲音，難辨誰是誰非。
餐廳的版本與目擊者的陳述大相逕庭。（「香港茶餐廳及美食關注組」FB圖片）
網民分成兩派，大部分人認為餐廳方面，無論如何亦不應動粗「因為無聲唔知雙方噏左啲乜，我剩係見到個客去埋單亦無乜嘢過激動作然後俾人叉頸」、「食物有曱甴，出手打人，仲有乜好講」、「睇完段片，剩係覺得廚房佬不停兇人，仲要叉埋頸！如果換轉係我，簡直覺得生命受到威脅」、「垃圾餐廳，比小強啲客食，仲要聲大大出手打人，blame the victim 屈人free meal」、「其實了解咗件事，係唔啱嘅道個歉，客人通常都會算數，咁攪咪越攪越衰」、「如果唔係餐廳唔啱，其他人點會咁熱心留電話做證人」。
原來廚師與女士應是夫妻關係。（「香港茶餐廳及美食關注組」FB圖片）
有人則認為若非食客撩交嗌，廚師不會這麼激動「睇番食店自己版本，系個客人r（呃）唔到free meal 西在先，佢話要去嘔，餐廳就叫佢去嘔喇，咁都好正常啫」、「個客講嘢咁斯文可以令到個廚房佬會咁嬲？除非佢係躁狂者，但躁狂都要有嘢激發到佢先咁嬲㗎，定係你記/寫漏咗啲嘢」。
帖文來源：Facebook群組「香港茶餐廳及美食關注組」
