劍擊港隊「大師兄」張小倫主持網上清談節目 當眾向女神鄧麗欣示愛：好想追佢

劍擊港隊「大師兄」張小倫首個網上清談節目 《大師兄Friend嚟喇》不經不覺就做了八集，第八集亦係最後一集，導演為大師兄制造驚喜，欺騙他這集嘉賓除了 18項香港紀錄保持者，香港女子游泳選手兼藝人歐鎧淳外，另一位是蝦頭（楊詩敏）。於是大師兄刻意為蝦頭煮了蝦頭湯，還放埋蝦頭係湯入面，讓蝦頭有驚喜，但結果來的是Stephy（鄧麗欣），大師兄由細到大傾慕的女神，驚訝之外更是手騰腳震，但聊天到最後，他再也忍不住衝動，向Stephy 示愛，坦言細個曾經幻想過，如果第日大個Stephy 仲係單身，好想追佢。

張小倫首個網上清談節目 《大師兄Friend嚟喇》第八集，邀請Stephy（鄧麗欣）同歐鎧淳做嘉賓。

大師兄一直視Stephy為女神 ！

大師兄當日進錄影棚，見到坐著的兩位女嘉賓當中，其中一個竟然係Stephy ，隨即驚訝大叫：「嘩！嘩！嘩！點解 ....係佢…我上次出席一個活動，本來話可以見到佢，最後冇，幾失望。嘩，今日見到...面都紅埋....」Stephy 笑道，「我係蝦頭喎，哈哈哈....你諗住問我咩問題....」大師兄隨即口啞啞，笑住話，「哎哋！佢地呃住我，我連問題呀乜都未有，我都覺得有古怪㗎啦 .......」

仲當眾向Stephy示愛！

張小倫化身廚神主持！

對著兩個靚女，大師兄埋位真正開工面對鏡頭，都有返專業態度，不過唔知係咪對住心目中女神，比平日多咗少少拘謹，「佢地話有個嘉賓食素同白肉、所以我整咗波菜千層面，同煲咗個海鮮湯...」飲湯時Stephy大讚，「嘩，好飲喎！」令大師兄十分開心，到節目差不多尾聲，他再也按不住興奮的小fans情緒，向著鏡頭坦白說，「節目組問過我，鐘意訪問咩女藝人，我話我中學時真係好鐘意佢，（望向Stephy）我仲話，我好想追佢呀，假如佢依家仲單身嘅話。」Stephy就笑道，「我都話，最唔想就係啲人見到我，同我講細細個就鐘意我囉.....哈哈... 」大師兄，「真係好多謝你肯上我個節目，傾完計，好舒服，好開心，你哋唔明㗎啦，哈哈！」

張小倫坦言細個曾經幻想過，如果第日大個Stephy 仲係單身，好想追佢。

兩個靚女嘉賓。

節目過後， 大師兄仍留在與女神相見的興奮中，他直言今天真的很開心，從小到大喜歡一個人，真的沒想到會見到，問到他是否覺得相逢恨晚了？因為雖然Stephy 仍是單身，他卻已經為人夫。大師兄笑道，「想追Stephy 只係小時侯年少無知夢想啦，哈哈哈......。依家當然就係唔敢亦唔會，我都好愛老婆。老婆係我成長之後的女神嘛。」

究竟節目之中 大師兄仲同歐鎧淳，Stephy傾咗咩，今個星期四（7月20日）ChillGOOD節目《大師兄Friend嚟喇》會出Season 1 最後一集。

香港知名演員及歌手鄧麗欣（Stephy）以畫家身份「出道」，舉辦首個個人畫展「Step into the Secret Garden」，今天舉行隆重的開幕儀式，Stephy透過藝術形式與大眾分享一個屬於她的「秘密花園」。畫展由今年11月14日至明年1月4日，於啟德零售館2期4樓展出。

「Step into the Secret Garden」

「Step into the Secret Garden」

「Step into the Secret Garden」

「Step into the Secret Garden」

「Step into the Secret Garden」

「Step into the Secret Garden」共展出逾20幅畫作，Stephy希望透過展覽讓大家心靈洗禮，帶大家走一趟靈修之旅。Stephy 表示喜歡在創作過程中沉澱自己的情感，享受每一筆每一畫帶來的靜謐與思考。對她而言，畫畫不僅是一種表達方式，更是一種心靈的療癒。她的作品充滿了色彩與情感，讓觀眾能夠感受到她對生活的熱愛與思考。在她的作品中，觀眾可以感受到她的情感和思考，這些畫作不僅是視覺的呈現，更是她心靈深處的反映。這次畫展不僅展示了她的藝術才華，也讓人們得以一窺她的內心世界，感受她在藝術作品中所展示的平靜與詩意。

自小志願成為畫家的Stephy夢想成真！Stephy說：「我2、3歲已經好鍾意畫畫，細個唔知賺唔到錢架嘛，所以就立志做畫家，嘻嘻……直至中學都有讀art，但都慢慢冇繼續畫嘞，開畫展更加覺得冇可能發生，今次係一個緣份……上次同一個品牌合作展出自己兩幅畫作，個簡介寫我係畫家，嗰一下真係激發到我嘅潛能同想法去做呢件事！」Stephy的首個個人畫展構思別具意義，望能讓大家心靈洗禮，她說：「睇完整個畫展希望大家有一個心靈洗禮嘅感覺，裏面除咗將我嘅嘢投射咗喺畫作入面，我想大家唔只感受我嘅嘢，最重要係感受吓自己嘅內心，一個少少靈修嘅旅程。」

共展出逾20幅畫作

自小志願成為畫家的Stephy夢想成真！

自小志願成為畫家的Stephy夢想成真！

畫展由今年11月14日至明年1月4日

雖然畫展籌備時間不多，過程中Stephy更經歷了舉辦演唱會、到外地工幹、出席不同的活動等，可謂忙上加忙，不過她無時無刻都會為個人畫展構思，她說：「畫展籌備咗唔算好耐，中間都有好多工作，怕唔夠時間，所以都幾大壓力，我趁一有空檔就日日返studio閉關，思考吓畫啲咩、整個畫展嘅舖排同形式，好多嘢要處理，個腦裏面好多嘢諗。成日都緊張得嚟又唔知緊張啲咩咁，第一次搞畫展，好多嘢都唔識，不過最重要係盡自己能力畫好啲畫。」

分享藝術成品的同時，「Step into the Secret Garden」將會參與門票捐贈計劃，每張門票部分收益將撥捐「點滴是生命」，目標籌得善款10萬港元，用作柬埔寨兩所學校興建淨水器項目，讓500位師生能有潔淨的食水，有效減低生病的機會與改善衛生。

Stephy希望透過展覽讓大家心靈洗禮

「Step into the Secret Garden」展覽詳情
日期：2025年11月14日 至 2026年1月4日
時間：11:00am - 9:00pm (8:15pm為最後入場)
地址：九龍城承啟道38號啟德零售館2期4樓