《愛回家》宋氏一家三口團聚 「Philip仔」報喜成功考入心儀中學

真係好似真嘅一家人！

童星梁禹勤自2017年就加入TVB處境劇《愛．回家之開心速遞》，飾演「送水輝」許家傑的兒子「Philip仔」，與劇中「父母」送水輝及「大小姐」林淑敏大放笑彈，深得觀眾喜愛，但現年12歲的Philip仔今年初開始因為要專業學業而決定淡出《愛回家》。近日Philip仔就與「父母」團聚，並開心宣布入到心儀中學。

宋氏一家三口

Philip仔同劇中爸爸媽媽好好感情。

Philip仔在社交平台貼出「一家三口」的合照，並留言：「今晚輝爸爸請食飯，慶祝屁孩入到心儀學校，可以同好朋友們一起渡過快樂的中學生活。屁孩話會努力讀書，將來好好孝敬輝爸爸同Linda媽咪#宋氏一家」。相中可見踏青春期的Philip臉上開始生暗瘡，但依然靚仔，而且三人有晒dress code，同樣穿著白色T-shirt，非常合襯！

輝爸爸同Linda媽咪同Philip仔食飯，慶祝Philip仔考入心儀中學！

「Linda媽咪」之後都在在帖文下回覆：「愈大愈靚仔！我終於明白點解啲媽咪會覺得自己個仔永遠好過其他人。」而「輝爸爸」除了回覆：「乖仔，俾心機讀書。老豆永遠愛你」，還貼出「全家福」，留言道：「還記得6年前的小豆丁，霎眼已經長大成人。雖然唔係我親生兒子，雖然我在片場對你很嚴厲，但我從心的喜愛你。無論將來你既路係點行，但好肯定我哋會陪你一齊行#宋飛立#蓮輝#永遠愛妳。」字裏行間可見許家傑已經將Philip仔當成自己的親生仔。

真係好似一家人！

輝爸爸已經將Philip仔當成自己的親生仔。

Linda媽咪都好錫Philip仔。

不少網民都留言表示宋氏一家三口好有愛，「緣份係好奇妙的，有緣相識，唔等於會有愛，三個無血緣關係的人，相愛如真正的一家人一樣，真的好難得啊！！祝你們可以永遠幸福快樂」、「3個都襯晒白色衫，同埋相處咗6年時間真係同親生冇分別」、「簡單幾行字，但每粒字都充滿愛」，連陳敏之都忍不住留言：「你哋真係好似一家人！」許家傑就回覆：「 6年都係屋企人，連樣都似埋。」

醫療的本質在於尊重與溝通。善寧會一直秉持此信念，以「『終』會如願」為使命，透過專業的紓緩服務傳遞關愛，讓每位晚期病患及其家屬都能真切感受到服務團隊所帶來的溫暖與支持。為了向公眾展示本會的紓緩治療服務，並推廣生死教育，善寧會2025年10月25日至26日一連兩日於沙田的「賽馬會善寧之家」舉辦開放日，吸引超過700人前來參觀。開放日邀請到多家友好機構合辦一系列主題講座及工作坊，吸引不少市民及患病者家屬參與，透過分享去交流如何預早規劃，提早為人生晚期圓滿作準備。

許家傑

許家傑

許家傑

廖慧儀

廖慧儀

廖慧儀

活動上，善寧會正式啟動與癌症資訊網慈善基金的合作項目，宣布將參與「渣打香港馬拉松慈善計劃2026」，以「步步為寧X醫患陪你跑2.0」主題，誠邀公眾參與及支持。「善寧會親善大使」許家傑及同樣熱愛跑步運動的藝人廖慧儀特別現身呼籲大家支持參與。一向熱愛運動的許家傑近年專注跑步，除了考獲教練牌照外，更身體力行跟朋友成立跑會，與不同地區的市民一齊跑步強身健體，對於今次馬拉松活動，家傑表示：「今次我會挑戰半馬賽事，最開心係將自己喜好跑步能夠同慈善結合，絕對係雙重意義。今日都有好多我平時跑會嘅跑友嚟到現場參加開放日，一齊了解善寧會嘅工作，大家追求健康嘅同時亦係心靈上嘅一份滿足，畀晚期嘅病人同家屬有種同行嘅力量。」他表示今次慈善跑將會號召TVB的藝員朋友一齊落場參加，特別是《愛‧回家之開心速遞》同事，希望大家眾志成城揮灑汗水，一齊為善寧會籌募更多善款。他透露近日《愛回家》的拍攝工作雖然忙碌，不過都會每星期定期跟Hea Running Team跑會練跑，除了備戰今次的半馬賽事之外，亦是他的工作減壓的最佳方法。

「賽馬會善寧之家」舉辦開放日

廖慧儀、許家傑

善寧會以「『終』會如願」為使命

善寧會以「『終』會如願」為使命

同樣是運動迷的廖慧儀經常會行山、做瑜伽和跑步，曾受情緒困擾的她都是靠跑步走出低谷，她表示現時跟許家傑、林淑敏等成為同區跑友，經常參與他們跑會的練習，今次將會為善寧會參與半馬賽事，「我冇跑過馬拉松，今次係我人生第一次半馬，為咗今次備戰，而家每星期都跑三日，其中會跟住許教練嘅Hea Running Team去練跑，成班跑友互相鼓勵，感覺好熱血。試過最火嘅一次係禮拜五凌晨12點喺羅湖拍完劇，即晚過關返香港，瞓兩個鐘天未光就去跑，冇諗到自己咁鍾意、咁投入，亦係成為我生活嘅力量。我知道今次都有好多醫護代表一齊跑，真正做同『同行』嘅氣氛同意義，跑步都跑得特別有意義。」善寧會歡迎兩位星級跑手及所有醫護界代表參與盛事，善寧會代表表示：「我們相信，每個生命都值得被溫柔以待。這次的開放日，我們希望能讓大家感受到，即使面對生命的挑戰，我們依然可以選擇用愛與理解，寫下溫暖的篇章。」