Anson Lo自爆壓力爆煲感謝神徒支持 陳慧琳激讚：樂壇好需要你呢啲歌手

Anson Lo在尾場也多次哽咽，一度落淚！

「教主」Anson Lo一連四場亞博個唱《ANSON LO “THE STAGE” IN MY SIGHT SOLO CONCERT 2023》在7月26日嚟到尾場，繼有Dear Jane、阿Sa蔡卓妍做嘉賓之外，尾場就邀請天后Kelly陳慧琳做嘉賓！二人跳唱經典歌曲《花花宇宙》，全場即刻起身狂嗌！

「教主」Anson Lo一連四場亞博個唱《ANSON LO “THE STAGE” IN MY SIGHT SOLO CONCERT 2023》

二人跳唱經典歌曲《花花宇宙》

配合默契！

勁歌熱舞

Kelly一出場就大讚Anson Lo勁勤力，透露合作咁多Artist第一次見個主角會排埋舞畀自己，高度評價表示：「樂壇好需要你呢啲歌手！咁認真為我哋樂壇出一番力，勤力、無得頂！」之後Kelly再獨唱《對你太在乎》，又唱又跳完全冇喘氣，認真厲害！Dear Jane繼第二場之後再次擔任嘉賓，與Anson Lo合唱《Money》，令全場尖叫high到爆！後來還與神徒們合唱《到底發生過什麼事》。

Kelly一出場就大讚Anson Lo係勁勤力

高度評價表示：「樂壇好需要你呢啲歌手！咁認真為我哋樂壇出一番力，勤力、無得頂！」

Dear Jane繼第二場之後再次擔任嘉賓

與Anson Lo合唱《Money》

Anson Lo向來感性，在尾場也多次哽咽，表示自己今年壓力爆煲，曾考慮過停下來休息，也同花姐講過「我頂唔順啦！」，就連教父、教母都同佢講「唔好衝得咁快」，但係因為神徒們的支持，才給予他力量：「喺我好累嘅時候，對自己當日表演好失望、工作未如理想等，我都見到你哋叫我要加油。好多人話我浸淫咗喺大家叫我努力，而唔記得點樣去進步。但係永遠愛係大過憎恨，我呢一年學識咗無時無刻鼓勵下身邊嘅人，值得定係唔值得都要俾多啲愛大家。」

Anson Lo向來感性，在尾場也多次哽咽

表示自己今年壓力爆煲

落淚感謝

因為神徒們的支持，才給予他力量

落力表演俾神徒睇！

Anson Lo感謝大家才有呢場演唱會

隊友呂爵安(Edan)、柳應廷(Jer)及李駿傑(Jeremy)撐場！

教父教母場場都到！

練美娟、陳俞希、陳子豐等藝人亦有現身支持

Anson Lo個唱完美落幕！

期待Anson Lo第二次個唱！

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。